السلام عليكم و رحمه الله وبركاته

صدق لا قالوا الغربه تغير الواحد
لاني كنت اشوف هالموضوع عادي
لكن بعد ماتغربت وشفت البساطه و الجديه برى تغيرت نظرتي لعده امور

السالفه ومافييها ظاهره التوجيبات الاجتماعيه
ولا عندي اي اعتراض انك تزور مريض او احضر استقبال او احتفال او ولاده
لكن المبالغه في هالامور شي فظيع

اذا بتروح لازم تحضر شي بالسعر الفلاني
ماني مقتنعه ببوكيه ورد مع شوكلت سعره بحدود 300 الي قد يوصل 600
يعني حده والده توصلها كم من هالباقات والفازات وحركات الانستغرام والشوكلت والورد الي يموت ثاني يوم يمكن يجيها مبلغ هائل لو تسلمته كاش ابرك لها

والمشكله الناس صارت تتكلف عشان الشكر بالانستغرام صوره مباشره
والعالم كله تشوف نوعيه الهديه الي جبتها

انا مااشوفه الا نفاق واسراف واموال نسال عنها
بقول لكم مثال عندي قروب صاحبات هن فيهم خير وصلاح وراعيات واجب

مره توسمت فيهم خير وقلت انا اعرف وحده فقيره محتاجه ومااحب احرمكم من الاجر
الي تحب تساعدها باي شي تبلغني بالخاص
شكروني بس محد دخل خاص وعرض المساعده وهن مناصب وماعليهم قاصر ماشاءالله تبارك الرحمن وماعتبت عليهم
لكن الاسبوع الماضي كان تخرج بنت وحده م صاحباتنا
القروب كله قدم هدايا مكلفه وووردو وشوكلت باسعار غاليه مره
استغربت يبخلون علي الفقير المحتاج ويهدون غني زيهم
وماانا عنهم ببعيد
قبل ماارجع قلت بتغير
وممالي ووقتي بتروح للمكان لصحيح
للناس الاولى فيها لنفسي وللمحتاجين وفي عمل الخير
بس والله صعب
انجرفت في التيار وماقاومت
صرت نفسهم افر حسابات الانستغرام واطلب ورد واستاندات وشوكلت بالسعر الفلاني
عشان فلانه ماتزعل وتعرضه بالسناب

ماني سعيده بهالشي
او تشوفوني ابالغ
لحد يقول يمكن ترسلين شي رخيص
بدون مبالغه ارخص شي ب 250

وصعب تروحين بدون شي والاصعب تروحين بشغل بيت بسيط
ياحلو الغربه ولمه صاحباتي على كيك جاهز من الوال مارت والسعاده ماليتنا بلمتنا

شرايكم انا ابالغ ولا فعلا المجتمع فيه مشكله


تم تعديل العنوان ليتناسب مع المضمون

عن نفسي ما اودي بوكيهات ورد
الورد اللي بشتريه ب 30 دينار
اخذ بوكس جميل واحط فيها هالثلاثين دينار
واعطيهم اياها...

او اخذ اي شيء بحدود قدرتي المالية
للامانة مستحيل اخذ شيء فوق طاقتي
مو بخل .. وانما انه محاسبة عن كل دينار وين اقطه
معقولة اقط مبلغ وقدره على ورد ؟؟؟

عن نفسي لازلت اهدي فلوس
او مثلا عطر حلو بمبلغ يناسب قدرتي المالية
غرض حق البيت
واذا مثلا حق امي واخواتي وعندي فلوس كفاية اهديهم قطعة ذهب بسيطة
الذهب زينة و خزينة

__________________

حاجة الناس إليكم من نعم الله عليكم ، فـ لا تملوا النِعم ☁✨

فيه مشكلة. طبعا
انا احسها تدبيسة
لان مثل ما قلتي لو ما عطيتي يصير زعل و تشره
لو نقول صديقة مقربة. تستاهل و من الحب و المعزة
لكن العلاقات رسمية
و قرايب من بعيد مافي تواصل و لا مجاملات"كلامية"و لا تقدير
بس وقت مناسباتهم يبون هدايا

__________________

هلا زين
اي والله خساير
واكثر شي الورد والستاندات من جد خشب ينرمي و ورد بيموت
المشكله الفلوس لها مناسبات معينه
يعني وحده راده من سفر او خريجه او راجع من علاج ماينعطي فلوس كاش في مجتمعنا
الفلوس للمعروس او زواج ويمكن والده ولكن بعد لازم تجيبين هالورد والشوكلت قهوتها يعني
بالماضي الناس كانت تطلب حلو قهوه مايكلف 100 ريال
او تسوي شي ببيتها وخلاص
مره كانت المساله بسيطه
الحين لا وسائل الاتصال الاجتماعي علمتنا المبالغه والهياط بكل شي
الله يعين
المشكله مااقدر اكذب واقول تفوق قدرتي الماديه بحكم اني موظفه
لكن استخسرها وافكر بكم بطانيه تشتري لبردان مشرد وكم علاج توفره
استخسر هالفلوس تروح بهالاشياء
لكن ان ماسويتها بخسر ناس واصدقاء

فعلا تدبيسه
خاصه اذا هم مهدينك المثل
انا صح مايقصرون معاي بس مناسباتي مو كثرهم
هم ماشاءالله كل يوم مناسبه شكل واذا طوفتي وحده صرتي بالبلاك لست
هي فعلا تدبيسه ودي اعرف لها مخرج

تغيير المجتمعات صعب

حاولي على الأقل تضيقي نطاق وعدد الناس اللي تحتاجي تكوني معاهم بهاي الصورة .
بالأصح قللي نطاق معارفك وصاحباتك اذا مضطرة تمثلي وتكوني على غير طبيعتك معاهم

__________________

اخاف انتهي وحيده خاله
من فتره بسيطه خسرت صديقه بسبب تافهه
واخاف اخسر اكثر
الناس صار مايهمها الا المظاهر

الله يعين . خلاص جاريهم باقل درجة تمكنك تحافظي عليهم فيها

ان ما ما طاعك الزمان طيعه

جواب سؤالك عنوان الموضوع .. هو اكيد مش كرم والا لكان ظهر لما عرضتي مساعدة الفقراء ..

يكون نفاق لو كانت الهدية لشخص تكرهيه فهو ايضا مش نفاق

اظن نقدر نسميها مراءاه وتفاخر

__________________

هو مش نفاق بقدر ماهو تفاخر .. يعني هي تهدي تنتظرك تصورين هديتها وترزينها وشوفوا فلانة ايش اعطتني


الله يعين ..

في مجتمعي عالاقل
عرفا ما نعطي هدايا حق المتخرجات
او اللي راده من السفر وو الخ..

الهدايا حق .. عيد ميلاد
زواج
ولادة
وفي حالة المرض يكتفى ب جوكلت او كيك او شيء من هالقبيل


مع ان حاليا طالعين لنا ببدعة جديدة
حفلة البيباي سنغل
والبيبي شاور
وعيد الصداقة

بس انه لازلت صمود .. ما اشارك فيه ولا احضر
مو عشان شيء... ماني مقتنعة
واحس الامر سخيف
شنو يعني اسوي حفلة حق ياهل ليما الحين ما انولد
هذا لو يموت ببطنها .. بتزرع الهدايا ولا بتسويهم مخلل!


ما احب انجرف حق كل شيء

__________________

حاجة الناس إليكم من نعم الله عليكم ، فـ لا تملوا النِعم ☁✨