السلام عليكم ..

كيفكم ؟؟ عساكم بخير؟؟
بصراحه في مووضوع من زمان ودي اسأل عنه خصوصاا الرجاال
لانهم يعرفون حركات بعضهم

الحين الزوج لما يغار على زوجته
كيف تفرق بين الشك والغيره؟؟؟
والغيره لما تكون مبالغه هل لان الزوج يحب زوجته او لانها جميــــــــــله بنظره
يعني مثلاً

زوجي اول ماتزوجني طاح فيني مدح وغزل ولما غسلت المكياج
قال والله توقعتك بدون مكياج احلا وطلعتي غزال وووو من هالكلام
طول وقته يمدح ويتغزل ومايصبر عني ويتدلع فيني قدام الناس واهله
بس بعد ماولدت ..تغير علي .. قبل ما اخللص نفاس يعني بفتره نفاسي
يطلب من فلوس النفاس بحكم ان اهله طبعهم يساعدون وان حرمه اخوه ساعدته وعطته وانا اعطيته مبلغ بسيط وكان مو مصدق انه بس هذا ..لانه كان بايع سيارته عشان يجيب لي جوال جديد
وفهمت ان اهله حدوه علي لانهم يقولون نفس كلامه .. زوجك باع سيارته عشانك وانضغظ المره تساعد زوجها ... معقوله ماعطوك غير هالكم ميه؟؟؟ بس صفه زوجي استمرت معه انه مايحبني ومايمدحني نفس اول ...
مايمشيني او يطلعني
بس لما نطلع برى ..يقول لي ارتفع الشال يقول نزلليه .. غطي عيونك؟؟ بصوت قوي
لو ركبنا السياره ... ارفعي عباتي على راسك .. ويعلق عاللي جنبنا وانا التفت ابشوف وش يتكلم عنه
لما التفت يقول ..ليش تلتفتين ؟؟ وعيونك وجهك غطيه ... رغم ان الشال يرتفع شي بسيط ..
هو يسمي عيوني وجهي...
احسه يبالغ .. يطالع بالحريم بس يراقبني ويراقب اللي يطالعني ويمشي وراي يتعمد يتأخر ,,,
ولما يحس الرجال يلتفتون لي ... يقلب الدنيا على راسي ويفحصني كلي يبي يتأكد ان مافي شي واضح مني

اشياء كثيره حتى لما نطلع بالمووووت عشان اصور ملزمه للكليه
يرجعني ومعصب ويقول تستاهلين الحبس وادوس على راسك...ومن هالكلام..

يغار من كل شي .. حتى بنات الكليه ويمنعني احط مكياج .. كان يجيه كلام مدح فيني وغزل وكان يعصب وبقول روحي معفوسه بدون ماتمشطين ..وكان بيحرمني اروح الكليه..
دوم يحقرني ويقول انتي كنت اقدر اخذ احلا وابيض منك ..وانتي مصدقه نفسك حلوه ..
بين كل سالفه والثانيه يقول كذا .. وكل ماجات بنت بالتلفزيون يقول وش احسن منها فيه انتي؟؟

ودوم يقول لي انتي مغروره بجمالك رغم اني والله مامدح نفسي دوم اقول له انا شينه وانا وانا
بس عجزت معه وقاالو لي قولي له .. انا جميله وكلن يتمناني وخل واثقه ..

لما قلتها قال لي شفتي انك مغروره بنفسك؟؟
قلت انا توي قلت لك لانك علطول تعايرني اما قبل ماعمري قلت لك
ولما نفتح سوالف عاديه يجيب هالسيره ... !!!

مدري ليش يحطمني بشكلي ... ولما تهاوشت معه ورحت لاهلي بسبب معاملته لي وانه يطلع عني ويسبني ومن هالكلام ... قطعته فتره وكلمني بكبر .. بس قال .. من قال ان انتي مو حلوه هذا انتيي قمر تهبلين ... !!!

ويعدين لما ارجع له يتغير علي.... ودوم يقول لي شفت مره خويي بيضاء وشقراء وموت
ويقول لي انا ابيض منك وانا وانا
رغم اني ابيض منه بكثييييييير...

مره بس مدحت بياضه لما مدح لي وحدده .. تزوجها اخوي
كان شايفها وهي صغيره يقول بيضاء وموت وانتي عاديه مقبوله
قلت والله انا شفتها والله ماعجبتني لابياض ولاجمال ... بجد والله
رحت قلت له حتى ماتوصل لبياضك .. انتي غييييييير
راح قال لي لا هي ماتوصل لدرجه بياضك انتي ابيض منهاا... خخخخخخخخخخخخ استغربت
ابي افهم هو يحبني ولا لا؟؟ يغار علي ولا كيف؟
وش سبب تصرفاته معي؟؟؟

مرات يزعل معي ويقول لي انا ماحبك وصبرت عشان ولدي ورجعتك عشانه وضربني عشان كان يبي يسافر وضاعت ورقته وحطه فيني وصارت سوالف كبيره وطلع اللي بقلبه وانا للحين مو ناسيه ...رغم انه عوضني بالسفر ... بس يحب الفلوس وطماع وصار يخش عني يعني اعطيه مصروفي واجلس حافيه واكتشف ان عنده الف واكثر ...!!! حتى انه اعترف لحظه غضبه انه محذرينه يعطيني وجه وان عنده فلوس بس يخشها ومايبغى يعودني عالسفر ولاطلبت اسافر يقول لي جيبي فلوس
وكلام كثييييييييييييير......

انا اللحين ابي افهم جزء من شخصيته
تتوقعون ليه يعاملني كذا؟؟؟

وليه يقول لي ان مو حلوه .. ولما البس جديد كلن يمدحني الا هو...

وكل ماقلت له بروح مكان قال لي لاوالله عشان تتدلعين وتترززين قدامهم ويمدحونك

ومره قلت بروح عرس صديقك ... عشانه ..قال لا... تبينهم يمدحونك وتتدلعين بنفسك
لا مابيك تروحين .. قلت مو رايحه ... اصلا كنت بروح عشانك ...
قال لاتروحين عشاني ... حتى مره وداني لزوجه صديقه وقال لاتتكشخين ورحت معفوسه ومدحوني خخخخخخخ ححتى بزارينهم ... لما رجعنا ماعلمته بس كان معصب ويقول اكيد تدلعتي قدامهم ومن هالكلام .........اف منه ماني قادره افهمه

اين السؤال الموجه للرجال ؟

انا اشوف الموضوع عبارة عن ثرثرة حريم !

يبدو حبيبتي انك مضربة و تعانين في حياتك بعض الشئ و لكني لم اجد سؤال واضح
ما المشورة التي تطلبيها و ما هي المشكلة الحقيقية؟

و عندي سؤال كم همرك و منذ متى و أنت متزوجة؟؟

حقيقة لم افهم الموضوع بشكل كامل

لكن الرجل بطبعة غيور

لكن الشك يصل انه يفتش جوال زوجته يراقب مكالماتها ومن تكلم بشكل مستمر

بعد انهاء مكالمة لها يسرق الرقم ويتصل للتأكد من كانت تكلم

اذا خرجت يراقبها وين تروح وين تجي

هذا يعتبر شك وعدم ثقة

اما بالنسبة ان زوجك باع سيارته علشان يشتري لك جوال هذي قوية صراحة

انتي طلبتي منه يشتري لك جوال جديد ؟

شلون يروح للشغل ؟؟؟؟ بدباب ولا بتكسي

وش لون يمشيك ويسافر بك وهو ماعنده سيارة وهي شئ ضروري لقضاء المشاوير

اذا زوجك يعمل وعنده راتب لابد تحددون جدولة للراتب

احياننا الضائقة الماليه تغير من نفسية الرجل ويصبح مضطرب قليلاً

تحية طيبة

اختي زوجك عندة عقدة التعالى يعني يحبك ونفس الوقت شايفك احسن منه يغار منك وعليك ودة يذلك علشان يشعر برجولته وعنده ناس يعبون مخه عاشان كذا تكبري عليه لاتعطينه الي يبي بسهوله خلي حواجز بينك وبينه علشان يعرف قيمته واذا سئلك قولي مافي اي شي انا تعبانه نفسيا فيه رجال اذا تكبرت عليهم الحرمه ركضوا وراها مايحبون المدلوقه عليهم وقتها يتمنى كلمه منك عاد اذا تكلمتي طلعي مافي نفسه وقولي اهلك اذا يحرشونك مارح ينفعونك انا مرتك وباقعد معك الى ان تموت والبخل خله على جنب انت مارح تاخذ منه شي خلنا نتمتع بحياتنا قبل مانعجز

واختي فيه كثير رجال يخفون حقيقتهم في بداية الزواج لاكن اذا جابت الحرمه اول طفل تاكدو انهم ربطوها طلعوا شخصيتهم الحقيقيه

اقتباس:

قال لاتروحين عشاني ... حتى مره وداني لزوجه صديقه وقال لاتتكشخين ورحت معفوسه ومدحوني خخخخخخخ ححتى بزارينهم ... لما رجعنا ماعلمته بس كان معصب ويقول اكيد تدلعتي قدامهم ومن هالكلام .........اف منه ماني قادره افهمه

سؤال يا ملاك !

شعرف زوجك انهم مدحوك ؟

شكلك تجين البيت وتبطين القربة باللي فيها .. واكيد قلتي له قالو عني وقالوا عني

ويبدو لي أنه فيك شوية غرور يمكن حتى عليه ولهذا هو دائما يحاول ينزل من قيمتك ويفهمك انك مو احلى واحدة بالدنيا !

مدري .. انا كذا اشوف

بالنسبة للفرق بين الشك والغيره ! واضح انه زوجك فقط غيور ولا يشك فيك وإلا كانت بتكون حياتك قرف بقرف ولا كان خلاك تطلعين مكان وكان يمكن مد يده عليك

يا اختي

زوجك وتعرفيه .. انتبهي لنفسك وانتي خارجه معه الله يبارك فيك وغطي عيونك اذا هو كذا يرضى

وبلاش من كلام (صاحبتي قالت شعري يهبل ، وبنت خالتي قالت مكياجي حلو ، وامي مدحت فستاني) لانه الرجل ليعلم بأن النساء تثرثر أمام اقربائهم عن جمال فلانة وعلانه (بالضبط مثل ما تكلمتوا انتي وياه عن زوجة اخيك )

ارجو ان تكون وضحت الصورة

__________________

انا ماكتبت الاسئله كويس اعذروني


الاسئله ..


وليه يقول لي ان مو حلوه .. ولما البس جديد كلن يمدحني الا هو...

وكل ماقلت له بروح مكان قال لي لاوالله عشان تتدلعين وتترززين قدامهم ويمدحونك

يعني الرجال مايحبون يتدلعون بحريمهم؟؟؟

سؤال ثاني:

ليش دوم يقارن بياضه وشكله فيني؟؟

سؤال ثالث:
احسه يبالغ .. يطالع بالحريم بس يراقبني ويراقب اللي يطالعني ويمشي وراي يتعمد يتأخر ,,,
ولما يحس الرجال يلتفتون لي ... يقلب الدنيا على راسي ويفحصني كلي يبي يتأكد ان مافي شي واضح مني



اعجبني كلام كريمه ... لانه اقرب للي فهمته انا ...
جربت معه اسلوب التطنيش بس ماقدر ابتعد عنه
يعني ادلعه وامدح فيه وبشكله وبشهامته ...
بس هالفتره احاول ابتعد عنه ...

بالنسبة لبكر الشايب واللي يقولون انا مغروره
والله لو تعرفوني تقولين اني اكثر من متواضعه
الا محطمه نفسياً ...
ولا امدح نفسي ولا اقول شيء...
بالنسبة كيف عرف انهم مدحوني .. هو ماعرف ... من راسه يألف كلام
هو اللي زاد غيرته ... مواقف صارت ورسايل تجيه بالجوال
وكلام اخوانه عني وكلام الناس وبنات الكليه المعجبات كانو يحاولون يتوصلون لرقمي
فاضطرو يسألون اهل ديرتنا عني ... ومدحوني وقرأ رسايل بلوتوث من البنات ..
وكانت بجوالي... !!!
حتى الرسايل العاديه ...

ولعلمك ابدااااا مامدحت نفسي
دوم اذم نفسي ابيه يقول عني كلام حلووو
حتى لاكشخت اقول له مو حلو شكلي ومن هالكلام ..
حتى اذا الناس مدحوني اقول وع
وماتخلص المجادله بيني وبينهم الا وتكون كلمتي الاخيره
وهي ان شينه والوع الكبد .... ومرات يزعلون مني ويقولون انتي ماعندك ثقه بنفسك...
ودامك ماتصدقينا ... ماله داعي نتجادل
كثير نصحوني اني .. احاول اعزز ثقتي بنفسي حتى الناس تشوفني واثقه وتحترمني..
واولهم زوجي ..

اما السياره ...

هو اشترى سياره وكاله بس اقساط ...

وبالنسبه للضرب ضربني .. بس مو كثير ...
حرمني شهور من الطلعات حتى لأهلي ...!
انا نادر ما اطلع ... يعني حتى بعد ماتحسنت حياتنا...


حركة الجوال هو يسويها بين فتره والثانيه ..
تتوقعون مشكله صديقه مأثره عليه؟؟

لان كان عنده صديق وخلاني اركب معهم بالباص يعني هو يشتغل بتوصيل بنات الكليه
ومعروف باخلاقه وانه يراقب البنات ...
بس بعدين قام يبص بص لي
رغم اني البس قفازات ... ومره جاب ورد ... وطلبني
الشغاله قالت لي اخوك برى يبغاك ... بس شكله مايشبهك
انا رحت ولقيت الباب مفتوح عالاخر
ولقيته بوجهي .. زي الصنم .. انا بسرعه ركضت داخل ..
وجابت لي الورد وقالت هذا منه .. ومكتوب رسالة ..مشتاق لك
على انه من اخته ...

وعلمت زوجي ... طبعا الورد كان معطيه زوجي يوصله لي
اما الورقه اعطاها الشغاله ...تعطيني!!!

خذ رقمي وقلد علي صوت بنت وسالفه طويله عريضه وكنت دوم اتحاشاه اشك انه رجال
وزوجي قول كلميها مسكينه كله تتصل
صرت اكلمها وجاء يوم وزوجي يتسمع لصوتها ... وبعدين قال انه صوت صديقه وحطني صايعه ومن هالكلام
بس صدق بالاخير اني مظلومه .... بس واشتكينا عليه بالشرطه وبيحاكمونه ...!!!!

من موقف صاحبه اللي حصل

أكيييييييييييييييد الشك دخل قلبه و إيش اللي تقولي /
يعني جلستي مدة تتكلمي معاها ( أو بالأصح معاه )

من باب للطاقة أي وحدة تتصل علي ما أعرف فصلها و أصلها ، أقوم أدردش معها ؟؟؟؟؟؟؟

و أكيد بيقول عنك صايعة و من هالكلام ، يوم يطلع صاحبه يكلمك و إنت تردي عليه

لا تقولي على بالي إنها بنت ؟؟؟؟؟؟؟؟؟؟؟

طيب فرضا على بالك إنها بنت ، إيش جالسين تتكلموا ؟؟؟؟؟؟؟؟؟؟؟؟

( تعارف و فضاوة و لا إيش ؟؟؟؟؟؟؟؟؟ )


أمشي عدل ، و خلي زوجك يسترجع ثقته فيك

انا اختصرت الكلام

صاحبه من ديرتنا كنت اعرف اخته
وتعرفت علي بالباص وكلمتني ... ونفس صوتها هو نفسه اللي بالجوال
وقالتلي انها نفسها .. طبعا هم اصواتهم فيها خشونه ...
انا للحين مو متأكده اذا هو كان يتبادل معها بالمحادثه ولالا

وانا كنت اكلم عند زوجي دايما
ما اتكلم بعيد عنه ... وكنت اتجاهلها
لاني بطبيعتي ماحب اسولف كثير مع احد

اما سوالفنا
كانت عاديه .. نتكلم عن اشياء تخص المرأه يعني مصطلحات ماتعرفهاا غير المرأه
ونتكلم عن الشكل وعن الوزن ... نتكلم عن الباص عن الكليه عن حياتنا العاديه
بس هي كانت تمدحني وتدلعني كثير
وتقول انها شافتني وانا صغيره ومن هالكلام ...
يعني كل كلامها نسائي ...!!!!

على فكره ... بالبدايه كنت اشتكي لزوجي منه
وابي اطلع من الباص ظليت فتره ابي اطلع
وقال انا واثق فيه... وحتى بعد ماعرف انه يتحرش فيني
خلاني ..واشتكيت لاخته ولاهلي .. ماطلعني الا على نهاية السنه ...!!!

والله تفاصيل كثيره بس اختصرتها ...
وبعدين اكتشفت انه يخوني ... واتوقع انه مع مرت خويه ...والله اعلم
يعني السالفه طويله ...لكنيي سامحته والحين مارح افتش اغراضه ولا اهتم بشيء

معليش اختي يمكن انصدم من عدم مساعدتك له
و أكيد فيه شيء بأسلوبك بنرفزه
فكلامك كثير عن جمالك و حلاتك
يعني كم مرة كتبتي ان الناس تتكلم
وصلت الفكرة أختي و لكن بكل رد تكررينها
فربما تصرفاتك و نظراتك تعكس ذلك انت لا تشعرين بذلك
أحيانا الإنسان لا يستطيع ان يقيم نفسه لا يكون صادقا معها
كوني صادقة مع نفسك و انظري ما هي المواقف التي تجعله يثور و بما رددت عليه
و ايضا موضوع المكالمة , جدا غير مهضوم
كيف تكلمين أحد (حتى لو كانت فتاة) لا تعرفينها
عفوا أختي إذا كان ردي قاسي نوعا ما
لكن كل منا يحتاج وقفة صدق مع نفسه , قد يكون هناك خلل بالأسلوب و التعبير بطريقة تساء فيها فهمك
رعاك الله