وساوس وأفكار ... زوجي والخدامة
السلام عليكم ورحمة الله وبركاته
اخوتي في الله ... بارك الله فيكم على هذا المنتدى الرائع والتفاعل المخلص ومصداقية النصائح والتوجيهات
مشكلتي أعرضها عليكم بإختصار
عدت أسباب خلتني أشك في زوجي انه يميل للخدامة بمعنى أصح يبي يتحرش فيها
أولا سلوكه اتجاهها: كلامة اللين معها, نظراته لها, أول ما يوصل البيت يسأل عنها, يحب يلاعب بنته لما تكون في حضنها, أول ما نوصل من مشوار يركض يشيل الأغراض من إيدينها
من يومين صمعها تصرخ لأنها خافت من قط دخل البيت, راح ركض لها وخوفه عليها مبين كثير
الاسبوع الماضي كنت بالطابق الأرضي أذاكر لأولادي, صعدت الطابق الثاني عشان أصحي زوجي من النوم, شفتها مرتبكة ما أدري يمكن كانت طالعة من غرفتها, أنا ما اهتميت بس لما دخلت غرفة نومي تفاجأت ان زوجي مستخبي ورا الباب وصرخ في وجهي بقصد المزاح, مع انه عمره ما مزح معي مثل ها المزاح
ثانيا سلوكه تجاهي: بارد جنسيا, وان جامعني فبالجنس الفومي, قليل الكلام, شارد الذهن, يعصب لأتفه الأسباب
بالأمس طلب مني أروح أشتري اغراض للبيت بحجة انه تعبان ويبي ينام, انا ما عاندته قلت له ان شاء الله حبيبي (وفي داخلي أقول أكيد يبي ينفرد بالخدامة), ناديتها وقلت لها تجهزي بنطلع أنا وانتي والعيال, زوجي تعجب وقال بس خلاص أنا بروح أشتري الأغراض
بصراحه هذا السلوك صارله أكثر من شهر, من قبل ما كان كذي, وانا ما صارحته بشكي فيه لأنه مجرد شك أخاف تطلع ظنوني كلها غلط وأكون ظلمته
أترجاكم أعطوني مقترحاتكم كيف أتصرف