السلام عليكم ورحمة الله وبركاته
بونجور يا ملكات 💖💞💖
ان شاءالله الكل بيكون بخير
اليوم جايبتلكن وصفة حلويات معروفة ومشهورة خاصة بشهر رمضان
والاغلبية بحبوها والمعروف عنها انها بتنعمل اكتر شي بالفستق الحلبي
فانا حبيت غير شوي واستعمل اللوز بدل الفستق الحلبي
وطبعا ما حدا بيقدر ينافس الفستق الحلبي ان كان بالشكل او بالطعمة
ولكن لا بد من التغيير وقتل الروتين 😁😁😁😁😁

اول شي هالصورة من ارشيفي الخاص فاتفضلوا خدوا كم قطعة لكون فتت عالمطبخ وبلشت بتحضير وصفتنا لليوم



المكونات متل ما شايفين بالصورة



كوب سميدة
2ملعقة طعام زبدة
2كوب لوز مطحون (او فستق حلبي مطحون)
نصف كوب سكر
نصف كوب حليب
ماء ورد - ماء زهر

وكيلو قشطة طازة وقلوبات للتزيين (كاجو -لوز - فستق حلبي )

وقطر لوقت التقديم



اول خطوة بنحط بمقلاة كوب السميدة مع ملعقتين زبدة



وهون متل ما شايفين بالصورة بنحرك السميدة مع الزبدة ليصير لونهن ذهبي




بنرجع بنضيف السكر والحليب وبنستمر بتحريك المزيج ليصير متجانس
بنطفئ النار

وبنضيف كوبان اللوز المطحون او (الفستق الحلبي)
وبنتركهن ليبردوا



ومن بعد ما يبردوا بنرجع نضفلهن ماء ورد وماء زهر وبنعجن الخليط ليصير عنا عجينة متماسكة وبنمدها باي شكل بنريده



وبنضيف القشطة على العجينة




بما انو ما في عنا قشطة للحلويات العربية
فأنا عملت القشطة بالبيت
استعملت 4ليتر حليب سائل
و3/4كوب خل او عصير حامض




قبل ما يغلي الحليب بضيف العصير الحامض او الخل
وبنحركهن شوي
فبينفصل الحليب عن الماي وبنصفيهن
وبيعطينا هيدي القشطة متل ما شايفين بالصورة
ان كانت الكمية كافية بس بستخدم القشطة لوحدها
وان كانت قليلة بضفلها علبة ماسكربوني
بس الطعمة نفس طعمة القشطة الطازة اللي بنشتريها من المحلات

ونزينها بقلوبات محمصة على وجهها
بس انا ما كان عندي متوفر بالبيت فاستعملت الفستق الحلبي



ووقت التقديم بنرش عالوجه قطر حسب ما بنحب
مقادير القطر
2كوب سكر
3/4كوب ماء
1/4كوب ماءورد وماز زهر
عصرة حامض (بنوضعها قبل مل نطفي بدقيقتين )



وهيدا الطبق عملت قطعة بالفستق الحلبي




وانتظرونا مع وصفة تانية وكتير طيبة (حلاوة الجبن)

رمضان كريم عالجميع

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

يعمر بيتك شو حبيتك

تسلم يدك ميموميا ... جوعتيني

__________________
وهل من مصير اخر ؟

تعمر ديارك حبي كوكي بالافراح والمسرات
وانا كمان بحبك يا عسل 😚
الله يسلمك وحقك عليي
مرة تانية بنزل بعد الافطار ههههههه
تسلميلي يا ذوق💕💕💕💕💕💕

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

مش طبيعي الي عمبيصير فوق

تسلم ايديكي ميمو شكلها بيشهي تبارك الرحمن

ان شاء الله التطبيق قريبا وبخبرك بالنتيجة

__________________

يا حبي يا بكر الشيب
بعرف اللي عم يصير فوق كتير قاسي وصعب ومؤلم ودمار شامل 😭😭😭😭😭😭
لكن جربي وصدقيني ما رح تخسري
وخاصة اذا عملتيها بالفستق الحلبي بتقولي هيدي هيي اللي اكلتها بالمحل الفلاني هههههههه
الله يسلمك حبي وتسلميلي يا عسل 💝💝💝💝💝💝💝

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ماشاء الله تبارك الله روعه قلباً وقالباً

اتوقع بيكون فيها طعمه زي البسبوسة دام فيها سميد بس اكيد الذ لانه فيها لوز وفستق
تسلم الايادي ياميمو كلك فن وذوق ماشاء الله عليك
الله يحميك يارب ويهني اسرتك بهالأكلات الطيبه💜

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

ما شاء الله ولا قوة إلا بالله ..

يا سلام على الجمال والروعة والحلى الشامي اللذيذ
تسلم الأيادي ميمو وربي يعطيك العافية والقوة ...
طريقة القشطة جميلة أول مرة أشوفها
شكرا لك ...
والله يحفظك وأحبابك
وبانتظار وصفة حلاوة الجبن ، وأشوف لو طريقتي مختلفة أنزل طريقتي أنا كمان ...

ميمو مو لازم تنزلي الوصفة في قسم الحلويات

__________________

الله يسلّم هالديّات تئبريني.

ولو إن اسمها مب عاطفي أبداً.

__________________


اللهم طِيبَ الأثر .. وحُسْنَ الرحيل.

لازم القشطه العربيه ياميو ماينفع قشطه معلبه ايش الفرق

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

حبي ندى الله يسلمك يا عسل 😙
ما بعرف اذا قريبة بس الطعمة الطاغية بتكون اللوز او الفستق الحلبي لانو مقابل كل كوب سميدة 2كوب فستق حلبي
وتسلميلي على كلامك الحلو اللي متلك والك مثل ما دعوتي
وربي يهنيكي باحبابك يا رب ويسعدكن دنيا وآخرة💓💓💓💓💓💓💓💓💓

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه