سيبو الحب الحقيقي على جنب
وتعالو نحب اجسامنا ونهتم فيها .. عشان نحصل على جسم ممشوق وجذاب .. مو مهم تكوني نحيفة او تخينة ... الاهم يكون جسمك متناسق ومشدود fg
طبعا مافي شي ببلاش ... لازم تتعبي عشان توصلي للجسم الانثوي المثالي ..
اما 24 ساعة جالسة وتأكلي الي يسوا ومايسوا وتقولي بنحف مايسيير ... دحين لنا 3 اسابيع واحنا بنكتب دا الموضوع ونبدا رياضة ومابدينا .. كسل يالطيف
ماراح احدد انواع معينه من الرياضة ... كل واحدة تشوف الي يناسبها وتبدأ تنتظم عليها ..
عني انا راح اركز على الاوربتراك .. وشويه تمارين احتاجها ... ممكن راح احط صور التمارين بس قبل اسأل دودي مسموح لي احطها او لا !!
جدولي راح يكون لمدة 5 ايام ويومين راحة ...
طبعا هدفي .. اني انزل 7 كيلو وزني حاليا 54 بدي اوصل لـ47 ... واشد جسمي لاقصى درجات الشد
نبدأ من بكرة بتاريخ ( 2015/4/2 ) ولمدة 3 شهور ... بس مو معناتو ان بعد ال3 شهور خلاص نوقف ...لان للرياضه فوائد كثيرة مو بس للتنحيف .. ماراح اكتب فوائدها روحو قوقل واقرأو
حلو تكون الرياضه جزء من روتينا اليومي .. بس طبعا خلال ال3 شهور بكثف الرياضه وبعاند جسمي ولازم اوصل للجسم الي اتمنااه .. ياخوفي بعد 3 شهور اراجع دكتور العظام
يلا الي بتبدأ معايا ... تكتب وزنها والهدف الي بتوصل له ... وتشاركنا بالتمارين الي تعملها ...
كتبت الموضوع سريع سريع .. وكنت بسوي خلفيه وحركات لكن مافضيت .. يلا اهم شي المضمون
لي رجعة ان شاءالله اضيف التمارين المهمة ... وماسكات وكريمات لشد الجسم ..
يلا شدو الهمة رشيقات ... وكل واحدة ترتب لها نظام رياضي تمشي عليها .. وكل يوم تكتب هنا انجازها
__________________
سبحانك اللهم وبحمدك، أشهد أن لا إله إلا أنت، أستغفرك وأتوب إليك