السلام عليكم ورحمة الله وبركاته
مساء الخير للجميع
واضح مشكلتي من العنوان مشكلتي بدأت من ايام الملكة ومازالت للأن وهي ان امي تنقل كل شي عني لخالاتي واسرار بيتي وطلعاتي مع زوجي من تمشيات وغيرها لكن ماتقولي اخبار احد .. في البدايه اي شي يصير معي يلاحظ زوجي اتردد اني اقول لآمي لآني اعرف طبعها لكن زوجي ماعرف امي فكان يقولي >انتي حاقده ع امك<
تفاجئت من كلام زوجي وزعلت لكن مارديت وقلت الايام بتثبت واللحين زوجي تعب وكل اشوي يقولي بكلم عمتي ماتنقل اخبارنا المشكله في نقل الكلام تحصل غيره ومقارنات لدرجة ان خالتي تقارن بيني وبين بنتها بسني ويقارنوا زوجي بخطيب بنت خالتي هذا حصل ايام الملكه ومن هنا بدأت المشاكل فلان يجيب هدايا غاليه وفلان يجيب هدايا رخيصة وفلان ملًك وحدد الزواج وفلان يكون نفسه .. وزوجي يتضايق ودايم يقولي الي مثلي متزوجين وفلان اصغر مني المفروض مايقارنوني فيه ومواقف كثيره هذا واحد منها
بعد زواجي ضنيت ان المشكله انتهت كنت اذا رحت اي مكان اقول لامي اتمشينا واكلنا ... بالتفصيل لكن اتفاجئ امي تقول لخالاتي وتحصل غيره .. قلت يمكن بس في البدايه لكن اكثر من مره حصلت والمح لآمي ومافي نتيجة .. اراد الله وبعد فتره حملت وامي اول من بلغتها بحملي .. ورزقني الله بتوام قلت لزوجي لاتعلم احد غير عمتي وكنت متردده اقول لامي اولا وكلمتها لكن وصيتها انها ماتقول لاحد وطمنتني وهنا كانت اكبر صدمه لي في امي كلمت خالاتي وقالت لهم لاتقولولها شي عشان ماتعرف اني قلتلكم!! ... وامي تعرف ان عيون قرايبنا قويه .. وخالاتي قالوا لازواجهم وازواجهم قالوا لاهلهم وانتشر خبر حملي بتوأم ... واراد الله بعد فتره بسيطة ان واحد فيهم يموت والحمدلله ع كل حال وخبرت امي وكان ردها احسن !!
وتقولي قضاء الله وقدرة وبعد كم شهر امي حملت وانا اخر وحده عرفت بحملها وبتلميح اتفاجئت من امي ليش تعاملني كذا والعجيب من خوفها ع الحمل تقولي لاتقولي لاحد بحملي حتى زوجك ولاتقولي لاحد اني امك وتخاف من اي شي وانا مابقت احد ماقالت له بحملي ؟؟
من بعدها سرت مااقول لامي اي شي والاحظ تسأل عني اي احد عشان تعرف اخباري وتستدرجني بالكلام عشان تعرف زوجي يعطيني مصروف شهري او لا وحافز فين احطة ؟؟ .. ومانسيت امي وابوي منها لكن بعدها سرت اجمعها عشان اولد بخاص وكان رد امي : ماله داعي الخاص قد ولدت في حكومي وماصار شي لاتكوني خوافه >>كلوا عشان امي تستفيد منها تصلح البيت << وامي بتولد في احسن المستشفيات الخاصه ونا والله من بعد واحد من اطفالي اتوفى سرت خايفة ع الثاني من اي شي .. لكن قلت تفداها رضا الله من رضا الوالدين والله ييسر ولادتي ع خير وربي بيسهلها ان شاء الله .. ((ويوصلني كلام ان امي تتكلم عليه وتنتقدني وتذمني من ورايه , كان نفسي تصارحني واقولها ليش .. والغريب ان قدامي ماتعاملني الا بالطيب وتدعيلي ومن ورايه تتكلم عليه ))
وقد حصلت مشكله بيني وبين زوجي وبطلب من زوجي رحت عند اهلي وقلت لامي ع المشكله وبعد كم يوم اتفاهمت مع زوجي ورجعت بيتي وكان رد امي (يضحك عليكي بسرعه) واتصلت ع زوجي وبتخاصم زوجي ليش مايعتذر لها وتسال عن مشكله انتهت وبرر زوجي موقفة وكان رد امي (كان خليتها عشان تتأدب )
ومن المواقف ان اتحولت غيره بنت خالتي مني لوقاحه وتريقة ع ام زوجي
سؤالي ليش امي تعاملني كذا ؟ وكيف اعامل امي ان سكت امي زعلت وان اتكلمت نقلت كل شي تعبت معد اقدر اتحمل .. اكثر من سنة ونا صابره ويااما سارت مشاكل بسبب الكلام
كيف احط حد للمشكله وامي ماتحب احد يصارحها بعيوبها ؟؟
كيف اعامل خالاتي وبنت خالتي ؟؟
يشهد الله اعامل الكل بكل طيب لكن يعاملوني بسوء وهذا كله من بعد زواجي لاحول ولاقوة الا بالله
اعذروني ع بعثرة كلامي احس اني بتجنن قولولي اذا غلطانه بشي وكيف اتصرف؟؟
__________________
**اللهم اني استودعك ما خلقت يا من لا تضيع ودائعه, اللهم احفظه,واجعله سليم معافى لا زيادة في خلقه ولانقصان.
30-05-2012, 05:22 PM
أريد حلآ لم اعد اثق بأمي
ضوابط المشاركة
العرض العادي
