السلام عليكم ورحمة الله وبركاته
كيفكم ياحلوين
اليوم عندي سؤال جديد
الحين انا نحيفة وكان خطيبي والكل يبغوني اسمن
انا مشكلتي يعني ممكن اجلس شهر على بال مااسمن كيلو مع انو اتوقع مافي احد بالدنيا ياكل شوكولا وشيبس وهالاشياء اكثر مني ماشاء الله
بس ممكن بيوم انحف الكيلو عادي يعني
انا الحين وصلت للوزن الي ابغا بس رجعت نحف كيلو منو
سؤالي هو كيف احافظ على وزني الي ابغاه بدون ماارجع اسمن او انحف
ماابغى انحف اكثر ؟؟؟
ادري ناس بتقول والله انها فاضية ناس تريد حل عشان تنحف وهذي جاي تبي تسمن
ياريت الي عندها خبرة او كانت مسوية رجيم وبعدين وقفت وثبتت على هالوزن تفيدني
ومشكورين سلف يا عسولات

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

و عليكم السلام حبيبتي

تصدقي اني كنت زيك,, كنت دائما اعاني من النحافه و الأهل يتريقوا علي يسموني عوده
فين العوده تعالي يا عوده,,لا و اخواني و اخواتي لما نتضارب على شي كانوا يقولولي
اسكتي يا عوده والا كسرتك اسكتي بس والله كنت متعقده من النحافه
بس ما كنت ادور على شي يسمني ابدا,, يعني كنت مقتنعه بجسمي بس عاد التريقه كانت تعصبني

يعني طولي 160 و وزني كان بين 46 و 48 و هذا قبل الزواج
لما تزوجت و قبل الحمل صرت 53 و كنت جدددددددا فرحانه بجسي,, يعني معالم الأنوثه بدأت تطلع
و زوجي صار يقولي الحين صاير شكلك امرأه بس قبل كنتي كأنك بنت صغيره يعني طفوليه جدا

و الي سمني قبل الحمل,, يعني تعرفي عرسان
طلعات و خرجات و سفر و اكل اكل اكل

المهم حملت و الوزن زاد تقريبا 10 كيلو والكل و زوجي يقولولي انتي احلويتي دلحين خليكي كده
بس انا ما كان عاجبني ابدا و رجعت نزلتهم لين 50
و بعدين حملت ثاني و الحين ابغى انزل الزايد و أوصل ل55 اقل شي

فنصيحتي لا تدوري شي يسمنك ابد
بكره راح تسمني طبيعي وقت شهر العسل و بعدين الحمل
و اخاف تصيري زي تدوري على شي ينزل الوزن

بس الي اعرفه ان الرياضه بانتضام من 3 الى 5 ايام اسبوعيا تساعد على ثبوت الوزن

و موفقه حبيبتي

__________________

الامومة هي ان تضحي بكل شيئ جميل ليكون في اطفالك الاجمل

لا انا ماابي اسمن اكيد انا الحين سمنت لوحدي بدون شي يعني
بس ابغى انو شي مايخليني انحف بس كمان اكيد ماابي انحف
الحمدلله في احد كان يعاني متلي
شكرا حبيبتي

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب