صباحكم عفو وعافية ،.
اليوم بصبحكم بموضوع سبب لي صداع متشقق
الزبده:
زوجي عمره 29 وانا 26 و زواجنا سنتين و عندنا بنوت ،.
المشكلة:
زوجي صفاته كريم ملتزم هادي
ولكن ،،،،،، متسلط و متحكم ل درجة جدا متطرفه
هالانسان احس فيه يريد يعزلني عن العالم الخارجي باي طريقه
يتحكم في كل شي ل درجة حتى لبسي عند خواتي و اهلي و صديقاتي رغم انه ساتر و طويل بس ان شافني حلوه فيه يقوم يتضيق و يعلق ،. و يزعل ،. فيه مره هددني بالطلاق لأَنِّي طلبت ازور وحده من اهلي بحجة أني اريد زوجة للبيت فقط !!!!!

والمشكله اذا فيه موضوع ما يكون مستعد فيه للنقاش او تغيير منطقه لا ،،، عنده يا اتسمعين كلامي بالحرف واطبقينه وإلا حل عليك غضبي الي يوم يبعثون ،.
حقيقه يا اخوان و يا خواتي تعبت ،. نعم من سلبياته الشك ولكن الحمدلله مع الأيام قدرت أخفف منها بشكل كبير ،،، مسأله انه يعاملني ك طفلته تتعبني ! لا و يقول انا بهالطريقه احافظ عليج ،، من شو ما اعرف ،. يمكن تشوفون الموضوع بسيط بس جدا مربك حياتنا الزوجية كيف اتعامل مع هالاانسان !! لا تقولون بيخف بعد كم سنه لأَنِّي بتخبل لين ذاك آليوم ،. حاليا فوق ال 55 شعره بيضا طلعت في راسي من أسلوبه الشمالي الشرقي المقرف جدا !!

السلام عليكم ,,

من أي البلاد أنتِ !

__________________

كان الله بعونك
حسيت انك عاقله وهاديه من كلامك
مع الوقت وكثره للاطفال بيتغير

نفس زوجي بالضبط زيدي عليه تهميشي واحتقاري وانتقادي بكل شيء وطبعا حبه الجنوني لاهله ع حسابي وحساب كرامتي وحاليا انا عند اهلي لان المشاكل زادت ووصل تعامله معي حد لايطاق والله يرضيني بنصيبي يارب ويهدي زوجك ويسخره لك حبيبتي

كأنك تتكلمي عن زوجي واكثر بدايه زواجنا ...
لكن الحمدلله خلال السنتين الاخيرة تغير ..وتغير بشكل كبير ... طبعا تغير مو بقناعة لا طفش مني ...

طريقة تعاملي معاه .. اعطي لاوامرة وتحكمة فيا اهتمام كبير وانه على صح ...لكن مانفذها

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

وعليكم السلام ،،،. من الامارات

والله هاديه يا مبتعثه بس أسلوبه خلق فيني لسان يلعلع انا مستغربه منه

توصل معه للانتقاد او يدوس كرامتي هنيه أقول له ستوب حدك ،. كافي عليه هالمعتقل بعد يغلط عليه ما بسكت عنه

والله يا كوين ودي أنفذ فكرتك بس المصيبه مصاااالحي توقف يعني مثلا أنس أقوله بسير وابا ألاقي صحباتي من تزوجت ما شفتهم ،. طبعا مع الرفض والشد وافق مع التشرط في اللبس حسيت أني جده مب وحده ف سني و طبعا بعد رفضي القاطع قال حمدي ربك وافقت >>> حسّيت أني بروح دعاره استغفر الله ،. وبعدها يا التزم ب شروطه يا ممنوع الطلعه!!!!! ولا والحين زعلان و يهدد بغير أسلوبه لأَنِّي ما اسمع كلامه >> يقصد اعتراضاتي اللي بدون تنفيذ والله شو الحل معااااه بس أباً اُسلوب له تعبت منه

لالا ترى هاللسان هو اللي يزيده عناد
صدقيني زي زوجي
بس احلى شي تهدددددي
والله مالهم حل الا الدعاء .

انا برامج الجوال يحذفها بس كويس خلى لي الواتس
وصديقات ممنوع الا وحده وازورها بالسنه مره
كل شي ببالك ممنوع

بس اللي يهديني اقول الحمدلله الناس فمشاكل كبيره
وماعندهم التزام بالدين
في هالزمن تحمدي ربك اذا زوجك ملتزم ومو حق خيانات ..

عسى الله يسخرهم لنا ويصبروا زي العسل ياارب ..