السلام عليكم ورحمة الله وبركاته
اليوم قد منبه جوال زوجي ورحت اسكره عشان يصحى
والرسائل عنده تبان في الواجه رسائل الواتس
المهم ضغطت عليها الا مكتوب فلان كيف طريقة المسيار
يعني أنا لحضتها استغربت او ممكن صدمه
او اندهاش وأقول مستحيل اللي خطر ببالي
أنا خطر ببالي ماجا هذا وسأله الا يعرف
انه يفهم بهالامر او متزوج مسيار
لكن مستحيل يسويها
للان شكلي مصدومه أنا بغيت اطنش
ماقدرت فسألته قال غريبه آش السؤال
الغريب
بعدين قلت سواله غريب يعني لاتلومني
بس ليه يسألك قال ايوه ايوه متزوج أنا مسيار
قالها بزعل
قلت أنا مو مصدقه مستحيل تسويها
بس لاتلومني رجع بعدين وهو يلبس رايح للدوام
يقولي والله ما ادري ليه سال
قلت طيب سواله مو غريب
قال لا عادي يسال الشباب
طبعا الاسم مسجلة زي كذا ------
وقال هذا زميلي فلان بس بالجوال مسجلة
مثل ماقلت نقاط
بعدين قلت تكلم معه قدامي بالواتس عشان أتأكد انك
بريء قال طيب وكتب ليه ناوي تتزوج مسيار لصاحبه
لكن صاحبه مارد يمكن نايم
وجا رائح العمل وخبرته اول ماتخرج
حضل طول عمري هالرسائل ببالي
لان ممكن يخرج ويتفق معه على الكلام
المهم انه حلف انه مايفهم بالمسيار
وبعدين بديت أقوله طيب يمكن انت خبرته
عن واحد متزوج مسيار عشان كذا سالك
قال مدري ما اذكر
بعدين قال صح عمري قلتله من سنوات
عن واحد متزوج مسيار
طبعا مستحيل عرفت انها كذبه
بعدين قال لا خويي هذا طايح بمشكله
والبارح علمني عنها وانا قلت له الحل المسيار
وحذفت المحادثة لان ماكان فيه محادثه
مع هذا فقط سؤاله
المهم ان تبريره هذا شككني
بس مستحيييل متزوج مسيار
هو يادوب مشغول معي ومع أهله
ولا يخرج كثير المحل الوحيد اللي يروحه
بانتظام النادي وأحيان ينشغل مايروح
وانا دايم اشجعه وأحيان أتخلى عن مشوار
لي عشان يروح النادي لان النادي عشقه
المهم أني مو مصدقه لكن عقلي يقول
ان الرسالة مو شي عادي
وكمان بالعلاقة والله والله أني من يوم
تزوجته مستحيل أقول لا حتى بوحمي
اكرهه وماطيق ريحته بس أوافق
لآني أبغى رضى الله
وكمان ادلعه
بس ما ادري
تكفوون ساعدوني
صح نسيت أقول أنا الرقم حفظته عندي
اشرايكم ادق عليه