السلام عليكم ورحمة الله وبركاته

كيف حال الجميع ان شاء الله بخير 000

انا صراحه اسمع كثير من الامهات انهم ادا نيمو عيالهم يطلعون يتمشون اهي وزوجها تغير جو عن البيت وعن الازعاج يطلعون مطعم ياخدوون لفه يجرون الخ(0((0(0((((

انا صراحه انقهر اتمنى كدا وكل ماقلت لزوجي يقول قلبك بيطاوعك انك تخلين عيالك فالبيت وحدهم لو قامو لو حصل حريق لا قدر الله انتي اكيد ماتقولي الكلام من جد اكيد تمزحين انقهررر صراحه لاني طلعاتنا يكون معنا عيالي ويكون فيها ازعاج والله نرجع للبيت وانا منهده من ازعاجهم

بعديين عيالي من النوع الي انيمهم بدري وماعليهم خوفه ان شاء الله واحد عمره 9 واحد5واحد 3 يعني كبار ان شاء الله بس عندي الكبير خواف لو اشواره ما طاع بس ادا نام مهوب داري عن شي

مره قلت له يوم نامو العيال وقال مثل كلامه انتي وانتي بعدين قام الكبير يحلم ويبكي قال شفتي لونا مناب عنده كان وش بيسوي فسكت

والله تخيلو الرجال يطلع ويدخل وحده وانا ماقد طلعنا وحدنا الله يعيين

بتقولون اكييد جيبي شغاله عندهم ترا انا مااطيق الشغالات بالعكس يمكن ماافكر اطلع واخليها معهم واهلي واهله بعيدييين

يالله شاركوني وقولو ارائكم وهل معي الحق والا غلطانه

انتظر كم0000

اختى انا وضعى مقارب لوضعك تقريبا وكلام زوجى نفس كلام زوجك وحتى اذا خرج معى لارضائي اجده فعلا مشغول وذهنه غير حاضر ويقطع حديثنا كل فترة ويقول يا ترى هل استيقظ احدهم؟ اتظنين ان يخرجوا للبلكونة؟ وهكذا
لذا وجدت انها خروجة فيها انانية لانى فقط المستمتعه بها فقررت ان اجعل بينى وبينه كل يوم جلسة جميلة للحوار والنقاش فى كل شىء بعد نوم الاطفال ووالله انا استمتع جدا بهذه الجلسة واحضر لها بعض المشروبات والماكولات وانتظرها لانها حقا تكون جميلة
ان كان زوجك كزوجى ابحثي عن بديل يستمتع الجميع به
حفظكما الله واطفالكما من كل سوء

__________________

شوفي الحل انكم تعودون عيالكم اول شي ان عادي تطلعون انتي وزوجك لحالكم لان هم ماشاء الله كبار ماعليهم خوف ان شاء الله جربوا تطلعون مشوار قصير وترجعون وشوي شوي بتتعودون وعيالكم بعد بيتعودون وماراح يضرهم ان شاء الله ...
بس اهم شي بالأول زوجك يقتنع عادي لو طلعه قصيره مقاضي مثلا وهم غاطين بساااااااابع نومه اكيد بتكون طلعه مره حلوه وزوجك بينبسط عالهدوء وبيتعود وبيصير هو اللي يترجاك تطلعون وعيالكم نايمين ..
ولا تنسين تقرين عليهم وتقرين عليهم الأدعيه والله الحافظ

السلام عليكم اختي بسمه

تريدين الحق اختي ؟؟ انتي غلطانه ومامعك حق بما تفكرين به

استغرب ان هذه الافكار عادة تصدر من الاب بحكم انه أقل حنية من الام

اختي كيف يمكنك ان تهنئي ولو لدقائق واولادك وحدهم بالبيت .. وقد ذكرتي

بنفسك الذي حصل معكم .. افرضي انهم بس يناموا خلاص مايصحوا أثناء الليل

طيب افرضي جت الكحة لواحد منهم وانتوا مو بالبيت وربي يحميهم احتاج لماء وكاد

يختنق .. هذه اقل الاحتمالات . طيب والكبير الذي يخاف . لو صحي ووجد نفسه مع

اخوته وحدهم بالبيت رح تجيه نوبة خوف وذعر تؤثر فيما بعد على حياته كاملة فهل

يستاهل اي مشوار ان تعرضي اولادك للمخاطر

الحل ليس بالخدامه .. معقول ماعندك احد من اهلك يساعدك او حد من اخوات

زوجك يبات عندكم ليلة وتخرجي انتي وزوجك ؟؟

سامحيني على صراحتي ولك مودتي ودمتي واولادك بخير

لاااااااااااااااااااااا صعبه

اذا فيه شغاله ممكن بس مافيه حرررام بعدهم صغار وشلون يعطيك قلبك تطلعين وتخلينهم مايعرفون يتصرفون

__________________

والله اختي حالتك غريبة
انا يحصل معي العكس تمام
يعني زوجي يقولي خلينا نطلع ونترك البنت لحالها ... وانا متأكدة انها ما رح تصحى من نومها
ويكون المشوار قريب
بس انا ارفض تماما
لا يطاوعني قلبي
اتخيل تصحى وتبكي وما حد يرد عليها والدنيا ليل
والله تنصرع من الخوف بعيد الشر عن قلبها

__________________

والله اختي لو يجي واحد من عيالك صدمة عصبيه وانتي طالعة من البيت ما راح تستفيدين شئ...


خصوصا نايمين... يعني ماعندهم خبر..


واولادك بعدهم اطفال..


فيك تطلعين بالعصر وهم قاعدين.. تقولين لهم بروح مشوار مع بابا وارجع.. لكن تسيبيهم بالليل .. لا تماما.. افرضي واحد منهم وانتي خارجة.. قام من النوم.. وفجأة انقطع الكهرباء.. كيف بيكون وضعه..

افرضي طلع شئ واهم نايمين صوت سيارات شرطة او اسعاف.. او صار شئ بالبيت..



واختي لا تقارنين نفسك بباقي الحريم... بعضهم تعطي عيالها منوم.. عشان تنام بالليل.. بعضهم.. عيالها مع الشغالة مرميين.. ما تدري عنهم شئ..


فيك اذا رحتي لاهلك تنزلينهم وتطلعين انتي وزجك..


بقولك قصة طفل قريب لي..

راح مع باص المدرسة.. وجلس اخر الباص.. ونام .. وصلوا المدرسة نزل كل الاطفال وهو نايم.. السواق ما عرف عنه.. والسواق حرك الباص ووداه لعند بيته.. الطفل بعدين صحى من النوم..فتح عيونه الا هو ما يعرف احد.. ولا يعرف الحارة.. نزل من الباص.. وراح يركض بالشوارع.. وشاف علامه عرفها.. راح يركض يدور بالشوراع ويعبر الشوارع العامة ركض.. وهو يبكي.. فيه رجال انتبه انه هذا الطفل يركض.. وباين ضايع.. ناداه.. وسأله عن اسمه.. واسأله عن رقم بيت اهله.. في ذيك الحظة الادارة اتصلت على الام تسألها عن سبب الغياب.. قلت هو راح تأكدوا.. شوي اتصلوا فيها يأكدون لها انه مو موجود .. جن جنونها.. شوي اتصل عليهم رجال.. قالهم انه لقى ولدهم يركض بالشوارع.. وجابه لين البيت وصارت قصة طويلة.. النهاية هذا الطفل جاته صدمه نفسية.. 5 سنوات وهو يعاني.. وبالليل يتألم من رجوله.. يبكي بكي مو طبيعي.. ومن يجي الباص تشوفين حاله نفسية تجيه.. صار جبان جدا جدا وعصبي الى ابعد درجة.. غيروا الباص وغيروا المدرسة.. والولد لسه تعبان.. الحين هو بسادس ابتدائي.. والحادثة صار له باول ابتدائي.. والى يومك هذا يعاني.. وصار من يروح المدرسة لازم معه جوال..



فاختي تحملي انك ما تطلعين.. ولا صدمة كيف يصير بعيالك مكروه.. والله تندمين.. وسألي اي ام لما تعرض طفلها لصدمة نفسيه.. كيف صارت حياتها..



الله ييسر لك امرك..


حاولي تتفقين مع زوجك.. باسلوب تتعاملون معهم وانتي خارجين عشان يقل الازعاج..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

السلام عليكم..

لافض فوووووووووووووووووووووك..

كنت باقول نفس الكلام ..

بس ازيد

مستغرب

اشلون قلبك يطاوعك تطلعي وهم بالبيت ؟؟؟؟؟؟؟

وبعدين ماشاء الله على ابوهم ؟؟

معقوله يحن عليهم اكثر من الام ؟؟؟؟؟؟؟؟؟؟؟؟

استغرب !!!!!!!!!!!!!!!

متعجب!!!!!

لكن اذا كان لابد من طلعه

ودي الاولاد لا اهلك او اهله وطلعوا

مع انه بصراحه ما احد ملزوم بعيال احد ...الله يعين ..

كلمة عتاب ردك رائع اخيتي الفاضله ..

وشكرا لكم ..

__________________
سبحان الله وبحمده سبحان الله العظيم

قانونا أختي ممنوع ترك طفل دون 14 سنة من غير رقابة

كثير مستغربة

3 سنوات يا قلبي عليه

وتتركينه وحده

يا قلبك


أم وليد

__________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين

بالطبع أضم صوتي لأصوات الإخوة.

شخصياً مستحيل أن أخرج وأترك ابني لوحده .. حتى لو كانت هناك خادمة في البيت .... ولا أتركه أبداً إلا إن كانت إحدى عماته أو جدته على الأقل موجودة في البيت.

وإن لم يكن هناك أحد منهم ليعتني به اثناء غيابي .. فإنني ألغي الخروج وأجلس في البيت مع ابني.


عزيزتي..

تقولين إن أبناءك كبار ... طيب إذا حدث اي مكروه ـ لا قدر الله ـ للصغيرة ابنة الثلاثة أعوام .. فهل تعتقدين أن ابنك الكبير سيتمكن من إسعافها أو الاهتمام بها ريثما تعودون؟!!!!!

بصراحة لا أعتقد.


صحيح كلنا دائماً نفضل التفاؤل وعدم توقع الشر .... ولكن فيما يخص الأبناء فإنني أفضل أن أتوقع السوء .. على الأقل من باب الاحتياط والحرص.

__________________


اللهم طِيبَ الأثر .. وحُسْنَ الرحيل.