مرحبا

أعزائي ..

أعتذر لو أزعجتكم مقدما .. وشاكرة لكم من شارك ولكل من سيشارك ..حتى تكون الصورة واضحة للي رح يرد على استشارتي أرجو قراءة موضوعي السابق
هذا موضوعي السابق :
http://www.66n.com/forums/showthread.php?t=266745


المستجدات

1/
من فترة قريبة حبيت أعزم أهلي (أول مرة يجوا البيت ) .. فترة الإعداد للعزيمة كانت مزعجة جدا ..زوجي كان كل شوي يقول لي ( تكلفة مادية ) (أنا مزنوق) مع إنه من فترة قريبة رايح للسفر بغرض التسلية .. أنا كنت أحاول قد ما أقدر أقلل عليه التكلفة ..لكن كان مستمر ..مثلا يجي يقترح أشياء (خارج خطتي ) وهي تحتاج للمبلغ ..ولما تعجبني أفكاره يرجع يقول لي إنه رح يكلف عليه ! فأقوله كنسلها خلاص !
أحد أفراد أسرته تكفل تكرما منه إنه يجيب شيء للعزيمة ..جاء قالي عن هالمعلومة وإنه مايبغى إن هالشخص يكلف عليه ! فالحل برأيه إنه ينزلني للمحل وأجيب هالأغراض (يعني أدفع ؟! )
المهم أنا ماقلت شيء ..سكت ..لكن مسلسل التذمر من العزيمة كان مزعج جدا لي .. أحد المواقف اللي فعليا فجرت شعوري لما راح يشتري بلاستيكات (ويجلس يعدها ؟!) ويقارن ايش الأرخص قدامي ؟! والسعر أصلا ريالات ماتسوى !! مع إن مو هذا طبعه أصلا وهو شخص مايتعامل كويس مع الفلوس ممكن يحط فلوس كبيرة في شيء مايسوى !! أنا هذا الموقف فعلا حزني !! حتى فعليا زعلت !! ( وأننا لما زعلت ماصارخت أو قلللت احترامي ..بس كانت يومين ما أضحك أو ابتسم أو أبادر بالكلام ..ومو الغرض لفت انتباهه لزعلي ..لكن كنت فعلا زعلانة على نفسي على أهلي )
بعد اليومين سألني عن سبب زعلي وصارحته ! قلت له أولا أنا محرجة من أهلي لي أكثر من سنة متزوجة وماعزمتهم بسبب عدم اهتمامك والآن لما جاءت العزيمة تجلس تتذمر لي ؟بدلا ماتكون فرحان فيهم ؟ يا سيدي أهلي عزموك من التعارف للخطبة للملكة للشبكة لحفل الزواج وكل هذا تكفلوا فيه ولا تتوقع إن هذي الحفلات كانت من مهري إنما من أهلي وكل هذي الأشياء كان السؤال المطروح إنه ايش هو الأفضل ! مو ايش الأرخص أو يجلسون يتذمرون بالتكاليف ؟!
بعد ردة فعلي هو عصب وقام للأمانة راح يضبط الأغراض بأفضل ما هو متاح ..

2/
أهله كانوا يبغوا يعتمروا ..واختاروه وهو يحب أصلا يعتمر فيهم لأن ماشاء الله عليهم حريصين ع العمرة في رمضان ...كانت الخطة إنه نروح بالسيارة ..لكن جائني فجأة وقالي يش رايك نروح بالطيارة ؟ قلت حلوة الفكرة ! بعدين جائني وقالي حاب أحجز التذاكر عندك فلوس في فيزا النت ؟ فقلت له أنا عادة أحول من حسابي الجاري لللفيزا (الفيزا اللي عندي نظام شحن ) قال لأن فلوسه في كذا فيزا ! المهم طلع لأن كان وقت الصلاة وأنا ع طول رحت أصلي وأدعي ربي ! لكن الحمد لله جاء وقال ترا خلاص دبرت الموضوع ! أنا ماسألته كيف لكن اتفاجأت في النهاية اننا سافرنا بالسيارة !!

3/
مؤخرا في موضوع في حياتي الشخصية مزعلني ..طبعا أنا في مدينة غير عن مدينتي الأصلية أقصد في مدين زوجي + من غير أهلي + من غير أصدقائي + من غير أحلامي اللي كنت أحلم فيها وهي الدراسة العليا الخ
زوجي وقته مليء بالأصدقاء والاستراحة والجوال ومتابعة الشبكات الإجتماعية
جاءني زوجي من باب انه يمكن يقصد يوسع صدري (وأشكره على ذلك ) إنه ايش رايك نسافر بعد شهرين ؟ فقلت أوكي ..قال المشكلة أنا حاليا مرة مزنوق ماديا ..مع القرض للي عندي حاليا ..فما أقدر أرتب وضعي (القرض اللي عنده من قبل الزواج وأنا مو سبب فيه أصلا )
أنا ما قلت شيء ...بعدين راح ورجع وقالي بصارحك بشيء ..الصدق صديقي من شهر مستلف مني مبلغ جامد مرة ! ولا عنده أي نية إنه يرجعهم في الفترة القريبة لأنه متورط !! طبعا أنا أقول لك هالكلام لأنك زوجتي ولازم ما أخبي عنك هالموضوع ...

المشكلة أنا كنت مخططة أطلب منه فستان للعيد ! أبغى أحس إنه فعلا مسؤول عني ..


الآن ..ودي أقولكم مشاعري الحقيقية

1/ أحس أن مراعاتي لزوجي سواء مني أو من أهلي (كونهم تكفلوا بأشياء كثيرة قبل الزواج من باب التسهيل عليه ) منعته من النضوج والإحساس بالمسؤولية تجاهي ! وصار إنسان متذمر ماديا وغير متعود على العطاء المادي ويستكثره علي !!

2/ ما أصدق زوجي من ناحية إنه مزنوق ماديا ..أو إن صديقه مستلف منه ..وحتى لو كان فعليا مستلف منه أعتبر هذا خطأ منه وعدم نضوج إنه يسلف واحد مال وهو أصلا محتاج له ! مافكر بزوجته والبيت اللي فاتحه !

3/ ما أعرف ايش يبغى زوجي فعليا بحركاته هذي ؟!

عودة
هذا أحد ردودي في موضوعي السابق
http://www.66n.com/forums/showpost.p...1&postcount=30

ردك في موضوعك السابق جميل ان كان هذا ماتفعلينة ،، فهذا افضل اسلوب يمكن تعيشين فيه مع زوجك ،، اما لماذا لا يقابل ذلك بالاهتمام ،، لانه ليس شرط اذا كان هذا اسلوبك معه انه راح يهتم اكثر ،، ليست معادلة رياضية ،، تختلف الشخصيات والتفكير بين الناس ،، صعب اعرف ليش يسوي كذا ،، لكن اكيد انه يقدر فيك استقلاليتك والدليل كثرت اسئلته ومشاوراته لك ،

عندي اظافة بعد قراءة موضوعك السابق وجميع ردودك ،، لاحظت بعض الامور ،، اولآ انك مهتمة كثير بزوجك وبتفاصيلة رغم انك قلتي انك مشغولة بنفسك ودراستك وعملك ،، فيبدوا لي ان زوجك لازال محور حياتك ،، ولا الومك يمكن لانك بعيده عن اهلك واصدقائك ،، ثاني شي ،، اغلب مشكلتك مادية ،، وانا ارى الحق معه كونك موظفة يجب ان تتكفلي بنفسك ولا تنتظري منه يصرف على اشياء تعتبر كماليات ،، فالحياة مشاركة اذا كانت الزوجة موظفة ،،

بخصوص عزيمة اهلك ،، انا استغرب منك انك خليتيها مشكلة كبيررررة ،، واستغرب اكثر ان الاهل يحتاجون عزيمة لزيارة بنتهم وولدهم !!! ليش اهلك ما يحددون وقت معين ويجون وتنتهي السالفة ،، ولا احبذ منك انك تكلفين على زوجك عشان زيارة اهلك ،، والمفروض انتي تتكفلين فيها اذا كانت خارج البيت ،،،
حتى لو بيتكم ضيق ،، الضيق بالنفوس ياختي ،،

نقطة اخيرة ،، بخصوص حفل الزواج وكونه عائلي ,, حتى هذي تلومينة فيها ،، هو لم يجبرك بذلك وانت وافقتي بمحض ارادتك ،، وانا اعرف الكثيرين تزوجوا بشكل عائلي خصوصا الفترة الاخيرة مع ارتفاع التكاليف ولا يعيبهم هالشي ،، ولا يقلل من المرأة ،،

اخيرآ ،، مشاكلم والحمدلله صغيرة وبسيطة ،، وتعتبر من المنغصات الموجوده بحياة جميع المتزوجين ولا تستحق كل هذا الحيرة والتفكير ،، وزروج رجل طيب وعيوبة بسيطة ،، بل ارى انه لم يخطىء بشي وارى الوم عليك اكثر ,, وزوجك كان صريح في بداية الامر وواضح ،

من قريت بداية الموضوع وحركات زوجك توقعت إنك موظفة وطلع معي حق
زوجك يحاول بطريقة غير مباشرة يجبرك تدفعين لكن هل هو بخل؟ أو خلاص موظفة إنتي شيلي كل شي؟
وبالنسبة إنك ماتحاصرينه بالأسئلة يدخل ويطلع عادي ومعطيته حريته بزيادة هذا غلط لازم يحس إنه متزوج تخيلي يسويها معك بتقولين مايبيني صح؟
والهدايا إذا إنتي تبادرين دائماً وقفي هالشي
بيوم جرّبي قولي بترك وظيفتي تعبت منها ومن ردة فعله بتعرفين هو ليه يسوي كذا

الرسول صلى الله عليه وسلم يقول عن خديجة رضي الله عنها
إني رزقت حبها!

الحب رزق.. مش معادلة أو ردة فعل معينه

لكن على العموم الظاهر من الموضوعين أن شخصية زوجك منفتحة عايش حياته
وأنت مدققة ومتعبة حالك
اللهم المسائل المالية أنصحك ماتسمحي له يستغلك ممكن تسولفي له على شكل قصه ان وحده من صديقاتك زوجها ياخذ منها وانها تقول تغيرت نظرتي له مع السنوات وماصرت أشعر بقوامته علي ووو

بالنسبه لحساسيتك ربما بسبب الوحدة وأكيد لا ألومك .. إذا رزقك الله بالذرية سيتغير الوضع إن شاء الله

اعتقد موضوعك مرتبط بالموضوع السابق..
عندي كلام كثير كثير عساني أقدر ارتبه واضبطة بصورة واضحة

كتبت رد ، لكن فيه رد آخر كذلك وودي اكتب لك كل شيء
صادف شخصينك مثل شخصيتي لذلك أنا فاهمتك (هذا إن صح تحليلي)

وبما إني انظر لحياتي بمنظر المحلل فأنا أعرف مزاياي وعيوبي
وإللي هي تقريباً تشبه ردود أفعالك

لو تعرفي نمطك في mbti بتشوفي سلبياتك وإيجابياتك

لذلك اعتقد والله أعلم هذه طبيعة فيك غير متطلبة مو لأنك تعقدتِ
قد يكون سبب لكن الطبيعة هي الأطغى

أنا مثلك متعقدة من الطلبات وأكره أطلب شعور فعلاً مخزي ومجرح
لكن اجتمعت عندي الطبيعة + المواقف

مع mbti اكتشفت انه هذه هي طبيعة الشخصية ويصنفوها من الايجابيات
لكني أراها أنا من السلبيات من الشعور التي تسببه
نحن نريح الذي حولنا، لكن لا نريحنا

حللت مشكلتك تحليل وقعدت قعده لأجل ارتب الرد مابي يكون عشوائي ودي اوصلك الصورة صحيحة

تراك انتِ انسانة رائعة لكن يبي لك تخطي سلبياتك فقط

وإن كنتِ تري زوجك سلبي ترى جميل تكوني سبب في تغيير شخص للأفضل علماً أن زوجك ليس بسيء

لو نفترض أنه زوجة زوجك شخصيتها صريحة ومباشرة وواضحة وتوكيدية لتغيرت نظرتك تجاه زوجك

لأن بالأصل زوجك سهل في التعامل لكن صفاتك هي لم تحركه
لو تشغلي توكيدك وتنزلي حساسيتك شوية كان رضيتي فيه

ممكن تتكلمي عن شخصيتك بانسيابية قبل الزواج وكيف تعاملك مع القريبين والسطحيين.

وإيش يحكموا عليك الناس من صفات؟؟

راجعة برد

__________________

استغرب من الي يلومونك والعيب ماتعرفي تطلبي
وكانك اذا طلبتي بيقول لبيكي
واضح زوجك واهدافه واضحه
من قبل الزواج مراعي نفسه
بيتزوج موظفه تقوم بنفسها ولا تطلب شي وبعلمها على كذا
واتزوج دون حفله زواج وغيره
واعيش عزوبيتي وانا متزوج
حبيبتي لو شديتي عليه
احتمال يكون النتيجه مو مثل ماانتي متوقعه
احتمال حتى يطلق

نصيحتي
تقبلي منه دامه يجيب احتياجات البيت والثلاجه
منتي ملزومه تشتري له هدايا او تشاركيه او تقرضيه
ودلعي نفسك بفلوسك ولا تنتظري هالشي من احد
تدرين انتي تنظرين اليه انه ما يدلعك ولا يهتم
وهو ينظر لك انك منتي مثل الحريم الي بطاقتها بيد زوجها

لاحظتِ أسباب مشكلتك! كلها تدور داخل راسك
والمسكين إللي بجمبك مو داري فيك وعن إللي مضايقك
يعني السبب ليس فيه هو ، لو أنتِ صرحتِ وأكدتِ كان أصبح الموقف غير ذلك.

يعني أنتِ تبني مواقفك وتتصوريها بنفسك وكلها داخل رأسك

__________________