السلام عليكم ورحمة الله وبركاته ..

غبت عن المنتدى لاكثر من اسبوع وعن الدوام وعن العالم كله الفتره الماضيه ..

انا في شهري الخامس من الحمل ..قالي الدكتور من شهر ان المشيمه عندي نازله
والاسبوع الماضي تعبت مرا وجاتني الام فظيعه ف بطني وظهري ورحت للمستشفى قالولي طلق ..
الحمد لله اخذت اللازم ابر ومثبتات وطلب الدكتور الراحه التامه ليا واجازه من الشغل ووو
..........
لكن المشيمه للان عندي نازله ومعرضه للاجهاض بأي لحظه وهدا الشي مسببلي وسواس كبييير كل ماحسيت بألم حتى لو شي بسط اروح للدكتور .. واحلام وكوابيس وخوف ..
للبنات الي تعرف طرق معينه تساعد لارتفاع المشيمه ياريت تقولي .. كلهم قالولي الرااااحه التامه بس ليا اكثر من شهر وماحصل ايش شي بالعكس زاد الوضع وبدأ معايا الطلق ومعايا تقلصات للان ..
( لما كان ولدي عندي في الويكند انا احب اخليه ينام جنبي واحضنه اعوضه عن الايام الي مايكون عندي واحس هو ينبسط لما يصحى ويشوفني نايمه جنبه اشوفه يبتسم ويحضني وينام لكن لما كنا نايمين وهو نايم مو حاسس بنفسه رمى جسمه كللله بقوه على بطني ووقتها على طول جاني الطلق وزاد تعبي والمشيمه نزلت اكثر من اول )

والشي الثاني .. انا باقيلي 3 ايام قضى من رمضان .. قبل امس صمت يوم .. وخرجت انا وزوجي وماما لمطعم وفطرت هناك وكانت صحتي جيده من بداية الصيام للفطور وانا الحمد لله طيبه .. بس طلعنا السياره بنرجع للبيت بدأ معايا التعب والدوخه وجاني هبوط حاد وعلى المستشفى .. وطلع السبب كلو من الصيام ..
ابغى اعرف لو دخل علينا رمضان ان شاء الله وانا ماخلصت القضا باقي يومين .. هل علي شيء ؟؟؟؟
وكمان مو عارفه هل اصوم رمضان دا .؟؟ ولا كلو يتأجل لبعد الولاده ؟؟ ولا علي شيء بصراحه مو عارفه .؟؟

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

اللي ييسر لك ويهون عليك

بحملي الاخير معي دم بالشهر الثاني وماكان واضح سببه لكن الدكتورة نصحتني ارتاح واكون اغلب الوقت عالسرير مع رفع رجولي على مخده وما استخدم الدرج وما اشيل الا اشياء خفيفة .

بالنسبة لصيام رمضان ان شاء الله تتيسر بوقتها .
<< الحمل احيانا بالشهور الاخيرة اخف واريح من الشهور الي قبل .

حبيبتي ميما الله يتمم حملك على خير وتقومي انت والبيبي بخير وسلامة ⚘⚘

بالنسبة للصيام اذا ما قدرتي بتقضي اليومين وايام شهر رمضان بعد الولادة
والافضل تشتشيري اهل الاختصاص والعلم من علماء دين ودكتورة

دعواتي ترافقك⚘⚘⚘⚘⚘⚘

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

الله يتمملك حملك على خير ان شاء الله
لما كنت حامل باحد ابنائي جاني نزيف بدون الم اي بدون تقلصات و لما كشفت اتضح ان وضعية المشيمة نازلة وكان الخطر من ان يحدث انفصال للمشيمة
اخذت مثبثات كتييييير من ادوية وتحاميل وابر البروجاستيرون و النزيف يروح ويرجع على ما اتذكر حتى الشهر السادس وبعدها تغير وضع المشيمة ربما من تحرك الجنين القوي بعد الشهر السادس ومر الامر بسلام
اما بالنسبة للتقلصات عندك فهي خطيرة جدا للحمل فهو يعتبر تهديد بالاجهاض لا سمح الله
اذن عليك اختي الكريمة بالراحة التااااااامة و تجنب صعود او نزول الادراج تماما وتجنب العلاقة الزوجية الحميمة الا اذا كانت بحذر شديد جدا جدا فهمتيني ،،اتذكر انه في حملي ذاك كنت انزف بعد العلاقة
وبالنسبة للصيام لا تقلقي فانت في حكم المريض وبعد الولادة ان شاء الله اقضي الايام المتبقية مع اخراج مال او اطعام مسكين لكل يوم
ربي يسهلك ان شاء الله وتلدين بالسلامة

اللهم اميين ي قلبي
ان شاء الله راح ابحث وأسأل عن موضوع الصيام
اللهم امين .. نعم انا كانت نازله بس الحمد لله مافي دم .. بس الطلق تعبني ..
امس وانا في عملي جاني طلق برضو وماكنت عارفه اميز هل هو طلق او لا بدأ معايا من الصباح والما جا الظهر شد عليا مررررا وعرفت انه طلق وكلمت زوجي وامي على اساس نروح المستشفى .. ورفضت ماما اني اروح للمستشفى واخذتي لوحده كبيره في السن ببيتها تعالج طب شعبي والله رحتلها وانا اطلق واللللم فظيع .. ب 3 دقايق ولله الحمد رفعتلي المشيمه بيدها وخرجت من عندها بدون اي الم .. وثقل نزول المشيمه راح الحمد لله
جددا فرحت .. بصرحه ماكنت اثق بالطب الشعبي وبدي الخرابيط بس لما جربت ماشاء الله ...
المشكله الشهور الاخيره يكون دخل رمضان وانا ماقضيت حق العام كلو هههه ربي يعين ..
صحيح امس الحرمه الي رحتلها نصحتني ارفع رجولي واحط تحتي مخده .. ومنعتنا من العلاقه انا وزوجي لمدة 10 ايام ..

شكرا لكم حبيباااتي

__________________
لاتسعى لتصحيح ظن احد بك ££ خالقك ينظر لقلبك وهذا يكفيك