قولو لي يا اهل الراي
طبعا انتو تعرفون يمكن اني الزوجه الثانية وزوجي من الكويت رجل كبير عنده ابناء وبنات واحفاد ولكنه مازال في سن صغيره
انا منه حامل بتوأم عسى الله يتمم علينا و ينورون ليلدنيا بس المشكله هني....
انا احبه اكثر من هلي و ضحيت بكل شي بعرس مثل الناس و بعمري كله ورميت كل شي تحت رجله قلت احبه و يحبني و الزواج هو الحل بس بصراحفاعده احس انه يوم عن يوم اللي بينا يصير تعب مب زواج
امس رجعنا من السفر والحمدلله استانسنا بس كان كثير يسولف عن زوجته وانها كانت ومازالت الاجمل بين جميع قريباته وانها تهتم بجمالها دائما وتحبه وتخاف عليه وانها فقط لا تتناقش معاه وهي غير متعلمه ..
انصدمت طبعا وابتسمت قلت عادي وايد حريم جذي جمال بس مافي ثقافه
شوي الا يقول ترى زوجتي تكرهج كره من يوم طاحت على مسجاتج بجوالي ولبت البيت جحيم .. ما علقت سكت وقلت عادي شعور متبادل
شوي الا رايحين محل العطورات يقول يبي يشتري لها عطر ...
حتى وهو يجامعني يتذكرها بس يقول انا مااشتاق لها ولما اجامعها اتذكرج في صمت
الله يخليكم تعبت قولو لي شلون اصير اقوى و اتحمل هالكلام اللي بيذبحني
حبه لأولاده و بناته واحفاده كوم وحبه لها كوم بصراحه حس انه يحبها كشكل و يحب عقلي بس تعبت تعبت الله يخليكم شاسوي شاقول
عفواً تم اجراء تعديل بسيط على العنوان
الإشراف