سلام عليكم

انا عضوة جديدة وشفت هالمنتدي بصدفه كنت ادور شي يداوي جروحي

انا تزوجت من ثلاث شهور وكان زوجي اوول شهر محسسنسي اجمل زوجة ب العالم مو مقصر بشي
وكان يحبني ولا يقدر يعيش بدوني بعد شهرين تحصل مشاكل بين اي زوجين وصارت خلافات انه تغير علي شوي يعني يتكلم بعلاقاته اول عن سفرياته البنات ومرات يكون بستراحه أبوة يتاخر لين 12 واهلي يزعلون ونا اهاوشه ويطلع لبر يومين ويخليني بيت اهلي وبرضو ومرة كنت مجروحه منه وكنت اكلمه وانا ابكي وقلت لو مانظبط انت بطريق ونا بطريق وقال مو من قلبك قلت الا من قلبي وهاوشته وقلت تجيني الحين احد ياخذ زوجته من اهلها الوقت متاخر وبعدها زعل يومين ماكلمني ولا يحكيني وكان مميت له ميت
وجيته وشفيك زعلان وماتكلمني ومايرد ويقول مافيني شي وبعدين قلت زعلان مني انا وش ذنبي قال انتي البلاء كله
وكان عند اهلي عشا نزلني وراح ادق عليه رد وش فيك قال بعدين اكلمك
ارسلي ع واتس اب انا ماحد اتحمل هالعيشه تتكلمين وتقولين جاي متاخر تبي اخلي أمي تكلمك
وهدي فيك وبعد تقولي بزر انا اعلمك مين البزر انا احس حياتنا انتهت
وقلت ورسلت وعتذرت كل كلام مو من قلبي وعتذرت بدال الف مرة وكلام حب وغزل وترضيه وطنش
حتي رساله صوتيه ارسلت ولا حياه لمن تنادي اهلي قالو ترا ذليتي نفسك له مثل مقلتي هالكلمة
هو يراجع تصرفاته اقوي منك القي له رسايل واتس ابو فيس بوك مع بنات بس قبل زواجنا بس قهرني ليه محتفظ وجاني وقال والله نسبت وضاني وسمحته وغيرة
طيب انا غلطت بكلمه ابن ادام مو معصوم ولا هو معصوم ابدن مافيه زوجه ترضا زوجها يتكلم بي ماضي
مويهم تركني شهر وامي كلمت امه قالت احنا نحاول فيةة يقول الولد مايبي يرجعها ماعاد لي نفس فيها
وقال لانها قصيرة تخيلوووو عذر قهرني مع انو طولي طول اي بنت تشوفها بشارع 159 يعني حلو وطبيعي الي يسمعه من الاقزام السبعه وحتي اول ماتزوجت من هبل ع جسمي وزني150 وكان يقولي حلو هو الكلام بس إذ سبب عشان يقول انا قصيرة يب يطلق ومالقي شي فيني خلق ه العذر والله مقهورة
وحالته تعيسه اقول وش جاك ليه فجاة كرهني ولا أكل ولا انام زين ومرات اقول خيره الي باعني برخيص
ابيعه بتراب بس لما لتذكر أخذني بنت ولما شبع مني وشاف زواج حبس حريته ورحاته وجياته يطلقني بدون سبب لآني بنت غريبه مو من قبيلته عاتي حتي مرة قال. يمه لو يتزوج واحد بنت عمه مصيبه من تصير مشكله والله عمها يمسكه من حلقه اما بنات الناس. لعبه اذ ماخاف من الناس يعني مخاف من الله
تكفون هونو علي مو قادرة انسى الماضي وأني بطلق ومين اتزوج بعدين وينسيني صدمه نفسيه
واخاف اخذ متزوج ولا عندك عيال وانا مابي هالشي وافكر ليه سوا فيني كذا ليه بيطلق ويقول قصيرة
ادعي عليه ليل ونهار انة ظلمني وعيشني بجيم غير حاله نفسيه اول ماصابتني كانت صعبه ماقدر اوصفها والي يقهر شوفوني عايش حياتي ماهمني شي مرات اقول قضاء الله وقدرة يمكن ربي يكتبلي نصيب احسن منه بس وش يداوي الجرح الحين ولسا م طلق أبوي كلم أبوة من أسبوع يجيب ورقتي
وشكله ماراح ابوي بيكلمه ه الاسبوع هو الي قال مابيها ولا انا ودي ارجع بس دامه ماتكلم ولا ابي ارجعها ليه مايطلق

حسبي الله ونعم الوكيل
دعواتكم ربي ينسيني همي ويعوضني خيرا منه

أنا الآن ما فهمت هو طلق أم سيطلق ؟؟

عموما /
حاولي ان تداركي الوضع بالاصلاح
واذا لم تستطعي ولم يرجع عن قراره
يغني الله كلا من سعته
ما وقف الرزق عليه والرازق في السماء وبيده الرزق
لكن استغفري واحسني الظن بالله

لكن نصيحة حاولي الاصلاح والله يتولاك برحمته وعنايته

لا هو ماطلقني
بس من كلامه معاد يبيني وماطلق لسا

بس انا حاولت ارجعه قبل برسايل واتصالاتي مايرد
خلاص كفايه كذا اذل نفسي له

بس ابوي يقول بيروح له يقابله عشان يطلق

الله يكون بعوني ويصبرني وعسا ربي يعوضني احسن منه بس مطلقه تتوقعون يتزوجها واحدد ماتزوج اتمنا مطلق ولا عندة عيال
اما زوجي كسر كلشي فيني مع انه كنت احبه لكن مابي اعيش علي ماضيه وذكراة نفسيتي ماتقوا
حسبي الله ونعم الوكيل

وعليكم السلام ورحمة الله
هلا اختي حياك الله من بيننا ..

معليش ممكن تخبرينا أكثر عن المشاكل اللي صارت في الشهر الثاني من الزواج؟
وكم أعماركم؟

خبرتك في الحياة شكلها قليلة لكن الغريب أبوك بيروح يقابله عشان يطلقك؟ وأمه تقول لأمك خلاص ما يباها؟ الزواج مو لعبة يا اختي مو كل ما صادفتنا مشاكل نلجأ للطلاق ..

وين محاولات الصلح؟ المفروض حد كبير من طرفكم يروح يجتمع به وبناس من طرفهم يفهمون منه شو الموضوع وينصحونه ويفهمونه شو يعني زواج ومسؤليه وانتي بعد يا إختي تحتاجين تثقفين نفسك أكثر وتتعلمي فن التعامل مع الزوج ..

أول سنه زواج هي سنة الاكتشافات وتحصل فيها صدامات كثيرة ما ينفع تنتقدينه وتنكدين عليه في كل شيء يضايقك من ثاني شهر .. شوي شوي وبإسلوب حلو ممكن تخلينه مثل ما تبينه ؤخاصة انه عيوبه مو كبيرة كثير ..

والله يهديك شيلي الطلاق من بالك وبدل ما تسألين شو وضعي بعد الطلاق ومن بيتزوجك أفرشي سجادتك وادعي الله يرد لك زوجك ويصلحه لك .. داومي على قيام الليل وادعي في سجودك واكثثري من الاستغفار والله يصلح أموركم ..


* اسمحيلي إختي بنقل موضوعك للقسم الأنسب

__________________

نفس قصتي بالضبط

جزاك الله خير

مانكر انه بعد هالموقف صار عندي خبرة اكثر كيفيه تعامل مع مشاكل زوجي بحكمه
بس بقولك اذ قال ماعاد لي نفس فيها ماني مرجعها قصيرة؟؟؟؟؟
وش يكون الصلح قرار بيدة
ثاني عيوبه كثيرة
يسهر احيانا خارج منزل وقت متاخر
يذكر علاقاته مع بنات بحرام وسفرياته
يتندم ويقول مرات الزواج حبسه وانا استعجلت
انا احس بعد ماجرب زواج وشاف انة مسوليه مو قدها تهرب باعذار سقيمه متخلفه تافهه
بس دامة مو قد يفتح بيت ويكون اسرة ليش يدق باب خلق الله
حسبي الله عليه ونعم الوكيل

لاحول ولاقوة الابالله الله يهدي سرج ويفرج همج

__________________

كشف الله همكِ عزيزتي .. وتأكدي دائما
أن كل ما يحدث لنا هو خير بإذن الله ..
الشباب ببداية حياتهم لا يعون ما معنى الزواج ..!!
وربما نقص بثقافته وخلل بطباعه أدى لتصرفه بهذه الطريقة
اللاعقلانية .. من ذكر لسفرياته وعلاقاته .. إن جزمنا
بصحتها ..
عزيزتي .. فوضي أمركِ لله .. ادعي ربك وناجيه إن كان الصلاح بحياتك
بوجوده .. يرده إليك ردا طيبا .. وإن كان لك الصلاح والخير بابتعاده
فالطلاق خير و نعمة .. فلا تتعجلي باتخاذ الأحكام ..

__________________

جزاك الله خير

بس أحب اظيف شي
لما امه كلمت وقالت هالعذر لاامي يقول عني قصيرة عصبت وقالت لامه اصلا ولدك مو وجه رجال وسربوت لان أمي عارفه سوالفه وقالت بنجي وناخذ اغراض البنت فعلا جابو اغراضي كلها

وبوي الليوم الثاني كلم ابوة وقال ماعرف الا انت خليه يجيب ورقت البنت

تعقدت الامور
بس مسلمهه امري الربي فيما يختارة لي
عمرة 25 ونا برضو

يارب اجرني في مصيبتي وداخلف خير منها

"وإن خفتم شقاق بينهما فابعثوا حكما من أهله وحكما من أهلها إن يريدا إصلاحا يوفق الله بينهما إن الله كان عليما خبيرا"

رأيي أرسلي لزوجك اﻵية الكريمة واصمتي وانظري ماذا هو فاعل، فرج الله همك وأصلح حالك.