السلام عليكم ..

سؤالي كيف المرأة تخفف من اعتمادها بااشباع العاطفه من زوجها ؟؟
خصوصا لما يكون جاف بكل ماتعنيه الكلمه من معنى .؟

مع العلم اني اشوف الانشغال بوظيفه او دراسه
بيساعد بس هذا الامر مايناسبها عموما الطلعه من البيت ..
والصداقات ماتقابل احد كثير وان قابلت فهي ساعتين بالكثير ..
يعني بالعربي ماتشوف الا وجهه بس .


رايكم احبتي .. ولاودي اطول عليكم
بس بسال كمان سؤال بعيد عن الموضوع
عن اللي عنده خلفيه ب كيف رفع الهمه ل حفظ القران يعطينا ؟؟؟

أشغلي وقتك بما يفيدك
كالتسجيل بدار نسائي لتحفيظ القرآن الكريم

فهذا فيه اجابة لسؤالك ويساعد بإذن الله في حل مشكلتك

جزاك الله الجنان ..
لكن كما اوضحت الخروج ل عمل او دراسه غير ممكن ..
لو امكن كان انحلت من زمان وانشغلت بصديقات ودراسه

نفس وضعي .. مارسي هواياتك رسم قراءة شعر طبخ و بتنشغلين فيها .

انا رسامة وطباخه و احب اقرأ كتب ادبيه لكن ما استطعت اوفق بين هواياتي واطفالي الصغار ..

__________________

جربي تطبقين وصفات للخبز .. اتذكر امي طاحت بفترة تسوي انواع الخبز العربي والهندي والفرنسي والروسي .. الخ
ريحة الخبز شي عاطفي ما ادري ليه هههههههههه وثاني شي كان عندها هدف انها تتقن اصناف الخبز وفعلا كانت مشغولة هاجسها تبحث بالنت عن الوصفات وتجرب وتنجح وتفشل لحد ما احترفت .. احساس السعادة وقت ما تفتحين الفرن وتفوح ريحة الخبز المحمر المنفوخ بالبيت تعطيك دفعة معنوية وممكن تشاركين فيها بمنتديات او تسوين لك مدونة وتقدمين خبراتك ... وتجيك التعليقات بالمديح والتشجيع بمثابة جرعات عاطفية لذيذة


الخبز مثال اختاري مشروعك اللي يناسب ظروفك ويناسب ميولك
انغمسي فيه واخلصي له
سينشغل ذهنك وتمتلئ عاطفتك
ولن تحتاجي لاحد

وعليكم السلام ورحمة الله وبركاته ...
أختي الكريمة الآن الجامعات صارت متاحة لك وأنت جالسة في بيتك عن بعد ، لاتجعلي حياتك تذهب هباء بدون هدف ..
الشيء الأهم الذي ينقصك هو كتابة أهداف وخطة تمشين عليها وبعدها ابدئي ..
اسئلي نفسك أنا ماذا أريد بما يناسبك وتوكلي عليه سبحانه ، فلا بد أن يواجهك مايعيقك لكن لا تستسلمي واكملي مشوراك ...
وفقك الله ...

هوايتي الطبخ بس لان حياتك كرف عشاء وغداء خلاص استنفذت الهوايه

وعلى قولتك مع الاطفال مافيه مجال احس اني مشغوله عمليا لكن نفسيا هو المشكله


جزاك الله خير اختي ماقصرتي

والله اعجبتني الخبز وشهيتيني لخبز امك الله يخليها لكم

الله يجزاك خير ماقصرتي اختي lk

تكملة الجامعه اللي هي دراسه عن بعد هي اللي بخاطري مره لكن السنه هذي
لو سجلت ماقدرت احضر الاختبار بخليها عالسنه الجايه ان شاء الله ..

لذلك السنه هذي هي اللي احسها طويله مع الغربه وقلة الصديقات


مشكوره سقيا الله يجعل ماكتبتي في ميزان حسناتك

اشبعي عاطفتك عن طريق أطفالك الله يحفظهم وبأذن الله يردونها لك عندما يكبرون وبكذا يكون العطاء مستمر بدون يكون اعتمادك على الزوج....

__________________
لامنياتنا بقايا لن تكتمل الا في الجنه