-



السلام عليكم رحمة الله وبركاته
اسعد الله مساكم : )

عمري 22 وزوجي في الثلاثينات
مشكلتي معاه بدات من شهرين او ثلاثه كان حياتنا مستقره جدا ولله الحمد لكن في الفتره هذي كثرت مشاكلنا ع اتفه الاسباب
انا صايره عنيده (يمكن) وحساسه جدددا اتوقع بسبب حملي - هذا حملي الثاني -
هو صاير لا مباااالي جدا ، ازعل يومين ثلاثه اسبوع وعااااادي ابكي عادي اغيب عند اهلي كم يوم عادي ماعاد يحس فيني ولايقدر نفسيتي ابدا
بالرغم اني كنت مااقصر معاه في شي واراعي حالته النفسيه والماديه ولا اكثر عليه بالطلبات وكل شي حاضر وتم يعني مو كثير علي لو راعاني هالفتره
احس اني صرت ماحبه بس جالسه امشي حياتي معاه
هو من البدايه جااف ومايعرف يعبر عن مشاعره والحب عنده يعني مقاضي البيت كامله واحتياجاتكم كامله : (
حتى في طريقة كلامه معاي كانه يكلم واحد من الشباب
وانا انسانه جدا عاطفيه واتشفق ع الكلام الحلو لكن الله المستعان
مع الضغوط النفسيه وتعب الحمل احس اني جديا احتاج انسان يطبطب علي ويهتم بمشاعري وصايره اعصب وانفعل وابكي ع اتفه الاسباب ولاحياة لمن تنادي
رحت جلست عند اهلي 10 ايام وارتاحت نفسيتي ورجعت فرش ورايقه وانصدم من كمية البرووود القاتل اللي استقبلني فيه !! حزت بنفسي ومشيتها وعادي سوالف وضحك والقلوب مليانه
امس انفجرت عليه بسبب تافه ( رحت اراجع عند دكتورتي وعصبت من الممرضه اللي عندها ورجعت فلوس الكشف ورجعت السياره وانا اغلي والعصبيه واصله 1000
وجلس يستفزني بالاسئله وانتي شايفه نفسك وليش ماتراجعين بحكومي وموال عند كل مراجعه اسمعه !
هو مقتدر وهالشهر اشتراله الله يكرمكم جزمه ب 700 ومستكثر علي 150 للمراجعه "شهريا"!!
وسبق وقلتله انا مااحب زحمة الحكومي لو ماعندك استطاعه انا بدفع واريح راسي
المهم عصبت وكنت مواعده وحده ازورها وكان موافق وماباقي ع الروحه الا نص ساعه وقال لا مانتي رايحه ! ، هنا ماعاد شفت الا ابليس يتنطط بوجهي
قلت له اجل ودني لاهلي قال اجلسي فبيتك احسن واصريت وهددت انه لو ماوداني ماانزل من السياره
وداني البيت اخذت عفشي ورحت لاهلي ، وفي الليل حسيت بالندم وارسلتله (( لازم نجلس ونتكلم ونحل مشاكلنا لو عندك استعداد تعالي خذني الليله لو ماتبغى لايكلف اللله نفسا الا وسعها ))
شاف الرساله ومارد
ماني ندمانه ع الرساله لاني حاسه اني غلطت بعصبيتي بس والله كله نتيجه لاهماله والجفااااف اللي خلاني اوصل لهالشي

الحمدلله من قبل ومن بعد ..
شوروا علي

من اين جاء الحزن يا صديقى وكيف جاء
يحمل لى فى يده زنابق رائعة الشحوب
يحمل لى حقائب الدموع والبكاء

من اين جاء الحزن يا صديقى وكيف جاء
يحمل لى فى يده زنابق رائعة الشحوب
يحمل لى حقائب الدموع والبكاء