السلام عليكم ورحمة الله و بركاته ,,,

اعزائي .. الحمدلله على كل حال

موضوعي احترت فيه ... مع انه مش مستاهل بس كوني حامل وفي الشهر الثامن فان فيوزات المخ

والاحساس تضرب بشكل مبالغ فيه ...

ونظرا لحملي هذا الي طلعت في عين زوجي حسب كلامه و اكثر حمل قرف فيه من ظروف الحمل حسب كلامه ايضا

رغم انو حملي الحمدلله ماعندي وحم شديد ولا تعب ولا مشاكل ماشاءالله تبارك الله

لكن الحر كان شديد التاثير السيئ والمزاج من سيء لاسوا

و أيضا ... جاء وحمي على زوجي الله يعينه

المهم انا مقصرة صراحة معه في كل شيء تقريبا ... حتى الغسيل والكوي .. الله يسامحني و يصلح حالي

وزوجي صابر وساكت وبيقلي تنشوف بعد الحمل ... شو الاخبار

وانا صراحة مقررة وربنا يقدرني انسف كل شي وابدا انتعاش جديد بعد الولادة عشان اعوضه

وكمان يحس بالفرق ومايرجع يطالب بالحمل الا بعد مدة طويلة .... شوف الشر ..


المهم زوجي راعاني جدا والشهادة لله و طنشلي كتير كتير

وقصرت معاه كتير خاصة في الامور العاطفية والنفسية والخ الخ من الامور الخاصة وهيك اشياء

وصرت من فترة حاساه عصبي زيادة و متوتر و احيانا يعصب لسبب تافه

و اصبح حسب نظرتي يشعر بالملل وان واجهته يقول مافية اشي انت بتتخيلي

مع اني متاكدة انو مش طبيعي و مش مرتاح نفسيا ومالل واكيد الي سبب في الموضوع

وفي نفس الوقت مع ملله ذاك فهو في حاله يعني مابفرغ شي فية يعني مابتفشش فية

واصبح صامت قليلا ويبدو عليه عدم الراحة وانا لم يعد يعجبني الامر واصير الف وراه واساله ويقلي انت بتتخيلي

وصرت حاساه بعيد عني شوي ...

من كم يوم زعلت منه يمكن كبرتها وتحسست لكن اتاثرت كتير ولي 3 ايام ابكي زي الهبلة و هوة

مطنش يتعامل عادي لا بتكشير ولا بانبساط طناش يعني وانا مستفزة صراحة وحاسة بالاهمال و مقهورة

و صرت اتخيل واقول واوسوس ليكون بفكر في غيري ليكون في شي مخبيه

ولما اواجهه يقلي الي بشوفك بقدرش يفكر بالامر مرة تانية هههههههههههههههه

مش عارفة صراحة الحمل عندي جسديا غير متعب لكن عقليا و نفسيا اشعر نفسي مش طبيعية

وفي نفس الوقت الدنيا مالهاش امان صرت دايما اشك في اي حد

المهم مالكم في الطويلة ياطويلين العمر

انا مستفزة جدا و ناوية على نية خناقة او مواجهة و اقله كل شي واني حاسة بالطناش والاهمال ولازم يتحمل مهما كان وضعي ... على اساس انو مابحس و حجر

واني اصبحت اشك فيه و الخ الخ

ومحضرة مسج ارسلها في الجوال لما يطلع اليوم ان شاءالله

لكن فجاة ربنا هداني وقلت ليش مااكون كويس هالمرة

فكرت ليلة العيد اعمل كيكة واكتب عليها كلام بالكريمة

و جو رومانسي و ليلة حلوة وشموع و اشياء لي دهر ماعملتها

واهديه صورة النا احنا الاتنين واكتب عليها
بالانجليزي انو يلا نبدا مع بعض من جديد

و يعني اخليه ينبسط ... و اجدد المشاعر

و اكسر الروتين

و انوي نية لله ابدا معاه من جديد فعلا ومااخلي الحمل يخرب حياتي بالطريقة هي ... و مااقصر معاه

خاصة بالامور النفسية والعاطفية لانو اكتر شي ياثر في الرجل هيك امور

ولا احسسه بالذنب واناقشه وابعتله المسج

كونو صريحين وواقعيين وحطو نفسكو مكاني

والصراحة لزوجي وقفات كتيرة معي ماشاءالله تبارك الله مهما حصل لاانساله اياها ابدا

بس يعني انا مااقبل الطناش في جميع الاحوال

سامحوني اعتقد انكو في ختام الموضوع حسيته وبشدة معاناة زوجي و مدى خربطة مخي ونفسيتي من الحمل

بسبب طريقة كتابتي العجيبة


خالتو Beta مهرة سر الحياة

وكل العضوات الحلوات بس انا قلتلكم من الحمل ماعندي طاقة افكر واتزكر اساميهم

مش الي ماتشوف اسمها تنقمص وتروح والله بعمل خناقة هون كمان .... انا عايزة راي الجميع

و اخوتنا الرجال الحكماء عمو رؤوف ... رجل حليم ... الاخ حكيم او عمران الحكيم نسيت ( مش بقلكم )

وجميع العقلاء هنا ... والبركة فيكم جميعا

المهم عايزة برضو يحكولي شو بفرح الرجل و شو مدى صعوبى احساسهم في ظل اهمال الزوجة

اي شي يساعد يعني

__________________

بارك الله فيك ... وفي عقلانيتك ..

وانتي هنا مو محتاجه رأي .. فقد طرحتي لنفسك الحل الصحيح وما بقي هو التنفيذ فقط ...

أسأل الله أن يتمم لكي بخير وأن يبعد عنكما كل هم ومكروه ..

عزيزتي ملك شادي لم يبقى الا القليل وتلدين ان شاء الله والله يقومك بالسلامة حبيبتي
هرمونات الحمل تعمل عمايلها في المراة الحامل ويا ليت الرجال يحملون حتى يشعرون بما تشعر به زوجاتهم الحوامل
عزيزتي كثر الله خيره زوجك رعاك ومتفهم لوضعك صدقيني هناك ازواج لا يعرفون رحمة زوجاتهم ابدا
ويتذمرون طول فترة الحمل من زوجاتهم
وصدقيني زوجك يستاهل مكافاته على طولة باله وعلى طيبة قلبه
وانا معك فاجئيه برومانسيتك التي افتقدها فلتبدئيها من الان عزيزتي ولتكن ليلة العيد المفاجاة الكبرى
اسال الله ان يريح بالك ويقومك بالسلامة و ترزقين باجمل بيبي

اخي ابو مهند شكرا لك والله كنت عاقلة و مااحلاني بس الحمل قلب مخي وكل حمل هيك هادا تالت حمل الله يفرجها ان شاءالله

امراة من مكان ما ... تسلمي ياقلبي بتعرف انو عملو بحث و تجربة على مجموعة رجال وضعولهم الم مقارب جدا للطلق الطبيعي
بقلك اشجع واقوى رجل تحمل الالم 5 دقايق وبعديها ماقدر هادا اكتر واحد تحمل باقي الرجال ماتحملو شي
وهالكلام جايبلي اياه زوجي استغربت انو معترف على حاله هههههههه
والله مخنوقة و موسوسة و مسيطر علية احساس انو في امر مخبيه عليه زوجي
الهرمونات تعمل عمايلها بس مش حجة لتخريب حياتي والله بعين ...
انا بس بلزم الاستغفار من اليوم عشان احضر ليلة العيد تكون حلوة ان شاءالله ربنا يسهل مع اني مالي نفس سوى بالاستلقاء نظرا للتعب .. الله يقومني بالسلامة ويكون البيبي هادي اهم شي لانو البيبي العصبي ينكد عالام عيشتها
بارك الله فيكي

__________________

شو هالحكي هههههه
انت اسمعي شو تعملي ارسليله اليوم مسج على موبايله واكتبي فيه هناك دعوة رومانسية ليلة العيد
وطبعا كوني محضرة كل شي من تنظيف البيت على السريع وتجهيز حالك وكوني عاملة صنف او صنفين حلويات وطبق رئيسي وشراب فريش او اذا ميزانيتك بتسمح اطلبي من برة وريحي حالك هههه
واهم شي لا تنسي تشتري شرشف للسرير جديد صدقيني راح تتغير النفسيات كلها للاحسن وحطي شموع خفيفة وشغلي الفواحة بريحة الافندر اشتريها من ذا بودي شوب
الله يوفقك امين
ما بدنا خناقات الله يرضي عليك خصوصا انه عيد انت الكسبانة صدقيني
وبنفس الوقت الشيطان راح يموت قهر خخخخخ

__________________
انا لله وانا اليه راجعون

هلا ملوكه أول شي اشتقت لج فديتج << عجبتك رمستي ؟

بس بجد خفت تكوني غرقتي مع اولادك بالمية اللي بيكبكبوها بعيد الشر عنكم حبيبتي

نجي للجد والجد هلا هالله عليه

زوجك مهما تحمل ومهما مسك نفسه عن نفسيتك يظل رجل وله احتياجات انتي اعترفتي أنك مقصرة فيها ... بيولوجيا الرجل يتنرفز أو يكتئب ويصمت ويكون مقهور لما يكون ناقص عنده هذا الجانب خاصة لما تكون زوجته حواليه بالبيت

فالسبب الان صار معروف ... وحرام تظلي تمتحني بصبره لنهاية الحمل وبعدها تعملي الإنقلاب الربيعي .. بتخافي يكوم يطعمك هذيك الكتله عشان يصير رومانسي من بعدها

يعني بالمختصر أنا مع توجهك الثاني بالكيكة والكريمة وتغيير جو النكد اللي صارلكم فيه 8 شهور وتختميها بليلة حلوه محصلتش

الله يوفقك حبيبة قلبي ويهدي بالكم ولا تنسي المعوذات والرقية ... تراني حسدتك على جوزك

__________________

متفائلة والله كنك بتقري افكاري ...
شوفي الكيكة ناوية عليها والعصير
اما الميزانية شبه معدومة خخخخخ اختك تصرف اول باول
بس ححاول اجيب هدية
المفرش عندي جديد هدية فاخر من اهلي بحطه
والشموع بشتري او بحط شمع عادي من عندي
ويعني ... الله يوفق
بالنسبة للطبق الرئيسي مابدي حنكون صايمين يوم عرفة ...
الدعوة و المسج ناوية بكرت ان شاءالله بكرة بالليل ... الله يفرجها ويهدي البال الصراحة ماليش نفس بحاجة غير الاسترخاء الابدي ههههههه بس حرام ... لازم اتحرك


خالتو بيتا ... عجبتني هذيك الكتلة ...
وقولتك يكون الانقلاب ربيعي ؟زي ربيع العرب الي طلع خريف و شتا وحالته بلويل
وان شاءالله برقي حالي ... بس اكيد بتمزحي ومش حتحسديني احنا في مقام ولادك حسب كلامك اولادك كبار
الله يخليكي الهم ويخليكي النا ولجميع الامة الاسلامية
دعواتك لي
قولي عاد ماشاءالله ليكون قصدك جد تحسديني هههه بمزح الله يسعدك

__________________

لأ يا بنت ما بحسدك بس قلت هيك عشان تخافي وتشجعي للرقية ما تتهاوني فيها
الله يوفقكم حبيبتي وما يفرق بينكم ولا يجيب زعل ما شاء الله تبارك الرحمن

__________________

وعليكم السلام ورحمة الله وبركاته ’’’

مساؤكِ أكوام الفرح أيتها الطيبة ’’’

طبعاً لا خناق ولا من هذا أبداً ..ماشاء الله عليكِ تبارك عرفتي ماهو الحل ’’ولا تجعلي الشيطان يوسوس ويدخل في حياتكِ بأمور لاأصل لها ...

وأنتِ اعترفتي بتقصيرك والآن حان دوركِ ياجميلة : )

وبدون كسل شو البيبي هذا المشاكس جعل الماما هيك : )

والأيام عيد لاتُكدري حياتكِ ..والذي يحصل معكِ طبيعي بسبب المشاكس الصغير ..

وبمثل ماقالت لكِ الخالة بيتا ومن كتب لكِ هنا ..

ماشاء الله تمتلكين القدرة على مواجهة مشاكلك بنفسكِ والأجمل إعترافكِ بتقصيركِ ..

وفقكِ الله لكل خير وجعلكِ من السُعداء مع من تحبيبين ويجبر قلبكِ برؤيه طفلك ..

مايحتاجه زوجك حاليا تفريغ شحنات فقط ..!!
اخذيه على جو ثاني ومش ضروري الكيك والشموع !!!!
خليكي انتي الشمعه المنوره في ذيك الليله!!
الله يسهل لك وتولدين بسلامه

__________________
اللهم احفظ لي زوجي وسخره لي واحفظ لي اولادي