السلام عليكم ورحمة الله وبركاته

نصيحتي له ولك
والله يوفقه دنيا واخره

لكي يا اختي بان تتقو الله ولا تعصونه في هذه الزوجات من تعري واغاني ماجنه حتى يبارك الله لاخيك زواجه وكذلك لا تكثرون عليه بالطلابات وطلب اكسسورات زايده عن الفرح من اسراف في الاكل والحلوى وبعض العادات السيئه في زوجاتنا في السعوديه من تعليقات وكوشات وشياء لا تغني ولا تشبع من جوع فاتقوا الله في اخول العريس خففو عليه.

وله اخي الفاضل اسئل الله لك التوفيق واليسر والله يجمعك انت وزوجتك بالخير ان شاء الله انصحك وانا خوك الابتعاد عن المعاصي وجلب المطربين في الفرح وكذلك لا لا لا تسرف في العشاء حتى يوفقك الله في زواجك ويسهل امرك والتنسيق بينك وبين الجمعيات الخيريه حتى تاتي وتاخذ فائض الطعام اجعل الله نصب عينيك وارضه فان ارضاء الناس غايه لاتدرك فارض الله حتى ترضى عنك الناس وما اجمل الفرح لما يكون ببساطه ولا يوجد فيها التكاليف الباهظه والله لن تسلم من كلام الناس.

وبالتوفيق وتحياتي

:14::14:فيه قاعات بشرق الرياض اسمها ريناد مرة ادارتها طيبة ومديرها ناسية اسمه بس هو جنوبي مرة متفاهم ودائما يقول بنيسر على الشباب ويخفض بالسعر ومرة متفاهم وهي قاعة كبيرة وفخمة ايجارها كان 20الف بدون تفاوض عاد ماادري والله لو تفاهمتوا وش يصير وفيه قاعة بانوراما كمان بشرق الرياض وسعرها نفس ريناد وممكن اقل وهو معقول بس عموماً شمال الرياض اسعارهم مرتفعة اختي تزوجت في غناتي بطريق الملك عبدالله بناء على رغبة العريس بس انا احسها مرة غالية ومتكلفة والثانية تزوجت في اليخت ونفس الشيء العريس طلبها هو واهله وتقريبا كلفت مائة الف انا اشوف زي ماقال الاخ عريس بكراتينه حلو الترتيب بس مو مهم الغلاء وكل واحد حسب امكانياته ..وكل ماقل السعر افضل انا ازواج اخواتي اغنياء وهم الي يشترطون قاعات غالية وعاداتنا ابو العروسة يدفع نص التكاليف والعريس نص وصراحة انضغطنا وتعبنا لكن الشكوى لله نظرة الوالد انه مايخلينا صغار باي شيء امام ازواجنا ولو كلفه فوق طاقته ربي يخليه لنا ويعافيه لكن يااختي ماكلف الله نفساً إلا وسعها ... ويسروا ولاتعسروا واحتسبوا الاجر في اعفاف اختك وزوجها والله يباركلهم ويسعدهم
:14::14:واسفة على الاطالة ..

__________________
((رب اجعلني مباركا حيثما كنت.))

مشكورين ع كل اللي ردوا ويعطيكم الف عافيه
احنا ماراح نخسر ان شاءالله بس صعبة العروس تبي عرس وهذي فرحتها مانقدر نقول لا
ونبي نفرح بولدنا بعد وبعدين انا قلت ابي قاعه سعرها معقول
وع عموم مشكور بالنصيحه
واحنا ماهمنا الناس بس حنا طبع الوالد يانحط ولامانحط شي والحمدالله زواجاتنا مافيه منكرات
والكوشه والاشياء اللي حكيت عنها هذي العروس اللي بتحطها لها وصعبه نقولها
واللي ماارضاه لنفسي ماارضاه لبنت الناس مثل انا ابي زواج وهي تبي خلاص نسويه لها ولانجلس نكسر بخاطرها