السلام عليكم جميعا ....رمضان مبارك على الجميع وينعاد على امتنا الاسلاميه بكل خير وتقدم وينعاد على بلدي الجريح بكل خير وامان امين يارب العالمين
طبعا موضوع متأخر بس يشهد الله كملته يوم الخميس ومع دخول رمضان والتسوق وكان عندي ضيوف يوم الجمعه ما لحقت انزله فعذروني
طبعا بديت قبل رمضان باسبوع سويت
اولا كبة الارز العراقيه
سلقت 6 اكواب رز مع اشويه كركم وملح وحبتين بطاطا صغار علشان ما تلين العجينه كثييير ..وفرمته بمفرمه اللحم .....وحضرت كيلو لحم مفروم حمسته مع بصل (ثلاث بصلات متوسطه ) ....وشكلت الكبه بالشكل المعتاد وهذي الصور تتحدث
وهذي العجينه واللحم واشوي مي علشان ابل ايدي وانا اشكل فيها ...وطلعتلي من هذه الكميات 60 حبه وعلى الفريزر
وخليتهم بكيس نايلون بعد ما جمدت زين
ثانيا السبرينغ رول
الحشوة عباره عن دجاج مسلوق ومفتت وفلفل حلو جوانح وبصل جوانح وجزر مبشور وبهارات وفلفل اسود ...وبعد ما بردت الحشوة زدت كميه الجبن موزاريلا
وطبعا عجينه السبرينغ رول حساسه اكثر من الكبه والسمبوسه لذلك خليتها في علبه بلاستيك وبين الطبقات اخلي نايلون علشان ما تلزق ببعض
هذا الصف الاول
وهذا الصف الثاني
وهذا الاخير .....وطلعتلي 50 حبه
ثالثا السمبوسه
سويت كيلو لحم مفروم مع بصل وملح وفلفل .....وبعد ما برد اللحم اشوي ضفت نص باقه بقدونس مفرومين ناعم ....حشيت خمسين قطعه من عجينه السنبله الجاهزة وبقى عندي حشو ....سويت عجينه بيتيه من طحين ومي واشوي ملح وطلع طعمهم اطيب من الجاهز
وهذه العجينه البيتيه.......كورتها .....ومديتها على سطح مرشوش طحين ....وحشيتها ....وقفلتها على شكل هلال وبالشوكه طبعت عليها شكل حلو
المخلل
غليت مي .....وقطعت الخضار قطع متوسطه ....جزر خيار فلفل حلو وملفوف وقرنابيط ....وبعد ما غلي المي خليتهم في المي ولمجرد 7 دقايق واصفيهم ...يعني بس تذبيل ....بعد ما بردوا ....
حضرت في برطمان كبير خل وعليه اشوي كركم وثوم مقطع حلقات وبقدونس مفروم وضفت عليه الخضار وطلع شكله وطعمه يجننن روووووووعه وخليته في الثلاجه
المكسرات
جبت لوز وسلقته وشلت قشرته ....وحمصته في طاوه على النار بدون قطره زيت ...ونفس الش يالكاجو وطلع لونهم يجنن ...وطبعا احمص على دفعات علشان كلهم ياخذوا نفس اللون ...واحسن من القلي في الزيت وسعرات حراريه اكثر
وخليتهم في علب وعلى الفريزر ....حتى لما استخدمهم ما يحتاج بس طلعيهم قبل ما تخليهم على الرز او المقلوبه بخمس دقايق
وان شاء الله نستغل الاوقات بالعباده وقراءة القران طالما جهزنا مثل هالتجهيزات ..يارب يكون شغلي عجبكم