اختي اصيبت بزيادة نشاط الغدة الدرقية رغم عدم وجود ولا واحد من اعراض نشاطها وقد كررت عمل التحاليل 3مرات واشعة واكدوا لها ارتفاعها .....
والان قال لها الطبيب ان المفروض نبدأ بالعلاج باليود المشع ولكن الجهاز متعطل!!!!!!!!!!!
وصرف لها حبوب وقال استخدميها لمدة شهر وان ما جابت نتيجة نسوي عملية!
و وصها بانه لو ارتفعت درجة حرارتها او خفقان في القلب ان توقف العلاج وتراجعه فورا


سؤالي هل يمكن ان ترتفع الغدة بدون ظهور اعراضها؟!؟

وهل فرط نشاط الغدة خطير ؟

وماهي مضاعفاته؟

هل تستدعي الحاله العلاج السريع وتدارك الامر ولا تتابع مع الدكتور اللي جهازه عطلان؟

انا سويت بحث في النت ولقيت ان ارتفاعها خطير وممكن يؤدي للوفاة بعيد الشر والله جالسة اكتب وانا ابكي من جد خايفة عليها تكفون اي احد عنده خبرة يريحني الله يريحكم

__________________

اهلا بك اخي سهم المنايا واشكر لك مرورك..والله اتمنى يكون فعلا مالها خطورة على الحياة ولكن قرأت في موقع طبي مرحله تسمى عاصفة الغدة او ازمة الغدة وهي حالة طوارئ وقد تؤدي للوفاة وادعوا الله بأن يكون غير صحيح...اما بنسبه للعلاج الذي ذكرته هل وصفه لك الطبيب؟؟
وماشالله عليك عندك خبرة هل حدث لك ارتفاع وتعالجت؟؟هل تذهب الغدة ولا لا هل العلاج باليود صعب؟؟ كم فترة علاجه و بعد كم من اخذ الحبوب تنخفض وهل يستمر عليها الشخص مدى الحياة اسفه ازعجتك بأسألتي ولكن قلبي يحترق على اختي فهي اقرب انسانه لي وكأننا توئم لان الفرق بيننا سنه فقط واسأل الله ان يفرج عنك كل كربه وان يجزاك و والديك الجنه وان لا يريك الله مكروه في غالي

__________________

جزاك الله خير ورفع قدرك...شاكرة جدا ..الحبوب ...اقدر احصلها في الرياض او المدينة المنورة؟؟ عندك فكرة وين تنباع؟

__________________

السلام عليكم والرحمه..
اختي مافي داعي للخوف دامكم بعدكم في بداية العلاج

انا كنت اعاني من هذا النشاط وتعالجت في فتره تقل عن السنه والحمدلله..

كان نشاط الغدة الدرقية 87 خلال فترة العلاج ردت احسن والحمدلله..

علاجي كان كالآتي:

استخدمت حبوب ما يحظرني اسمها حاليا للقلب لمدة شهرين..

واستخدمت حبوب للغدة وهالحبوب استمريت عليها طوال مدة العلاج..

حبوب القلب استخدمت اول شهر عدد 2 حبه يوميا الشهر الثاني عدد 1 حبه يوميا..

ووقفت عنها بامر الطبيب..

بالنسبه لعلاج الغدة فكنت اخذ حبوب عدد 2 حبتان الصبح وعدد 2 حبه مساء

يمكن استريت على هذا الحال مدة 4 شهور..

عقبها استمريت على نفس العلاج لكن اقل

يعني عدد 2 الصبح فقط...

عقب شهرين تقريبا..

اتغير شكل العلاج على اساس لازم اخذ حبه الصبح او المساء على المزاج يعني

وعقب ما وقفت العلاج بامر من الطبيب ..

تميت اراجعه لمدة 6 شهور حتى يتأكد من استقرارها

انا بديت بالعلاج في ابريل 2007 واتوقفت عنه شهر يناير 2008

ومراجعة الدكتور للتاكد من استقرارها كانت شهر 4+7+10 وكان الله غفور كريم

على فكره ما كانت اعراض الغدة ظاهره عندي الا كنت احس بحراره بداخلي واللي قاعد بجانبي يحس فيها ..

كنت متفائله جدا بالعلاج ..

واول شي قلت للدكتور بسوي اي شي لكن مابا عملية

هب اني كنت اخاف من العمليات لكن انا بعدني ما اتزوجت وما شي يشوه جسمي على لو كان 2 سم

ثاني شي قلت له اني مابا استمر على الدواء بشكل مزمن يعني طول العمر..

قالي هالغدة النشطة ممكن نوقفها وممكن نوقف الدواء لكن يباله مجهود

والحمدلله ..

عزيزتي مافي داعي تخافين وتخوفين اختج معاج ..

عادي سيري للدكتور وخليه يسوي اشعه صوتية للغده ويشوفها

وعسى خير ان شاء الله ...

اهم شي ما تهمل الدواء لان ولد خالتي عنده نفس المشكله قبلي..

لكنه يهمل في الدواء

كل ما تخف عنه يتركه بدون امر الطبيب.. وتزيد عليه..

حتى اخر فتره يوم انا شفيت الحمدلله ..

كان يتعالج بالاشعه ..

اختي .. العلاج بالاشعه خليها اخر شي لا تستعجلين على شي ..

وعسى خير ..

انا كتبت لج تجربتي في نشاط الغده ما سمعتها او منقوله من مكان

واطمني

نسيت اقولج..

لا تستخدمين وتبدعين بشي من عندك بدون امر الطبيب

شكرا اخي سهم المنايا وجزاك الله خير ..

اختي بنت النوخذة شكرا جزيل والله يريح قلبك مثل ماريحتيني والله يرزقيك الزوج الصالح...بس ليش استخدمتي حبوب للقلب!!!!؟ وكيف اكتشفتي ان فيكي الغدة ؟؟و ياليت لو ماعليكي كلافه تكتباي اسم الحبوب

ضربات قلبي كانت سريعه ..

كنت اسمع ضربات القلب

واللي يالس عدالي يحس بضربات قلبي..

لدرجة اني يوم امشي اشوي من باب الفله لين باب البيت الكبير اتعب..

حتى في الصلاه ما قمت اوقف كله اصلي وانا يالسه..

لكن الحمدلله الله كريم ...

كيف اكتشفتها..

كان عندنا مناسبة شهر يناير 2007 وكنت سايره الصالون احط ميك اب..

كان تقولي الحرمه.. هاي رقبتج جي..

قالت لها هيه .. قالت لا انتي يايه قبل هالمره عندي كانت عادية...

انا طنشت السالفه ..

لييييييييييييييين شهر 3..

خالتي كانت قاعده عدالي وقالت هالبنية تظهر منها حراره غير طبيعيه..

مع ان الجور كان حلو..

وانا الوحيده اللي كنت احس بالحر مع ان الجو حلو وبارد..

وكنت اعرق وايد بدون اي سبب..

قمت سرت العياده وسويت تحاليل كامله..

في النتيجه الدكتور خاف..

لان مثل ما قلت لج نشاط الغده من هب متاكده عدل لكن اعتقد 14 او 16 الطبيعبي زايد لـ 87

وقمت ادور على دكتور غدد صماء اللي اتعالجت عنده

بخصوص حبوب العلاج: NeoMercazole 5

لكن عزيزتي لا تستخدمونه الا باستشارت الطبيب..

انا عن حبوب القلب اسمحيلي لان ماستخدمته الا شهرين تقريبا وماعندي اسمه..

حبيبتي أهم شي في العلاج النفسية..

مانكر اني زعلت وايد وضجت على نفسي..

لكن كانت عندي العزيمه ان باجر احسن بإذن الله

وتسلمين لي على الدعوة الطيبه منج