السلام عليكم ورحمة الله وبركاته

اشعر بنغزات او الم خفيف في الثدي الايسر خاصة الحلمة
وقمت اوسوس لا يكون شي مو طيب!

طمنوني ايش ممكن تكون اسباب النغزات
علما ان لها يومين تجي وتروح

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

روحي لطبيبة يا حظي .. الكشف ضروري وأنا اختج.

وبإذن الله خير.

__________________


اللهم طِيبَ الأثر .. وحُسْنَ الرحيل.

صحيح يا مهره
بس قلت يمكن شي بسيط ومر على غيري

مشكوره حبيبتي

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

سلامتك حبيبتي .. والله يطمنك

أنا يجيني نفس الألم قبل موعد الدورة الشهرية..

إذا مو موعدها، الأفضل تروحي لطبيبة

شكرا الاشراقه
الدوره بتجيني ثاني العيد ان شاء الله
مدري اذا هي السبب!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

أنا يجيني الألم كل شهر، ويبدأ قبل موعد الدورة بأسبوع
أتوقع هي السبب لأنه موعدك قريب

حبيبتي ألف سلامه عليك

النغزات تجي أغلب الحريم والبنات .. أنا مثلاً تجيني قبل الدورة الشهرية مع ألم في الثديين يستمر اسبوعين

لا توسوسي .. الشي اللي مو زين يبدأ بحرارة داخليه بعدين يتطور لألم في الثدي ..

من واقع خبرتي في هذا الموضوع .. أمي الله يشفيها ويطول في عمرها مصابه فيه ..

المهم هالشي ما يمنع انك تعملي فحوصات تتطمني على نفسك فيها ..

__________________

(( لا شيء يجعلنا عظماء سوى ألم عظيم ))

الاشراقه وزوتا
تسلمون حبايبي من كل شر
انتوا متعودين تحسون بالم قبل موعد الدوره
لكن انا عمري ما حسيت بشي في صدري قبل الدوره!

لكن ان شاء الله يكون هذا هو السبب

طيب لو بروح اتاكد هل بسوون لي اشعة مقطعية ام اشعة عاديه؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

في زياراتي الآخيرة للطبيبة كانت تعمل لي فحص سريري .. وتفحص الثدي بيدها.

لو طبيبتج شكت في شي لا قدر الله بتطلب عمل فحص بالماموجرام.

وإن شاء الله ما فيج إلا العافية.

__________________


اللهم طِيبَ الأثر .. وحُسْنَ الرحيل.

تسلمين يا مهره من كل شر
الحين محد فاضيلي بشوف اذا استمرت النغزات لبعد العيد اروح ان شاء الله

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )