]السلام عليكم ورحمه الله وبركاته
أن شالله تكونون بأحسن حال
قد طرحت منذ مايقارب العام مشكلتي مع زوجي وأنه كان يتعاطى الخمر وبعد أن واجهته أعتذر وأقسم انه نزوه أنه ماراح يرجع له
الأن طاح بشي جديد (حسبي الله على من جاب الدخان ماوراه الا البلاوي)
طاح بالحشيش يدخنه بشكل متقطع المهم طحت عليه كم مرره وكل مررره يحلفلي ومره تعهد لي بترك الخان ولا نفذ وعوده
أخر مرره قلتله انا مارح اسكت وأبلعها تصرفي راح يكون أشد
الأن أكتشفت انه مازال عليه
انا مأدري وش أسوي ماواجهته لمحت له تلميح وقلتله أنا تراني مافيني صبر وأنت رجل ناضج (عمره 34)
انا ابقعد الاحقك ولا الاحق عيالك يعني أعقل
انا مأبغى اروح بيت أهلي ولا أبغى أدخل أحد مهما كان ابستر عليه
وش أسوي وش ممكن شي يردعه عن هاللي فيه
حياتي معاه مستقره الحمدلله وهو أنسان خلوق .......
محتاره......................
بالله شورو علي راسي بينفجر وجاني القولون بسببه
[/size]اللهم اني أفوض أمري اليك فأنت حسبي لاأله ألا أنت
السلام عليكم ورحمة الله وبركاتة
اول شي اختي اطمنك ان الحشيش يعتبر اهون نوعا ما من البلاوي الثانية (كفانا الله شرها)
وصدقيني دامك قدرتي تبعدينة عن الخمر راح تقدرين تبعدينة عن الحشيش
لكن عليك بالحكمة في مثل هالامور
حاولي تصحينة ... قولي لة كم كلمة تبين لة انة غالي عليكم (انتي واولادك)
حاولى تخوفينة شوي على نفسة.. دوري في النت على مواضيع تبين تاثير الحشيش على العقل
لا تعاملينة بقسوة ولا تنسين اهم من المشكلة انو ندور السبب اللي وقعة فيها وتحاولين تقطعين هالسبب
ودائم هالامور لما تكلمينة بقلب المحب صدقيني تاثيرها راح يكون اقوى
لكن التغير ما راح يجي بين يوم وليلة
ولاتنسين ادعي ان الله يفكة من هالبلاوي وان شاء الله المرة الجاية تطمنينا انة قرر يبتعد عنها.
مشكلتكي ذكرتني بمشكلة قريبه لي ولم تحل مشكلتها الا بعد زواجها بـ10 سنين يعني موضوعك يحتاج صبر لو انتي شاريه زوجك وتحبينه
انا اشوف انك تكلمين ابوه او اخوه الكبير اذا وجدوا وما انصحك تكلمين امه او احد اخواته لان طبع الام تحن على ولدها وتستر عليه عشان كذا افضل انك تدخلين رجل من جهة اهله
وماتدخلين احد من اهلك نهائيا لانه راح يحرج منهم ويعتبرها اهانه له
دوري له رفقة صالحة مثلا صديقة لك مقربة كتوم وزوجها صالح اتفقي معاها تزورك هب وزوجها ويكون معه علاقة ويحاول يبعده عن أهل السوء وذكريهم بالاحتساب والاجر ولاتغفلين غن تذكيره بحرمة ما يفعل وتأثيره على أطفاله