بسم الله الرحمن الرحيم
السلام عليكم ورحمة الله وبركاته
الى جميع اخواني في الله في هذا المنتدى الرائع اتوقع انكم قرأتهم قصتي التي كانت بأجزاء كثيرة موجودة على هذا الرابط من بداية خطوبتي حتى فترة زواجي وحتى معرفتي بسر زوجي وابنته
http://www.66n.com/forums/showthread...9+%DD%CA%C7%C9
http://www.66n.com/forums/showthread...CA%E4%CA%E5%ED
http://www.66n.com/forums/showthread...E1%DE%D5%CA%ED
http://www.66n.com/forums/showthread...E1%DE%D5%CA%ED
بتوقع انو في اجزاء ناقصة معانتي مع البنت وامها وزوجي بس ماقدرت الاقيها بالمنتدى المهم هذا جديدي .
بعدها وبعد الاراء الكثيرة نصحتوني ان انقل القصة إلى عالم الاستشارات الخاصة وبالفعل وجدت النصيحة في هذا القسم واعتقدت ان الامور ستحل ويبقى كل شي على مايرام
مضت ايام وايام إلا ان جاء يوم احسست ان زوجي بدأ يكذب علي في كثير من الامور التي تخص ابنته وخاصة انه هو مرة في المرات على عيد الفطر شريت للبنت فساتين حلوة للعيد وقلت له انت مابتشتري لها ملابس انا اخترتلها كم فستان خلينا نروح نعطيها ياهم قبل العيد وهيك انت بتشوفها والله و رحنا وشاف البنت كان صارلوا فترة ماشافها وكانت متغيرة وطبعا هو يقول مو عارفة انو انا ابوها البنت كبرت ومابتعرف مين ابوها حسيت انو الكلام قالو حتى يسمعني انا المهم رجعنا على البيت وعدى الموضوع
بعدها بشهر كان يوم ميلاد البنت انا متذكرة راح تكمل سنة رجت اشتريت لها هدية واعطيتها لزوجي قلت خلينا نروح نشوفها ونعطيها الهدية رفض وقال مالي نفس لانو امها راح تنكد علينا قلت له ليش قال مابدها تكوني انتي معي بس نروح نشوف البنت واذا بدي اشوف البنت لازم اشوفها وتكون امها موجودة وصارت تبكي وتقول البنت صار عمرها سنة وانت ماعم تيجي تشوفها الا بالنسة مرة
بعد كلام زوجي قعدت كتير كتير مع نفسي وفكرت وقلت انا ماشفت اثبات بعيني ان البنت بنتو بس هو ادرى ومقتنع مليون بالمية انها بنتو فخليني انا انسحب بما انو ماعندنا لسه اطفال بكرا هل البنت الصغيرة راح تكبر وراح تصير تقلو بابا تعى لعندي وليش مابتظل عندي والبنت مرضت والبنت بدها تروح على المدرسة يعني انا كل ماكبرت البنت راح تكبر مشاكلي مع زوجي بوقتها عملنا مشكلة كبيرة انا وهو وانا بما اني قاعدة مع اهلي بنفس البيت امي سمعت شوي من الحديث وامي كانت حاسة من زمان من لما رجعت من السفر انو انا فيني شي بس كل مرة انا انكر واقول انا مبسوطة المهم اخر مرة امي ماصدقت وظلت مصرة تعرف شو الموضوع وانا كنت وقتها مومتحملة وبدي أي شخص احكيلو رحت وحكيت لامي كل القصة امي طعبا مابدي ادخل بكل التفاصيل لان لسه في حكي كثير جنت وعصبت وخبرت والدي وثاني يوم خبرنا اخواتو الاثنين واجو عندنا وحكيو معو بالموضوع وقالوا احنا مابنقبل بنتك بالعيلة ولا تحمل اسمنا اصلا شو بيثبت لنا انها بنتنا ومثل ماامها سلمت حالها الك اكيد سلمت لغيرك المهم بعد نقاش قال انو خلص شو بدكم انا جاهز بدكم اسفرهم انا ماعندي مانع اعتبروهم سافروا طبعا انا انبسطت كثير انو بسرعة اقتنع بس بعد ماراحو ماتتخيلو كيف صار يعاملني ومن جوا حاقد وشايل علي كيف انا خبرت اهلي واهلو القصة كان بدو ياني ظل ساكتة وصار يقلي ليش ماقلتليهم القصة كاملة ليش ماقلتلي لهم انو انا وانتي كان صاير بينا شي لهيك مارتكنا بفترة الخطبة حسيتو كأنو عم يهددني
ومن يومها نحن مابنحكي مع بعض كل شخص منا بنام بغرفة وهو يقول انا مقتنع انو هاي بنتي ومابدي اسفرها اخر اخر شي بعد التفاصيل المملة والكلام الي بينعاد كل مرة قررنا انو ننفصل لان هو ماعاد طاقني وانا نفس الشي ولما قررت هل القرار قال انا متأكد انها بنتي لاني كنت متزوجها زواج متعة لمدة شهرين كثير جرحني اكثر اكثر واناحاليا عم استخيروادعي ربي يسير لي الي فيه الله العالم اذا كنت راح اصير متواجدة بقسم عالم المطلقات بس انا كان كل سكوتي كرمال اهلي والناس والشماته
حبيت احكيلكم تطورات قصتي بالمختصر وفي كثير اشياء صارت ياريت تنصحوني وتعطوني رأيكم بالموضوع
عفواً تم تعديل العنوان ليتضح المضمون
الإشراف