السلام عليكم ....
أشكر كل القائيمين على هذا المنتدى ....
طبعاً عارفين موضوعي بأيام الملكة ...
http://www.66n.com/forums/showthread.php?t=244378
وها هي نفس الموضوع سموها مثل ماتبون تسموها ... والله لا أدري أين اذهب

اول شهر مشاكل معاها واول مشكلة وانا بشهر العسل وخارج المنطقة تحاول إنها تنكد على عيشتي باي طريقه ( إنت تعرف بنات إنت وش كنت تسوي قبل تخطبني وانت وانت ) والمشكلة والله إني اقولها

مالي غيرك لو لي غيرك بحياتي ماكان اخذتك ( واقطع كلامها .... واقولها يلا نطلع نتعشى ...... عشان اكبر راسي وانا العاقل ... ماودي اخرب هذا الشهر



اللين ماعرفتها معدني ( قلت يالبنت الحلال انا زوجك وماني ناوي اضرك عشان تحققي معي ( لو انعادت هاذي الاسئلة والله اعتبرك كانك منتي موجودة
انتهى شهر العسل على خير ....... الشهر الثاني في زواج من جماعتهم ( جتني وقالت حبيبي .... واول

مره اسمع تتقول حبيبي من فرحتي ( قلت سم ( قالت ابي فستان ...... قلت والله ابشري ..... وفعلا اخذت فستان سهره مايقارب 1400 ريال

وانا عارف ان عندها فساتين مو فستان .... وهذا كله عشان احسسها بحبي لها .... بس المصيبة إني اخذت الفستان ( وماراحت الفرح
سالتها ليش .... قال ماينفع اروح تونا معرسين واطلع ... قلت عادي ... قالت ليه تبيني اطلع عشان تاخذ راحتك .... والله استغربت من كلامها
طيب ليش .... لا ولا شي .... وفعلا نمت وانا نايم بداءت تفتش جوالي .... مادريت الا بعد اسبوع ... قلت ياولد اصبر بدايتها كذا
وطنشت ,,,,, وحطيتت رقم سري للجوال .... والرقم السري هذا .... خلا الصبح ليل ههههههههه
واسمع الكلام ..... االلي ماله داعي .... إنت خائن إنت ماتستحي أنا أكرهك ... طقني انا عندي استطاع والله أربيها ..... قلت ياولد اطلع برا البيت .احسلي ...
لما اطلع من البيت ... اتاخر ترسل رسايل ... خلاص انا اسفه .... وحشتني تعال ..... أرجع بوردة لها وتأخذها تسلم حبيبي ( نص ساعه وتقلب
عدة شهور وانا وياها مشاكل ..... وطيور الجنه هي وياها في زحمه ... وديني عند اهلي ... وديني عند صحباتي ..... صحباتها أنا مانعها لعدم الثقة فيهم ... إن كنت انا ظالمها الله ................. .....لم تتقبل هذا الكلام صارت لا تنظيف بيت .... حاولت اعلمها ... افهمها .... مافي فائدة .... اللين ماوصلت إنها تبيني اترجاها عشان اخذ حقي الشرعي ..... صارخت فوقها .... وقامت تبكي .... وتصايح انا اكرهك ... طبعاً ما احب أحد يتدخل لاكن خفت انها تسوي بنفسها شي .... وتقول انا وأنا سويت فيها ... اتصلت على امها ... عشان تعقلها ..... وهذا الرد اللي حصلته
معليش اصبر عليها ماصدقنا إننا دفيناها .... أنا بديت أوسوس ... اول قالوا إنها ... جبرتها ... بعيدن قالوا .... راح تتزوج برضاها ... واللحين الأم عادتها قلت كيف يعني .... قالت ياولدي صغيرة ..... قلت لا لا وش معنة كلمتك دفيناها .... قالت لا موقصدي شي

قلت بنفسي لازم اطلع أنا وهي فندق ( وفعلا حجزت فندق هليتون جدة ) عشان أجلس معاها جلسة مصارحه وسالتها أبيك تقوليلي الصراحه ( وقلت ماعندي أي مشلكة وماراح ازعل إذا قلتيلي إنتي احد جابرك علي ..... قالت لا ... قلت طيب مدام إني انا زوجك ليش ماتحترميني وتحترمي رائ ... ليش ماتسمعي كلامي ... رغم ماسويت لكي أي شي .. قالت خلاص اوعدك إني راح اتعدل معاك وأحترمك ....الشهر الثاني ولمدة أسبوعين..... انا ماودي اولفها على الأكل من الخارج لكن للاسف يوم تطبخ واسبوع لا المشلكة أجيها بالكلام الحلو .. واجيها بالشد ... يومين تتعدل واسبوعين مثل مشاكل ...... صارت تأخذ رائ اخواتها باي شكل من الاشكال ...إن كان في تغير شي بالبيت .... إن كان تأخذ شي لنفسها

حتى المطاعم .... ماخلون شي ... كلمتها مليون الف مره ... المشلكة تقول طيب حبيبي حاضر ... البنت تبي مشاكل وانا مطنش
قلت ياولد بسيطة شوي شوي بتعقل .... للاسف ماعقلت ...... موضوع جديد وهي مصروف شهري ..... قلت اوك .... واعطيها مصروف شهري .... واسواق .... وخرجات

ولما الشي اللي انا ودي فيه أنا تعبانه ..... وإذا انا قلت لا انت بخيل انا ما ابغاك ..... لو جاني ولد ..... وش بيصير بعدين ..... ما أبغاك طلقني .... عجيب والله مع هاذي البنت ..... وماسكه عليها على اي مشلكة تقول طلقني .... لدرجة انها تقل ادبها علي ......واضرب ضرب خير مبرح .... وتقوم تصارخ طلقني .... ... قلت ياولد خليني اطلع برا البيت

بعد اسبوع وديتها المستشفى وطلعت حامل بالشهر الثاني وسبع ايام والله يافرحت فرحه ..... وهي كانت ماتبي انها تحمل .... قلت هذا امر الله مو بكيفي ولا بكيفك .... قالت خلاص توديني مستشفى خاص .... مابي حكومي امي تقول خليه يوديكي مستشفى خاص ..... اتصلت على الام إنتي قلتي اوديها مسشتفى خاص .... قالت لا ... عرفت ان زوجتي تكذب ... سكت مريت اقرب محل نكتار واخذ ت لها هديه بالمناسبة هاذي طقم نكتار جميع الاصناف 1600 ريال ... راكبة في راسها انها ماتبي وانا وياها مشاكل والله من يوم إلى يوم ... قلت ياولد ودها بيت اهلها .... اللين تعقل وارجعها
راحت بيت اهلها ....... وقالت عني كلام مايدخل العقل ... انا اللي اسبها واسب امها .... وانا اللي حابسها بالبيت ...... وانا اللي مااعطيها شي ..... وانا اللي سرقت ذهبها
وانا اللي طلقتها 12 طلقة ههههههههههههههههه طبعاً شي غريب .... انا في حاله مايعلمها الا الله ....... راحت الام تتصل على الناس .... وقالت إنو انا قلت فيهم هذا السب كله وطلاقها اللي تقوله .... وإنه والدتي تتعبها بالبيت .. وانه ابوي يطلقها كل يوم ويرجعها .... هذا اللي صار ..... الله يكفيني شرهم كل هذا عشان إنها مجبورة ,,,,قلت لو ودي اسحيها من شعرها .... محد يقدر يمنعني .... طنشتهم ... لما اتصلت على ابوها افهمه اقوله وش السبب ... يقول بنتي ما تكذب .... قلت خلاص خلها عندك اللين راسها يطق بالجدار .... بس طلاق مافي ... ثاني يوم خالتها الكبيرة اتصلت عشان تعرف وش الموضوع ... تكلمت مع خالتها بكل أدب وتحترمني إحترام لايوصف .... تقبلت الكلام بكل رحب ... وفعمتها من اول يوم .... وقالت والله ياولدي انا اعرفك وأعرف امك واهلك وعارفه إنها البنت كذابة .... والمصيبة امها يوم تكلم الناس ... تتوقعون وش يردون عليها .... هذا الرد (( مستحيل عيال فلان الفلان يطلع منهم هذا الكلام ... أسالي بنتك ... بنتي ماتكذب ... بتني صادقه .... ) والله منك لهم .... طنشتها 3 اسابيع .... استغربت ... ما اتصلت عليها .ولا جيت... صارت تتصل على تلفون البيت عشان بدون كاشف ... بس ماتقول شي .... أبوها اتصل على عمي عشان يبون الطلاق ( وصل عمي بالبيت عندي من الرياض وقلت الموضوع له ورد علي بكل معنى

( خلها بيت اهلها ولا ترد عليهم وخليهم يأدبون بيتهم مثل الخلق ) وطلاق لا تستعجل فيه ...
وطنشتها 3 اسابيع بعد ( وجت المصيبه الكبير ة ) سقطت الجنين كرهاً لي وهي حامل بالشهر 2 و 16 يوم رغبت من أهلها( ليش هذا كله يصير لي من اول سنه

وش سويت أنا وش ذنبي ... وش اللي انا سويته ... وش ذنبه اللي في بطنها ...

اللي فيكم يقول طلقها وفك نفسك .... والله لا .... والله محد قالهم زوجي الشخص هذا عشان تتسلطون عليه ... وتاخذون راحتكم فيه ... الله يسامحك يا أمي ماكانت عارفه خسرت خساره مابعدها خسارة .ولا 180000

أرجو الرد لأهل الخبرة الذين مروا بمثل هذه القصص . هذا لوفي أحد مر مثل حالتي

ما أذوق النوم من الارهاق والتعب ....

وش الحل ياجماعه الخير

غير الطلاق .....


تم تعديل العنوان ليتناسب مع مضمون الموضوع

اجهضت الجنين عن قصد ؟؟
ماتبي تطلقها حبا فيها ولا عشان الخساير ولا عناد ؟

بصراحه المفروض تفرح انك تخلصت منها وما عاد شي يربطك فيها لانهم عائله غير سويه اشلون تبيهم يربون ولدك ؟
والاثم عليها هي اللي سقطت
والخساره تتعوض بسيطه سو فرح بسيط غير مكلف وعيش حياتك
لا تفكر بهذي الاشكال هذول مرضى وطيبك ضايع فيهم
لا ترجعها لو تبوس كوعها لو تبكي دم لا ترجعها
ما تستاهلك

ينقل الى القسم الانسب

قسم المتزوجين

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

أختي شكرا على سوالك وتفاعلك

اول شي انا لو أبغى أطلقها كان ريحت راسي ....

من ناحيتي أنا المساءلة مو عناد ... بس من ناحيتهم هم يبونها عناد وانا ابيها بإحسان هاذي حياء زوجية يازواج بمعروف ياتسريح بإحسان والزوجة عليها الإحترام وهي متعرفه بشي واحد إنها المشلكة تقولي أحبك .... انا ما أشتكي عشان اللي خسرته .... انا اشتكي على اساس ليه هذا كله ... هل فعلا مجبورة مني ... وش ذنب اللي بطنها .... اللي بطنها سقطت عمدا رحت المستشفى .... واعطوني تقرير انه حالتها .... طيبة والولادة بشهر 11 ... وعشان أتاك أكثر من اسقاطها اعطيتهم ورقه مراجعه مستشفى الحرس
لما اعطيتهم ياها رجعولي ياها وقالولي اصلا مايحتاج مراجهة ماتبغى تحمل ... هذا اللي صار

حبيبي بدوي إحساس .... والله ماني فرحان إني منكد

ومانكد على زيادة غير الكلام اللي طلع عني بدون اي سبب

والمشلكة انهم عارفين.... في بيتها ... والله جبلي واعطاني واهداني

لو مشكلة بسيطة ... والله يا امي ماشفت منه اي شي ... غير السب

ابي اعرف شي واحد ..... المشكلة ابوها مايبي يتفاهم .... واعلمه وش الموضوع

لاكن لو اعطيته فلوس راح يجيني اللين البيت

مبين عليك على نيتك وما شفت مشاكل بحياتك

الرجال تشوف امور تشيب الروس وتتحمل
وحديث الرسول عليه الصلاة والسلام بمعنى ان النساء يكفرن العشير يعني ينكرون فضل الزوج ويقولون ما سوى لنا شي وهن اكثر اهل النار
لازم تفهم هالامور

ولا عاد تستقبلهم واكيد يبون يطلعونك بالصوره السيئه علشان يسترون على بنتهم وتتزوج وهذي طريقة اغلب الناس كل واحد يلقي بالتهم عالاخر
والناس الواعيه فاهمه هالشي

خلاص طلق وانساهم واذا تبي تمرمطهم اشوي كيفك اطلب مهرك واخر طلاقها امر راجع لك
واثبت عليها انها سقطت الجنين
عمومًا ما اظن انك راعي مشاكل وحتى لو قدرت وعاندت علشان تثبت لنفسك انك تقدر تنتقم شكلك راح تتأثر نفسيًا
فارحم حالك وطلقها بلا مشاكل ما عليها حسوفه

اخوي ايش عرفك انها سقطت الجنين؟؟؟؟
انا اذكر اول ماتزوجت سقطت مرتين
وكانت الدكتوره تقول طبيعي جداااااا
والحالات هذي انتشرررت بين البنات هالايام
انا بحالتي كان السبب انو التلقيح ماكان مضبوط
وكان نعمه حتى مايكون الجنين فيه مشكله الحمدلله
واتوقع زوجتك صار معها نفس الشي
لان اول 3 شهور احتمال فقد الحمل كبييييير
خصوصا اذا النفسيه تعبانه
ما اتوقع انها متعمده ابدا ابدا.. احسن الظن
بس يمكن لانك منشحن عليها توقعت كذا


زوجتك ماعندها خبره بالحياه الزوجيه
واضح سنها صغير ومحتاجه حوار وتفاهم هادي
لكن مو مبرر انك تطلقها
حتى سلوكياتها الغلط ترى الحمل يلخلط الهرمونات
ويخلي الوحده تكره بيتها وزوجها من اول شهر
انتم الاثنين لازمكم تثقيف
ولا تتعاملوا بنديه حتى ماتخسروا بعض
بالطلاق كلكم خسارنين والله
حتى لو بينكم اطفال.. طلاق يعني فشل زواج
واي شي يفشل يأثر على صاحبه

اجعل الطلاق آخر الحلول قبل كل شيء
و اذا اردت ان تسرحها فسرحها بإحسان لكن قبل ذلك استرجع المهر كامل و الذهب ايضاً و سوف ترى كيف سوف يعودون اليك و يطلبوا رضاك
لكن جربوا الرقية الشرعية اولاً
والله اعلم اتضحت الصورة بما انه هذه هي تصرفات امها و ابيها و اعتقد والله اعلم انها كانت مدللة المنزل ببيت اهلها وهذا سوء تربية و توجيه سيء و الزوجة التي في اسابيع زواجها الأولى تريد كثرة زيارة صديقاتها و تطلب الطلاق على صغائر الأمور فهي مسيرة اي هناك من يشيشها عليك ولي صولات كثيرة في هذه الأمور و تعلمت منها كثيراً لما يقارب السنة فأصبحت اعرف طبع زوجتي ولو من اختلاف بسيط في طبعها اعرف بوقتها بأنه ليس كلامها او ليس طلبها

بما ان الأمور وصلت انك تشك بقتلها للجنين عمداً فأعتقد انك وصلت الى طريق مسدود فالقرار يعود اليك ولو كانت تحبك ولو بقدر قليل لحافظت عليه كما تحافظ على روحها لكن لا تستبق الأحداث فقد يكون السبب طبي لا نعلمه فالأسباب كثيرة فتحرى عن الموضوع اولاً بشكل مفصل ولو تستطيع ان تتطلع على التقرير الطبي فهذا افضل

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

أخوي تسلم على ردك

أول شي انا ما افكر بالطلاق ... وثاني شي كل الطرق عشان نتفاهم مافي فائدة

ومن ناحية الجنين إنه حالتها صعبه ... انه قابل هذا الوضع ...

بس المشكلة في البنت نفسها وسبب هذا الشي الأم والاب .. أنا حاولت بقدر المستطاع

إني انصحها ... وثاني شي أمر الزواج ولله الحمد .. مو ازيد الطين بلا كان سكيت الباب وريحت راسي مو اروح أتفاهم معاهم .... الاب يوم إني ابي اتفاهم معاه.. يرد علي بكل برود .... طلقها ....

وإذا كان إسقاط الجنين من التعب النفسي ... هذا أمر الله.. وانا مقدر هذا الشي ... انا ما اتهمتها باطل ... انا حسب الكلام اللي من ؟اهلها وهم اهلها ... يوم إني جبت لها مواعيد بالمستشفى ردو علي انه ... مايحتاج مراجعة للمستشفى لانه تاخذ حبوب ... هذا الرد اللي جاني ... طلبت منهم إني ارجع فيها المستشفى رفضوا