السلام عليكم ورحمة الله
جزاكم الله خير احبتي من وقفو معي برأي ومشوره في موضوعي السابق قبل كم شهر
اخر اخباري والحمدلله في الفتره الماضيه كان زوجي رافض اي تنازل لصالحي كل اللي يبيه
له هو فقط وقاعد يتشرط ع اهلي طبعا ازعج اهلي قبل تقريبا شهرين ونص اني اخذ اغراضي من البيت
ولا يبيني ولا عاد لي رجعه وكل يوم يدق عليهم لحد مارحت واخذت اغراضي كلها بعد مااخذت اغراضي بيوم او يومين كان لي كم غرض بمطبخ بيته ناسيتهن جابهن ورماهن عند بيت اهلي وهالشي خلاني
اتاكد اكثر انه بايعني ومايبي نقاش انا عزت علي نفسي ورفضت بعدها اي تدخلات من اهلي انهم يصلحون وقلتلهم انتم تشوفون انه مايبيني بس يبيني اربي له بناته وهو يتزوج ويشوف حياته
قعدنا فتره طويله بس يتكلم ويسبني عند اهلي وبدون مايعطي اي حل او تنازل بالعكس كان يزيد عناد
طبعا اهلي عرفو انه لايمكن يتغير وتركنا فتره مايتواصل معنا وقبل فتره بسيطه كلم اخوي انه خطب وامه اللي سعت له طبعا وراح يتزوج قالو اهلي الموضوع مايهمنا جيب ورقة البنت وبس قعد يقنعهم انهم يغصبوني ارجع له قالو مانبي نجبرها وانت ماتبيها قال لا ماابيها بس عشان بناتي ابيها ترجع وبيحطني ببيت انا واياهن واصير معلقه مو مطلقه ولامتزوجه وهو بيتزوج ويشوف حياته ومتى ماشتاق لبناته يدخل ويشوفهن لاني محرم وماحد بيتكلم يعني يبي يظلمني بقعدتي معه هو يشوف حياته وانا اعيش ع ذمته يدون حقوق ومجرد مربيه للبنات
اكيد رفضت وقلت لو كان يبيني ماتركني زعلانه هالفتره ذي كلها ولا ارخص فيني بهالشكل ماكن فيه بيننا عشره انا استخرت من قبل وهذي كتبة ربي
هو قال لاهلي ماني مطلق روحو للشيخ اشتكو يعني يبي فضايح وابوي واخواني زعلو منه وصار يدق عليهم وعلى امي ومايعطونه وجه وبالاخير ارسل لاخوي اني ماابي زعلكم وخلاص بناتي هن بناتكم وطلبكم ابشرو به يعني بيطلقني
انا ادري انه خيره لي بس ماتوقعت يرخص فيني ولا يسوي ولاخطوه ايجابيه عشاني يعني سنيني معه راااحت بالهواء ادري انا استخرت وراضيه باللي ربي كاتبه لكن مااخفيكم ان فيه جرح داخلي لاني عشت معه حول ثمان سنوات وتحملت عشانه كثير وبكل سهوله باعني
الحمدلله ع كل حال
لاتنسوني من دعواتكم بالصلاح والهدايه والله يرزقني بالوظيفه اللي تغنيني ويحفظ لي بناتي ولا انحرم منهن
يمكن موضوعي مايهمكم واكيد مو كثير اللي تفاعلو بموضوعي السابق بس مادري ليه صار عندي رغبه ابلغكم بآخر اخباري
الحمدلله

http://www.66n.com/forums/showthread.php?t=254605

رابط موضوعي السابق

لا حول ولاقوة الابالله

الله يرزقك من واسع فضله ويصلح لك النية والذرية

__________________
lk

آمين الله يجزاك خير

وعليكم السلام ورحمة الله وبركاته. .
أسأل الله لك قلباً لايتوجع وصدرا لاترهقه تنهيدة ألم وفرجا وفرحا عاجلا ، ابشري بالخير أختي بإن الله القادم أجمل ..
عليك بالدعاء هو أساس التحولات الكبرى ..

آمين حبيبتي الله كريم

الله يفرج همك ويجبر كسرك ويعوضك بكل خير..
ويسعدك ربي ويرزقك من حيث لاتحتسبين..
آمين يارب..

__________________
(سيدة الموقف)
لم ننساك ونسأل الله ان تكوني أنتي وأولادك بخير

الفكه من بعض الوجيه غنيمة
ما دام ما يبغاك في قلعة وادرين
والعوض عند ربك..

كم بنت عندك..؟

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

اللله يعوضك خير و يرزقك من واسع فضله و يحفظلك بناتك و يجعلهم قرة عينك

__________________

(انما يوفي الصابرون اجرهم بغير حساب )

الحمدالله على كل حال
ربي يعوضك و يجبر كسر قلبك