قبل ما اطرح المشكله اللي مضايقتني ودي اوضح العلاقه اللي بيني وبين زوجي "ماشاء الله" لنا سنه متزوجين ويحبني جدا ومايرفض لي اي طلب ولا عمره زعلني وياخذ رايي في كل شئ ومدلعني ع الاخر "ماشاء الله" وانا اعامله نفس الشئ حتى اذا تخاصمنا دايم يجي يراضيني ويحب على راسي """" مشكلتي قبل كم يوم قرات عباره كاتبها عنده والعباره تتكلم عن الخيانه طبعا انا شفتها انجنيت (((وعرفت بعدين ان العباره كانت موجهه لشخص ثاني""" ولمن رحت ناقشته كان اسلوبي جدا حار وهو لاول مره بحياته يرفع صوته ويقولي اطلعي برا ومن هالكلام طبعا انا انصدمت من ردة فعله ولي 3 ايام مانسولف الا مسجات بس انا جدااااااااااا مقهوره وزعلانه لدرجة اني قلت له انا اكرهك لانك ترفع صوتك وانت ماتهمني من بعد اليوم برغم من داخلي احبه """" وهو انصدم مني""" يعني لاني تعودت على الدلع والمعامله الحلوه سواء من اهلي الله يحفظهم او من زوجي """ ولحد الحين متزاعلين وحاولنا نراضي بعض بس انا كل ما افتكر شكله وهويصايح علي اقول ماراح اراضيه """ بس محتاره وما ابي اكون متكبره بس لاني مقهوره منه """" والله احترت ساعدوني انا لسى ماعندي خبره بهالامور " سامحوني طولت بس لا تبخلوا علي بنصيحه

ياحبيبتي
تسرعتي وأسأتي الظن فيه ومازلتي متردده تراضيه لأنك مقهورة من ردة فعله؟

بسرعه اعتذري وبعدين حاسبيه على ردة فعله مع انك لما تعتذري طبيعي يعتذر منك لأنه معودك على كذا

لا تخسريه انتبهي هذا زوج ينحط على الراس ماشاء الله عليه الله يوفقك ويسعدك

تصرفك غلط،
والإكيد مافي انسان يغلط .. ومش عيب الغلط
العيب انه الغلط يستمر
.
بصراحه انا اشوف لو تروحين تراضينه بنفسك بما انك قلتي فوق ماشاءلله عليه
رجل يدلعك ، ومايقصر معك .. ف حتى لو غلط انا ماعتقد انه يستاهل
لانه مافي احد مايغلط، حاولي تراضينه وتستفسري منه ..
ودامه يحبك، اكيد راح يقول لك كل شي وماراح يخبي عليك كلمه ..
حاولي تتقربين منه اكثر وتدلعينه وتعطينه الحنان،
عشان يفتح لك قلبه بزياده .. ويقول لك كل اللي بخاطره !!
واذا كان مرسل العباره لغيرك ؟ أساليه ليه ولماذا ..
حاولي تكلمينه بهدوء .. الإسلوب الحار والتعصيب هذا ما اعتقد ابداً يجيب أي نتيجه بين الطرفين ..
الهداوه والمصارحه .. والتفاهم بين الإثنين،
اعتقد بأنه يوصل إلى محل مناسب ..
حاولي إنك تحسسينه بأكثر من اللازم بانك انسانه تحبينه فعلاً ومحتاجه له..
وماتقدرين تتركينه، عشان ماينظر ابداً ولا يشوف غيرك
ولاتستعجلين في الإمور .. كل مُشكله ولها حلّ
حاولي تتكلمين معاه وتتفهمين منه الموُضوع بهداوه ..
ولاتخسرينه، لإنه نادراً تلاقين مثل نوع زوجك
يدلعك،ومايرفض لك اي شيْء..
ماشاءلله والله يديمكم لبعض

.
إسال الله ان يوفقك، ويصلحك ويستر عليك ..

__________________

حياكِ أختي الكريمه ..
بسم الله ماشاء الله .. سنه وأول خصام .. معقول..!!
ياأختي شيئ طبيعي تضايقتي ..
وشيئ طبيعي تكابرتي الذهاب لإرضاءه ..
وشيئ طبيعي أنكِ تحبيه ولكن لاتريدين أن تضعفي أمامه كما قلتي..

لماذا ؟؟..
لأنكِ تعودتِ على أنه يبوس رأسك .......!!!!!!!! أليس كذلك؟؟؟؟

طيب هذا الموقف وضَح أنكِ أحسستِ بأنكِ أخطأتِ عليه لأن بوسات الرأس السابقة والمشاكل السابقة لم تكتبيها .. لربما كان مخطئاً فيها ..ربما ..
لكن أنتِ الآن كتبتِ لإحساسكِ بالندم ولكن ! لاتعرفي الطريقة الصحيحة بكيفية الرجوع إليه والأسف له ..
أو لأنكِ متردده بين بين .!
هنا الآن وضحَ من خلال الردين السابقين وهذا أن الخطأ كان منكِ لسوء الفهم .
اذهبي اليه اليوم وقبليه وبوسي رأسه واعتذري إليه كما كان هو يفعل معكِ .
الحياة أختي الكريمه مواقف .. ولعلكِ تعلمي أن الإنسان لابد أن يُخطئ مهما كان .. ولكن من العيب أن يستمر على خطأه بل يعتذر ويندم .
فعانقيه واستسمحي منه وقولي له أنا آسفه غلطت و....و..
أسأل الله أن يجمعكم على الخير ،،

__________________
كيف اقاوم الهم والألم. بالسجود راحة واطمئنان.

نهاية نوال..!

من وحهة نظري قد وقعتي في أخطاء كارثية جدا , أتمنى الا تكرريها في المستقبل .
1ـ اسئت الظن بزوجك .
2ـ أسلوبك معه ما كان موفق . المفترض يكون حوار وليس هواش والرجل بطبعه مكابر لا يرضى حتى ولو كان مخطي أن ترفع أمرة صوتها عليه .
3ـ رفعتي الصوت عليه .
4ـ أظهار عدم حبك له . (وضحي له حبك الشديد , وأنا ماقلتي بس مجرد زعله ) .
5ـ سمحتي لنفسك بهجرانه .
هذا كله والرجل مدلعك وحاطك على راسه .
أختي أتمنى أن تسفيدي من أخطائك ولا تكرريها مرة ثانية , وتعودي مباشرة وتراضية وتعتذري منه .
وهناك أشرطة في التسجيلات تساعدك كيف تعالجون المشاكل الزوجية .
آسف قد أكون شديد في عبارتي لكن يعلم الله أني لا أريد أن تساهمي بهدم بيتك بنفسك .
وفقكما الله .

اقول الله يوفقك .. لا يعكر الشيطان حياتكم.. حاولي تتنازلين وتراضينه.. تري زوج بمواصفات زوجك نادر هالايام.. رح الله يهديك شكلك تسمعين بمشاكل الناس وودك تصير معك مشكله وانتي اصلا بعيدة جداً عن كل المشاكل

__________________
ان انت اكرمت الكريم ملكته.. وان انت اكرمت اللئيم تمردَ!!