انا قارئه قديمة جدا في المنتدى واعرف الاعضاء كويس لكني ماتوقعت اني بشارك فيه لكن بسبب هالازمة اللي انا فيها هاليومين اضطريت اني اشترك لاني ابي اخذ رأيي الاعضاء قبل لا اتصرف تصرف واندم عليه..

عمري ماتخيلت اني ممكن امر بهالموقف لكن للاسف مريت فيه..

اول شي بعطيكم نبذه عني انا عمري 26 سنة ومتزوجة من سنتين ونص تقريبا وماعندي اطفال وحاليا مغتربه في امريكا على اساس نكمل دراستنا انا وزوجي..

اول ما تزوجته من سنتين ونص يعني كنت اعرف ان عنده بالمسنجر كم بنت بس ما كنت مهتمه لانه هو ما يهتم فيهم ولاحظت بعدين ان وحده منهم دايم يتكلم عنها يعني يسولف معاي عنها هي من بلد ثاني وتدرس لحالها في كندا وكان مستغرب من اشياء في شخصيتها ويتكلم عنها عادي عندي..

انا لاحظت بعدين انها دايما اون لاين وكثييير تسولف مع زوجي وبدت ترفع ضغطي شوي لكن انا عارفه لو بقوله احذفها وبتهاوش معاه بيحذفها وبعدين يظيفها بايميل ثاني انا مادري عنه مثلا فا مسوية نفسي عادي واحاول اركز لما يتكلم عنها اشوف وش فكرتها ووش فكره هو عنها..

الزبده البنت انخطبت وقلنا الحمدلله وجتنا البعثه قبل كم شهر وكانت هي باجازة في بلدها وشاءت الصدف اننا نتقابل صدفه في مطار واشنطن ( هو يعرف شكلها لانها تحط صورها في المسنجر وعلى فكرة هي محجبه وهو بعد يحط صوره فعرفو بعض يوم شافو بعض) وجت وسلمت عليه وسلمت علي لانه عندهم في بلدهم هالشي عادي تماما..

راحت كندا واحنا رحنا كالفورنيا.. وبدينا ندرس في معهد اللغه ومرة طلبت مننا الاستاذه نفتح موقع فيه برنامج ونسمع ونكتب ملاحظات كواجب يعني وانا حاولت بكمبيوتري ومافتح الموقع بعدين تعبت ونمت وقمت الصباح بدري وزوجي نايم وقتحت اللابتوب حقه عشان اقدر افتح الموقع وعلى فكرة انا اعرف ايميلها لقيت مربع المسنجر يأشر كان ناسي مسنجره مفتوح وعرفت ايميلها وفتحت المربع وياليتني مافتحته..

لقيتها كاتبه كلام تتغزل فيه وتقوله غيابك مر وينك مادخلت مسنجر منزمان وحب وعشق وكلام يرفع الضغط قام قلبي يرجف وانا اقرا الكلام وماعاد قدرت اجمع والواجب سويته خرابيط ورحت المعهد وانا حالتي حاله وكل الاستاذات يحسبوني مريضه وجهي اصفر شي خيالي..

طول اليوم قعدت افكر وش بقول له مادري وش اقول وهو ملاحظ علي يقولي انتي مو طبيعيه اليوم تعبانه ولا وش فيك.. اخر الوقت بالليل فتحت الموضوع وعصب طبعا وكيف تفتحين مسنجري وهذي خصوصياتي والاسطوانه المعروفه المهم نشبت له وقالي ان البنت لها سنتين طبيعيه من شافتنا بمطار واشنطن وهي متغيره ولاحظت انها تعلقت فيني وتوهقت فيها ولاحظي ان لي فتره ادخل اوف لاين (وهو صادق وعشان كذا هي كاتبه له وينك منزمان مادخلت مسنجر) كنت اتهرب منها ومادري وشلون احذفها فجأة.. المهم انا عصبت عليه وقلت له كيف البنت فجأة تمون وتقول احبك ووينك ومشتاقه مستحيل فجأة اكيد صاير كلام قبل..

المهم انه حلف بالله واقسم انها من بدت تتغير وهو صاير يدخل اوف لاين وقايل اني لو لاقي هالكلام كان يكون عذر ممتاز اني احذفها ولا عاد احاكيها وفعلا حذفها فجأة بدون ما يكلمها.. انا شاكه انه قد صار كلام من قبل عشان كذا هي تجرأت عليه قلتله ابغاك تسألها قدامي ليش كتبتي هالكلام وانا بشوف ردها وطنشني وحذفها وقال انها ارسلت لي ايميل وحذفته مارديت عليها..

بعدها بيومين جاني اضافه على موقع للتعارف منها وقبلت قلت بشوف وش تبي انتظرت يومين جاني ايميل انها كتبت لي شي لما فتحت الموقع كانت مسحت اللي كتبته وبعدين حذفت نفسها من عندي اختفت يعني واستغربت وشكيت مررررة..

اليوم نام هو بدري وانا سهرانه لحالي ولاب توبه يطلع صوت مزعج مرة وكنت ابغا اسكره لقيت ايميله مفتوح وماقاومت بديت ادور ولقيت لها رسايل في مكان الرسايل المحذوفه كاتبه له لو سمحت اقبل ايميلي الثاني صدقني ماعاد احاكيك ولا شي بس ابغا اشوفك اون لاين والله مارح اقولك ولا هاي ولقيت رده عليها اوكي بقبله ومرسله ايميل ثاني تقول ماصدق اني خلاص مارح اقدر احاكيك ولا حتى انادي اسمك والله اني ابكي طول اليوم على الاقل اقدر ارسلك ايميلات عادي مواضيع منوعه يعني ولا ممنوع بعد ولقيت رده عليها ايميلات منوعه يعني قصده مو منها شخصيا معليش وانقهرت مررررررة هو مفهمني انه قطع العلاقه تماما لكن اذا بيستقبل منها ايميلات وبيقبلها بالمسنجر بايميل ثاني يعني مارح تنقطع واكتشفت ليش حذفتني بموقع التعارف هي كانت تحاول توصله عن طريقي لما رد على ايميلاتها حذفت نفسها من عندي حسبي الله ونعم الوكيل..

نسيت اقولكم انها تملكت الحين وعايشه حياتها ولا همها انا الحين محتاره مرة فكرت ارسلها ايميل اهددها اقول اذا ما بعدتي عن زوجي انا بوصل لزوجك واقوله على اللي قاعد يصير تخويف يعني و زوجي ماقدر اقوله شي لانه بينهار اذا درا اني فتشت ايميله هذا اولا وبيكون حريص انه يمسح كل شي ويغبي عني هذا ثانيا وثالثا مارح استفيد المرة الاولى صارحت وزعلت وعصبت والحين اظافته بايميل ثاني ولولا الصدفه يمكن عمري مارح اكتشف بس ارادة الله..

ونسيت اقولكم بالنسبه لزوجي دينه ممتاز وحريص على الصلوات جدا وشخصيته محترمه وما يحب الغلط وحبوب وطيب جدا ولا قد تغير علي ابدا يعني ما لاحظت عليه تغير لا قبلها ولا بعدها يعني فيه غموض شوي وشخصيته قويه.. المهم هو من طبعه يميل الى المثاليه شوي وماتوقع انه ممكن بسهوله انه يخون او يسوي شي زي كذا والحب بيننا كبير الحمدلله وانا اثق فيه لكن بعد هذي صرت اشك فيه واحاول افتش جواله ولابتوبه كل ما سمحت الفرصة..

اعرلف اني طولت عليكم بس حبيت ان الصورة توصل واضحه يارب يارب تساعدوني لاني محتارة مرة ومادري وش اسوي خايفه اسوي تصرف واندم عليه..

حبيبتي
لاتضيقين خلقج
وعطيها طاف
واحسن حل مثل ماقلتي
هدديها انك توصلين الخبر لزوجها الغافل!!
متملكه وجذي تسوي !! اجل مانشره على اللي ماتزوجوا!!!
استغفرالله العظيم واتوب اليه
حسبي الله عليها!!!

__________________
اللهم احفظ لي زوجي وسخره لي واحفظ لي اولادي

عزيزتي ..

يبدو هالموقف اللي حصل حولك الى انسانه شكاكه

زوجك بقول مابيني وبينها شي وكل شي يدل على صدق كلامه

فليش هالشك اللي ماله داعي


ودامه انسان دين وبصلي مااتوقع يغلط وخاصه انه واضح انه بحبك

والحرام مافي اسهل منه ولو كان بنيته شي كان عمله وقت ماكان يعرف انك بتفتشي وراه


لاتخلي زوجك يمل منك ومن شكك خليك واثقه في وفي نفسك لانه واضح انه اهل للثقه ولاتدمري حياتك بايدك

اما صديقته فسأليه هل مازلت تكلمها ؟ وضحيله انك مش حابه يتكلم معها لحسن بعدين زوجها يكتشف وتتدمر حياة البنت وكأنك خايفه عليها وعلى مستقبلها مو عليه وبينيله انك مابتحبي انه يتكلم مع بنات لانه مافي لازمه للكلام معهم حتى لايوقع باثم ولو زوجك زي مابتقولي دين وبخاف ربه رح يحاول يبتعد عن الكلام الي ماله لازمه مع البنات ادخليله من مدخل الحلال والحرام لعل وعسى..

الله يوفقكم ويصلح لك زوجك ويسخره الك
ويرزقكم الذرية الصالحه الباره

نصيحه كثري الاستغفار والدعاء لزوجك
ولااله الا انت سبحانك اني كنت من الظالمين <<< هذا الدعاء له مفعول السحر

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

اشكركم ناني وكرستال على سرعة الرد بردتو خاطري يوم رديتو علي بسرعه..

بالنسبه لكرستال اختي ماقدر اطنش حتى لو زوجي رجال حريص وملتزم ملاحقته لها تبي تتعبني وتتعبه هو المفروض قطع العلاقه مية بالميه انا كذا بكون على اعصابي دايما حتى لو هو رجال محترم الشيطان ما مات وتصرفه غلط وانا احس اني لازم اتخذ موقف عشان بعدين ما اندم ولا ابغا اسوي تصرف يخليني اطيح من عينه واخسره ودي التفاهم يكون معها وحتى لو قالتله اني سويت شي هو مارح يقدر يفتح الموضوع معاي لانه مفهمني انه قاطع اي اتصال بينها وبينه يعني المفروض انه مادرا وش اللي صار..

وماتوقع بيتأثر بكلامي عن مستقبلها مع زوجها هي مفهمته انها مظلومة ومغصوبه على واحد ماتحبه..

مشكورة حبيبتي غنى على الرد

والله حبيبتي شوفي وش ما سويتي ما راح تقدرين تمنعين زوجك منها... اذا يبي بيكلمها..

واضح انه معجب بها..! ويمكن حبها... بس شال الفكرة من راسه..

الطريقة المثلى بصراحة عندك..

انشغلي!


كوني حياتك الخاصه بعيد عنه..

يعني..

انتي وش سويتي بالمعهد مثير و غريب؟؟

موب دراسة.. لاء شي مثير

مثلا تخانقتي مع وحده او تناقشتي معها مثلا بشي معين و اقنعتيها بوجهة نظرك..

وكذا يعني..

رحتي السوبر ماركت وش شفتي؟

اليوم اشلون كتبتي واجبك؟؟

وكذا..

يعني حبيبتي انتي حياتك روتينيه؟؟

انتي لك عالمك الخاص؟؟


صدقيني احرصي على هالشي .......و هو بيجي لوحده الى عندك!



اما تفشتين و تتعبين نفسك و يااااااااااااريت فيه فايده!

الله يوفقك يارب و يفرج همك و يحفظ لك زوجك من كل شر

__________________

ماأقول إلأا حسبي الله عليها رفعت ضغطي بقوه ...

لكن ان كنتي تري ان حل اخبار زوجها بأمرها مناسب لك .. ( يعني أكيد راح تعلم زوجك وماراح يعصب عليك وتخرب حياتك

بسبب انسانه مثل هذي ....)

مو مشكله ...

والله مدري وشلون احلها لك ماأقول الا الله يبعدها عنك وعن زوجك عاجلا غير آجل ..

__________________

واضح ان الفتاة عندها تعلق بالكلام مع زوجك كنوع من الإدمان
و يبدو أن زوجك انسان جميل الكلام و الخلق حتى جعلها تتعلق بالكلام معه

و واضح ان الفتاة غير مبالية بخطيبها على الإطلاق!!!!
و غير مبالية بحجم المعصية حتى هانت عليها الخيانة!!!

بالتأكيد زوجها او خطيبها لا يعلم بأصحابها في المسنجر و الانترنت أو على الاقل لا يعلم بنوعية الكلام الذي تتكلمه معهم
حسبنا الله من هذا النوع من البنات خرّابات البيوت !!!
الله يهديهم بس


اما بالنسبة لكِ و الله يا أختي انتي صاحبة الحق و المفروض كان من أولها تخلي زوجك يحذف كلللل البنات من المسنجر
ما في انسان معصوم من الخطأ و الشيطان شاطر
و رسول الله صلى الله عليه و سلم يقول : "لا يخلون رجل بامرأة فإن الشيطان ثالثهما" رواه عمر بن الخطاب ثبت بإسناد صحيح
المفروض لما واجهتي زوجك و أحسن النية يحذف كل البنات دلالة على حسن النية
و لو النية حسنة ما كان بدر منها كلام الحب
قلتِ ان الكلام في بلدها عادي
لا و الله ما في بلد مسلم فيه كلام الغزل بين فتاة و شاب مسلم عادي !!! هل يمكن لهذه الفتاة ان تري محادثاتها مع زوجك لأخوها أو خطيبها ؟؟؟؟
حتى لو كان كلام الدردشة عادي يوم بعد يوم سيتطور الموضوع و يصل إلى ما لا تحمد عقباه


لا أريد أن أصب الزيت على النار
لكن لو كنت مكانك لا أعتقد اني كنت استطيع ان اصبر على قراءة كلام الحب دون ان أوبخها و أضع لها حداً
قد لا تكون هذه الطريقة المثلى لكن أمثال هذه الفتاة لازمها من يضع لها حد من البداية
((من لما تعرفت عليكي تعرف انك مو سهلة !!))
لكن اللي راح راح لا نريد ان نقول (لو)


انتي لِمَ لا تستخدمين دهائك قبل ان تلجئي للتهديد و المواجهة :

سأدلك على طريقة قد تنفع - بإذن الله -

قلتِ أنك بتدرسي بمعهد
بالتاكيد المعهد مختلط
ممكن انك تسألي زوجك - و بكل براءة- مجرد سؤال انك تضيفي زميل أو أستاذ (او أي أحد له موقع هام عندكم مثلا رئيس لجنة طلبة اوما شابه) على المسنجر أو موقع التعارف الذي أشرتِ له في الموضوع أو تاخدي رقم تلفونه!!.
حاولي تظهري كل علامات البراءة و حسن النية و تكلمي بجدية و كأن الأمر يهمك طبعاً مع حجة و دليل انك محتاجة هذا الأمر
(طبعاّ كله تمثيل لا تضيفي أحد !!! الغاية فقط ان يضع زوجك نفسه مكانك و بشكل جدّي)
وقتها زوجك سيرى كم هو حجم الموضوع الحقيقي
و كم هو ظالم لكِ بعلاقته بهذه الفتاة
و ربما يحذفها و للأبد
و قولي له لما يرفض و يغضب " حاضر كلامك أوامر أنا فقط حبيت أستأذنك لأني ما حبيت اعمل شي من وراك " (خليه بهالكلمة يشعر بالذنب انه بيضيف الفتاة من وراكي !!

هذه الطريقة مجربة بشكل شبيه و كانت النتائج جيدة

و لا تنسي الاستعانة بالدعاء

انا خايفة انك لو هددتِ الفتاة كما قلتِ أنها تروح تشتكي لزوجك و تطلعي انتي الخسرانة الوحيدة
فجربي الطريقة اللي قلت لك عليها قبل و لو ما نفعت جربي تتكلمي مع الفتاة
الله يعينك و يهدي بنات المسلمين و يصلح لك زوجك
آمين

__________________
.
.

استودعتك أهلي في سوريا يا من لا تضيع ودائعه

كلام ماريا صح

خليه يحس بالذنب من كلامه معها وأنتي قلتيها أن حياته مثاليه معك

__________________
أنا مدام المختار<<منعاً للإحراااج