أريد مشورتكم...،
((زوجي ينفعل لاسباب واهية))
انا صارلي يومين متخاصمه مع زوجي المشكله مافيه أي سبب مقنع بس حسيت هو كبر المشكله ويدور أي غلطه عليه عشان يوديني عند أهلي وفعلا تخاصمنا كمان اليوم وجابني عند أهلي وبدايه المشكله انه قبل يومين كان بيوصل احد قرايبه للجنوب وهي تبعد مسافه 300كيلو وقلي روحي عند اهلك قلت اناراح اجلس في بيتي وإذا طفشت راح أدق ع أخويه واروح معاه قال انا راح اجلس قلت عادي اجلس وأنا بعدين بروح عند أهلي واناعارفه أصلا انه ماراح يطول راح يرجع في نفس الوقت وهو عنده دوام اليوم الثاني المهم قام كبرها وخاصم وقلي لا أجي وإنتي في البيت وطلع انا ماطلعت من البيت لأني لورحت راح تصير مشكله وهو مافي أي شىء المهم هو رجع ع الساعه 3الفجر ودخل نام ولاكلمني وطنشت وبعدها لماصحينا قلتله اسويلك اكل طنشني وقام يتكلم وأنا طنشته وبعدها جاء طلب وسويتله المهم خرج ولارجع الا ع الفجر ولا قلتله شىء حتى ماسالت عنه خليته براحته واليوم طلب مني اسويله اكل بس كان بطريقه استفزازيه يعني زي الي انتي شغلتك زي الخدامه وقمت سويت ولاقلت شىء وأنا مااكلت وبعدهاطلبته في أكله معينه من بره ومارضي يجيبها وقام يتكلم عليه انا بصراحه ذي المره ماسكت وقمت ورديت عليه ومن قهري دعيت بس والله ماكان ودي ادعي بس خلاني اطلع من طوري وأتكلم وقلي والله لتروحين عند اهلك المشكله ماكنت بروح بس حسيت ذي المره زودها وانانفسي أعطيه درس عشان يتعلم هو في بعض الأحيان كذا إذا حسيت انه يبغى يسوي شىء لازم يسويلك مشكله ويكبرها وبعدها يرجع عادي ماكانه صار شىء هو ترى طيب وحنون وكريم وما يقصر ع بيته بس مشكلته لسانه واسلوبه الاستفزازي وأنا بصراحه ماقدرت أتحمل أسلوبه لأني حساسه بالمره وإذا سكت انفجر مره وحده تعبت منه ومن اسلوبه المشكله إذا صار بينا أي شىء هو الي يروح ويقول لأهلي والله انه العكس أني مااحب أقول لهم أي شىء حتى ماتصير العلاقه حساسه بينهم وبعدين اعرفه يسوي المشكله وع طول يرجع صرت عارفه أسلوبه بس ذي المره هو الي خلاني اطلع بالقوه المشكله انه مافي سبب مقنع بس خلاها توصل لأهلي وتحز في خاطرهم....

((تم التعديل ليتناسب مع المضمون ))

أتمنى أنكم تشورون عليه اش أسوي معاها بصراحه انا طفشت من أسلوبه الاستفزازي وحاولت افهمه بالطيب انه ذا الأسلوب ما ينفع معايه بس ولاشىء احترت كيف أتعامل معاه

السلام عليكم ورحمة الله تعالى وبركاتة
أختي في الله
يبدولي أن زوجك يحب أن يكون مطاع فقط ويحب كذلك أن يرى حبه في قلبك لأنه واصح بأنه "يدور غلاة" ، ولا يحب أن يعصى له أمر او أن يحس ان لاقيمة له عندك ، خصوصاً عندما تكون الأمور بسيطة كما قلتي!! وبما أنك تعرفين شخصيتة وبأنه طيب وحنون وكريم ووالخ ، عندما يعرض عليكِ أمور بسيطة نفذيها بالسمع والطاعة إن كانت لاتضر ولاتجرح ، وكونه طيب وحنون تستطعين شراء قلبه بالكلام الطيب والحوار اللطيف!! وعندما يأمُركي بطريقة مستفزة هو زوجك فلا تتحسين من طريقتة بل لو كنتي موفقة لحولتي هذا الموقف لإضحاكة كأن تقولين "حاضر طال عمرك" او أن ترُدي عليهِ بإحسان كأن تقولين له "من عيوني"!! صدقيني كل الرجال يلينون بالكلام الطيب!! وانا أولهم

عموماً يحب الرجل منا أن يكون مطاع وخصوصاً من زوجتة وتتفاوت درجاتهم في الطاعة على حسب شخصياتهم.

إخراجه لمشاكلكم عند أهلك هو خطأ وتستطيعين حل هذا الموضوع بالحوار والإقناع بإختيارك للوقت المناسب للحوار.

أحتضني زوجك وتعاملي معه جيداً بما أنك تفهمينة!! لاتكوني بعيداً عن قلبة.

اسأل الله لكِ التوفيق.

__________________
استغفر الله واتوب إليه

والله أني أحاول أني أتعامل معاه بالأسلوب الطيب بس هو يستفزني غصب عني والحين انا كيف أتصرف معاه المشكله انه قهرني بحركته وماودي أني جيت عند أهلي زعلانه

استعيني بالله وتعوذي من الشيطان
شعور القهر والحرة تراه صنع شيطان
انتم زوجين يعني المفروض اثنينكم واحد

قدري أنه رجل ويمكن عندة ضغوطات بالعمل او مع اهلة او مشكلة مع اصدقائة

ارتاحي شوي عند اهلك وريحي نفسيتك ، وافتحوا حوار هادي مع بعض لو عن طريق التلفون
وأستغلي كل خصلة طيبة فيه بحيث يكون كلامك متوافق مع أطباعة وصفاتة

الحرمة الشاطرة هي اللي تعرف وش يحب زوجها ووش يكرة
وتسويلة اللي يحب وتجنب اللي يكرهة

أحتضني رجالك واستوعبية!! صحيح انك حاولي وسويتي اللي عليك وباين والله انك زوجة حبيبة وطيبة
بس يمكن كانت محاولاتك خاطئة!! عيدي حساباتك من جديد لكن بعيد عن القهر والحرة وبعد ماتكونين مرتاحة ومتهيأة نفسياً

ولو أستفزك وسعي صدرك علية إلين تعرفين تسيطرين على اعصابة.

موفقة

__________________
استغفر الله واتوب إليه

صدقيني الشخص عنده مشكلة ما
سواء بالعمل او بالعلاقة او ضغوط اخرى
تجنبي المصادمة معه
حتى يهدأ بعدين تفاهمي معه بهدوء وحنية
واذكري محاسنه واشكريه بكلامك له مباشرة
فالرجل طبعه يحب الشكر
وأصبري واحتسبي كمان لازم تطنشي كثير
لانه البيت الواحد تحدث فيه فترة ركود ومشاكل
ونحتاج لمن يمص هذه الصدمات ...
فنحن بشر ولسنا آلالات
صحيح ان الكلام احيان يجرح
لكن هي طباع ويجب ان يتمرن الشخص على تركها
وانت دربيه على ذلك وقت سكونه او عندما يكون مستسلم
لكي وبفترة سعاده له وتقبل ...
والله يصلح الحال ويديم الامن والإستقرار فيما بينكم

كان سمعتي كلامه وخرجتي على بيت اهلك
وقضيتها فله ووناااااسه
اقلها ترجعي البيت بنفسيه حلووووه

__________________
Hug

انا كنت ناويه والله أصلا الليله أروح لأهلي وأغير جو بس هو الله يهديه سواها مشكله وهو شكله كان يبغى يسافر لانه قبل يومين جهز شنطته كان يبغى يسافر وانا قلتله عادي والله لو تبغى تروح بكيفك وانا وقت مااروح بروح بس ماادري اش صار وماراح وكل ما تكلمت معاه قالي مالك دخل المشكله الحين صارت عند الوالد وانا ماكان ودي انها توصل لأهلي لانه كم مره حصل موقف بينا وتوصل للأهل وبعض الأحيان تكبر والحين ماادري اش راح يصير

المتفائل بالله والله أني أحاول تطنيشه بقدر المستطاع ولا ارد عليه بس أوقات يستفزني وانا أكون معصبه أو طفشانه وحاولت افهمه بس مانفع
حسام العز أميين يارب والله يصلح حال الجميع
الأخت فرح انا كنت ناويه والله أروح بس كانت عندي كم شغله في البيت كان ودي اخلصها قبل مااروح

عزيزتي توتا
اعتقد ان زوجك يعاني تراكمات نفسيه ربما هي بسبب مواقف
حصلت بينكما في اﻻيام او في اﻻسابيع الماضيه وهو يفرغها
فيك بإستفزازه لك وبخصامه لك وبنظرك ﻻيوجد سبب مقنع
وايضآ قرأت ذات مره عن حاله تصيب بعض الرجال او الرجال
جميعآ( لست متأكده) بين فتره واخرى تسمى حالة الدخول
الى الكهف ينطوي فيها الرجل على نفسه وﻻ يريد منك سوى
تركه بضعة ايام بدون ان تحاولي اقحام نفسك في كهفه
بأي سؤال عن سبب وضعه او مايمر به ،حتى
يحاول الخروج اليك بنفسيه متجدده وصدر منشرح لك
وربما انتي حاولتي اقتحام عزلته فااراد ان يذهب بك
الى بيت اهلك حتى يعيش انعزاله في كهفه بكل اريحيه.
عمومآ اعتقد ان جميعنا نمر بما تمرين به انتي وزوجك بين الفينه
واﻻخرى بسبب ضغوطات يواجهها الزوج او الزوجه وحل المشكله هو
تجنب اﻻصطدام باﻻخر الى ان تمر هذه النفسيه المتقلبه على
خير ..
امكثي ببيت اهلك الى ان تهدأ نفسه ويتخلص من هذه التراكمات
وسيأتي اليك حتمآ ،، وبعدها اجلسي معه جلسه هادئه وافهميه
انه ﻻيجب ان يعرف احد بمشاكلكما وان حصلت مشكله ما فيجب
ان ﻻيذكر ذهابك الى بيت اهلك عند خصاكما وتعاهدا على ان ﻻ
تخرجي من بيتك برغبتك او برغبته ..
مودتي~

__________________

وكل شيء حولنا ﻻ يخلو من بعض الجمال،،لكنها ارواحنا احيانآ تصاب بالعمى~