السلام عليكم
أخواتي واخواني في الله إليكم مشكلتي واتمنى أن يجري الله الرأي الصائب على أقلامكم بمافيه الخير لي وسامحوني على الإطاله بس من جد محتاره وخايفه من عواقب اي قرار اتخذه

انامتزوجه من رجل لي معاه سنه ونصف عمري 27 عمره 29
سبق له الزواج وماعنده اطفال وانا عندي ولاكن عند أبوهم
يصلي طيب يحبني على كلامه مووت
يدخن عصبي يسمع اغاني ظروفه الماديه صعبه يكذب أحيانآ وأكبر عيوبه بنظري (كل شيء ينقله عند أمه وأبوه وأهله)
أهله ناس طيبين وأول ماتزوجته كانو شايليني من على الأرض شيل واناأحبهم جدآ لدرجه إنه أكثر من كم مره يمد يده عليه وأروح أشتكي على أهله مو على أهلي لإن أهله كانو يبينون لي أنهم في صفي ومن باب إني شاريته وماأبغا أخرب العلاقه أقول اهله بيوقفونه عند حده ولاكن بدون عداوه وأهلي برغم إنهم جدآ طيبين ومتفاهمين إلا إنه اي أهل مابيرضون فبنتهم ومن باب إن اخواني يعزونه وهو كمان يعزهم
المهم والله مو مدح بس هذي انا
حلوه طيبه متسامحه احب لغه الحواروالتفاهم محافظه ولاكن غير متشدده غير زنانه متوسطه الغيره ولاعمري سببت أو أثرت مشكله بالغيره برغم ان شغله ال2 مع النساء ولاكن مااعتقد هو من هالنوع ولاانا تعبته بهالشيء زي اي حرمه تسوي مشاكل وتبرر انها من باب الغيره

لمن تصير مشكله ولأتفهه الأسباب يعلي صوته ويخاصم ويعصب ويطلع لشغله عنده دوامين وللمعلوميه دوامه2
غير إجباري
إذا جا الليل يروح الغرفه الثانيه اجي عنده يقول روحي عني يحب الجفا مع انه عاطفي كيف مادري
يستمر الزعل من 4 إلى 10 ايام عادي يكابر برغم إني احس فأوقات إنهيبغانا نتصالح مع كثر الزعل اللي معقول والغير معقول اخذتني العزه وقلت حتى انا آدميه بطنشه حتى يتعلم كيف يداريني زاد بالعكس ماهدا واصبح الجفا بيننا على طول ودايم اقوله الجفا حفره الطلاق لإن القلوب المتواده لاترضى بالبعاد
ومادري فاهم الكلام ويقول كلامك صح بس في التطبيق 0%

دايم اذاتخاصمنا يقول روحي بيت أهلك ومره خرجني منه بالغصب وانا اقول هو عصبي ومتسرع وبعدهايندم لاتطاوعينه وأرفض يقول أطلعي قلت له ماني طالعه إلا بورقتي كل شويه راميني فبيت أهلي ليش وعلى ايش لو ربي رايد صلح خلينا نحل مواضيعنا واحنافبيتنا ولو يأست اخرج مطلقه لإنه دايم يقولي والله ماأطلقك أعلقك لومابغيتيني غيرته جنونيه لدرجه يمنعني ممن الخروج مع اخواني اخواني كثيير يحبوني ويحترموني ويمنع احط قدامهم مكياج ولازم ألبس اكمام طويله وممنوع البنطلون حتى لو بلوزه طويله
وقلت طيب المهم كل مره يخرجني من البيت وأروح لأهلي ومايكمل فتره بسيطه إلا ويجي يبكي ويندم ويسلم على رجل ابويه والله ماألقى زيها وأحبها ويسوي المستحيــــــــــــــــــــــل وأرجع تكرر ذلك 3 مرات

وبعدآخر زعله رجعت قعدت شهرين بس كلها مشاكل تافهه والمصيبه مايبقبل الحوار الابالوقت اللي على كيفه
اها نسيت اقولكم فكل زعله من يوم تزوجنا يطلع من البيت ويفضفض لأمه( واخوانه) ولأخواته حتى كرههم فيه
ويقول تقول عنكم وتقول والله العظيم ماقلت لإني أحبهم بس هو متسرع ولاياخذ ويعطي فيفهم على كيفه وينقلهابالطريقه اللي فهمها مع العلم ان عبايتي عالراس الااني فصلت هابتطريز اسود باسود وقلت له بس للمناسبات رفض وتزاعلنا وراح يوصفا لأهله هل يحق له صارت عيونهم على عباياتي وهم على الكتف ولاأحد قالهم شيء
كل مره اهله يعاتبوني وصرت محط انظار بيتهم وتحقيق وتعبــــــــــــــــــــــــــــــــــــــــــــــ ـت والله أنهرت من التبرير لهم فكل صغيره وكبيره
أجيه اترجاه لايطلع اسرارنا أناوانت ننسى لاكن الأهالي لاء يقول صح كلامك ويندم ويبكي ويرجع

قلت ابغااكمل دراستي انتساب بالجامعه رفض برغم اني ماروح للجامعه بس وقت الإختبار وقريب مننا و لااتعبه وقبل الاختبارات بكم اسبوع بس اذاكر كان يفتعل مشاكل وينكد عليه ويقول دراسه لاء انا وياه خريجين ثانويه يقول لو في احد يدرس انا موانتي انتي مستقبلك بيتك اناماعندي اطفال عنده مشكله بالخلفه لاتقولون يمكن عشان كذا تخيلو اقوله انا راضيه لو اعيش العمر كله معاك بدون اطفال راضيه ليش ماقدر وضحى مع العلم والله ماني كامله بس مافيني شيء يستاهل هذا كله حتى هو يقول المهم وهو دايم مشغول برزقه وانا بالبيت طفشانه ليش يحسد علي الدراسه أقعد اقنعه اقوله اي نجاح يعود لك وبالعكس خليني انشغل بدل الضيق اللي فيه ومنها اتطور واصبح انسانه فاهمه يقول كفايه عليك فهم وعلم مو ناقصك شيء
صار فيوم مشكله ومد يده عللي كالعاده ولمن اقوله ليش يقول هذا مو ضرب يدفني من مكان لمكان يتنطط فوجهي ويتهدد علي دايم يدخل اصابعه فوجهي كأنه يخاصم عيال بالحاره يخنقني اشتكي على أهله ويجون وننسى الموضوع ويرجع بتقولون ليش مااشتكيتي لأهلي ينكر يقولماضربتها بس دفيتها المهم آخرتها خنقني وسبني ودفني وتفل عليه وانا سبيته ماتحملت خرج من البيت واقوله راح تندم يقول روحي ويسب قلت طيب اناأوريك قال انقلعي ومن ذا الكلام........
اتصلت على اخواني جو البيت وسبحان الله جو واحنا نتخاصم وصوته عالي ويسب ويهين واناكمان بس الله الشاهد هو ماخلا فيني صبر
دخلو هزأوه واهانوه ودفدفده وقالولي ايش رايك بالف مو ضرب صح بس ماضربوه
خرج من البيت اخذ اخوانه حسبي الله عليهم وهم دارين اكثر من أهلي بمعاناتي معاه وراحو الشرطه فتحو محظر وراح المحكمه يطالبني بالمهر وأمه وهذا كله وانافبيتي كان يتفل الله يكرمكم في المغسله كل شويه أقوله ليه يقول عشان انتي تغسلينها المهم اخذ كل شيء من البيت العطور اللي جابها والهدايا واخويه جاب لي اكل طرده من البيت يحط بالعصير ملح المهم جلست 15 يوم متعذبه وانا مصره ان خروجي بطلاق موزي كل مره وأمه تتصل على امي تقول طلعو بنتكم من البيت وقتها اتفقو الرجال على الطلاق وارجاع جزء من المهر ولو قلتو وقتهااطلعي بقولكم المحاكم حبالهاطويله المهم بعد خروجي قرأ مذكراتي اللي تركتها وفيها كل شيء سواه فيني اتصل يبكي ويعتذر مارد عليه وسط كل اللي يعرف واللي مايعرف ويحلف انه تغير وان اللي صار له درس ووسط وحده من المحكمه تحاول فيني ويقول والله ماتزوج بعدها ماألقى زيها صبرت وسترت وللأسف كان يفضحني عند أهله كثيييير لإنه من الناس اللي يحب يشاور ويفضفض بره ولمن يجي البيت انا مكتومه لإني مافضفضت وهو رافض وانا مصره على التفاهم
عمومآ قولولي انا صح احبه بس اقدر استغني عنه لإنه ماحافظ عليه ومن ورايه عدو مو زوج ماأحس معه بالأمان والله ماعندي ولاسر إلا عند أهله هل هذا يعقل صارت الحرمه الكتومه والرجل ثرثار
اهله يتصلون يبكون ويعتذرون بعد ماقالو تطلع وأعطوه مهره المهم هل انا صح اني ماابغاه
يقولون حاله يأسف وتعبان مررره ومعترف بخطأه بس دايم يعترف ويرجع
وقال خذو عليه ضمانات في المحكمه باللي تبغاه والباحثه قالت انا بكون بحياتكم مو أهلك ولاأهله
هل يعقل حياتي تكون كذا لازم بتدخل أحد
اللي حوالي بعض يقول سيبيه مايستاهلك والبعض يقول اعطيه فرصه بساللي مااقدر أتحمله اسرار لو قلت كلمه ولا شيء طلعها عند أهله وهو معترف بهالشيء كيف يوصلهامحاكم وشرط وبعدها يبغا يصلح يرسلي آيات عن التسامح معد عرفت ارجوكم افيدوني بجد تعبت من الضغط النفسي اللي ألقاه من محاولات من طرفه بيموت ويرجعني وانا ماابغا بس خايفه ان ربي يسامحه برغم كل اللي سواه واللي قاهرني انحطيت فموقف اني انا اللي ابغا الطلاق بعد ماقوم مجالس واتفاق على الطلاق بعدها ندم وانا رفضت يقولون أجل انتي رفضتي

استخيري


والله يوفقك

__________________
وقل حسبي الله عليه توكلت وهو رب العرش العظيم
اللهم عليك بمن سحرنا اللهم رد سحرهم عليهم وسلط جنهم عليهم وارنا فيهم عجائب قدرتك

خذي ضمانات و خليه يوقع عليها إذا بترجعي له

مشكور على مرورك والله يجزاك خير

أختي معقوله السان ينضمن عن إفشاء الاسرار مااعتقد لاكن الله يفرج همي وأحس إني بين عقلي وقلبي تناقض والافضل إني ماارجع ويارب رحمتك طلاق للمره 2 ويعلم الله إني تمسكت بحياتي وكتمت مشاكلي لاكن كان الله بالعون المصيبه إنه مايعرف قيمتي إلا إذا طلعت من عنده وهو اللي يخرجني مشكوره روح الطيروالله يسعدك

الله يعينك ويساعدك زوجك عصبي ويتخذ قراراته بسرعه طيب من اي ناحيه يفشي اسرارك المفروض انتي تسرين معه من النوع الغامض ويمكن هذا شخصيته الله يعينك بس كل شي يهون الا انه يمد يده عليك وهو تعود على كذا واذا كنتي بترجعين لاترجعين بسرعه خليه يحس بقيمتك علشان مايتعود عليك وانتي استخيري والله يكتب لك الي فيه خير ويوفقك ربي

غاليتي الله يفرجها عليك ويكتبلك الخير
استخيري واستغفري كثير....
والله صعبه تجلسين معاه على ضمانات من طرف خارجي لو هو من داخله ما اقتنع بهالشي لا ضمانات المحكمه ولاغيرها بتخليه يلتزم بالضمانات وبعدين حتى لو اتطلقتي للمره الثانيه هذا شي مو بيدك وانتِ حاولتي قد ماتقدري باستمرار زواجك ...خليك واثقه بالله وان شاء الله ربي ماراح يضيعك

صرخه حب انامن النوع الغامض أساسأوصرت بزياده لإني عارفه إن ماله أمان مصيره بيتكلم بس والله احساس يخنق ماتقدرين تقولين شيء صرت فبيتي وماني ماخذه راحتي كل كلمه احاسب نفسي عليها واذا مثلأ قلت شيء أحاول اصلح الموضوع تدرين كيف أجيبها بين المواضيع مع أهله لإني أدري بيوصلهم وبصوره سيئه المصيبه هم يقولولي هو قالنا وهو يبان الرجل الكتوم وماأقدر واذا قلت له ليش تقول يعصب وانا اعصب ويقول مين قالك ويروح يقولهم واناماابغااخسرهم وأسبب مشاكل وبكذا يكرهوني والله طيبتي الزايده ضيعتني معاه برغم ان شخصيتي معتدله لااني قويه ولاضعيفه ومعاهم اناحسنه النيه وهو سيء النيه والقهر لمن أواجهه يقول انتي ماقلتي مادري ليه يسوي كذا زي ماقلت متسرع ويفهم على كيفه بالنسبه للإستخاره مارتحت ارجع ومع انه مصر ويحاول بشتى الطرق ويقول الله يسامح ليش ماتسامحين بس مو معقول اسامح وارجع وانا ادري ايش اللي ينتظرني قوليلي صح معايه حق ان طبعه هذا كريهه لدرجه كرهني بالدنيا وكلام وقيل وقال كيف كذا من رجال صعب أحترمه دايم اقوله خليني احترمك بأفعالك مشكوره ياقلبي على النصيحه وتكفين أدعيلي وصلهامحاكم وشرط ويقول سحبت الدعوه خلاص اناغلطان يارب ساعدني وبس

بعدين ليش كل ماسار شي يطردك من البيت والله مالومك لو ماحسيتي معه بالامان والاستقراروبعدين ليش ماخذك من الشارع وبعدين الرجال اذا شاف المره ضيعيفهاو انا ماتقدر تعيش من غيره يقعد يذلها ويهينها ويقول في نفسه مصيرها ترجعلي واذا بترجعين طنشيه الين يعرف ان الله حق واشرطي عليه شروط انتي تحبينها وعليك بالاستغفار والدعاء

لو على الشروط شرطت في زعلتي اللي قبلها وتسلف وهو ظروفه صعبه برغم اني لاأنا ولاأهلي نبغا منه فلوس الحمدلله شايفين خيروهو يدري بس نبغارجال فيه خير ورجعت وبالعكس ماأحسسه اني بموت من بعده بس أحسسه إن الحياه مو بهذي العجله والقرارت السريعه ماتنفع وكل منا جرب بس هو لمن يشوفني قاعده بالبيت يقول انتي تعاندين يفسر جلوسي بالبيت عناد مين هذي اللي ترضى بالإهانه عشان تعاند لاكن العقول الصغيره كالمجهر تكبر الاشياء الصغيره دون الاشياء العظيمه