السلام عليكم ورحمة الله وبركاته

عندي كذا استفسار واتمى اتجاوبوني عليهم

السؤال الاول

وش رايكم في زواج الاخ من زوجة اخوه بعد وفاة اخوه مع العلم ان ها الشخص عنده زوجه واولاد وقال ايش علشان مايضيعون اعيال اخوه وزوجته طبعا ماراح ترضى باالوضع وعافته نفسها وماعاد تبيه واولاده اخذو موقف من ابوهم فهل صح الي سواه الزوج يعني يضف اعيال اخوه ويضيع اعياله يعني اذا الواحد مره خايف على اعيال اخوه يصرف عليهم ومايقصر ويوفر لهم الي يحتاجونه مو يتزوج امهم وينبسط معها ويقول اعيال اخوي يعني ضيع عائلته واخذ مرت اخوه وعياله هذا واحد

السؤال الثاني

ليش بعض الازواج يكونون ناشفين مع زوجاتهم ومهما حاولت المره تدلعه وتدلله ماااااش مهما كان الاسلوب يكون شوي ناشف ومايدللها ويدلعها فيه بعض الناس يكون البلا من الحرمه مع اني اشوف ان الكلام هذا غلط لاني اشوف ان الزوج لما يكون حنون ولين ولسانه حلو ويكون هادي ويعرف يتحكم بعصابه تلقون ها النوع وش احليله مع زوجته وكلمة حبيبتي ماتفارق السانه هذا من الي اشوفه يعني واحد اعرفه متزوج وحده والحرمه شوي عصبيه وهو مشالله عليه مافيه زيه وانسان جدا متفهم وحليم والسانه ينقط عسل ويدلل زوجته حتى قدام الناس وماهمه احد وزوجته مشالله تبارك الله ن تسمع ها الكلام تتشقق وتنبسط والكشره من هنا لهناك ويكفي الهمس كل اشوي مناديها ماشاء الله الاهم لاحسد ويكلمها كنهم معاريس مع ان لهم 13 سنه متزوجين وهي عصبيه بس تقول لما اشوفه كذا وانا معصبه غصب اسكت واضحك من كلامه الحلو
الخلاصه اني اشوف ان الزوج هو المسؤال عن نجاح الحياة الزوجيه يعني الوحده لو تدهر من اليوم لبكرا ومافيه ماسوته له يقوم مثلا عند اهله ويزاعق عليها هنا وش تسوي بيضيع وجهها وبتكرهه وبتاخذ موقف منه عكس الاولي الي مايناديها عن اهله الابي احسن الالقاب

السؤال الثالث للحريم لو قالك زوجك الله يقلع ها الوجه او الله يكره ها الوجه وش بتكون ردة فعلك وهل بتنسين ها الكلمه =====> ماورا ماجاها اوقفت عند ها الكلمه

وسلامتكم

صباح الخير

بالنسبة للسوال الاول:

هالموضوع دارج في المجتمع ويعتمد على الحالة من ناحيةالاطفال بالدرجة الاولى لحمايتهم وتربيتهم وبتقولين انة متزوج اوكية طيب من بربيهم غير امهم ويبي لهم والي طبعا العم اولى من الغريب فازي ماقلت موضوع دارج في المجتمع


السوال الثاني:

وجة نظر انا الحياة مشتركة مابين الزوج والزوجة بحلوها ومرها

والكلمة الحلوة مو مقصورة على الرجل او المرة فصاحب المبادرة رح يحسس الطرف الاخر بمدى حبة لة اكيد الطرف الثاني يكون مقدر بعدين انا ملاحظ ان اغلب المواضيع تدين الرجل علما ان هناك زوجات مقصرات من ناحية الكلمة الحلوة والمبادرة بها وكذلك الاهتمام
ارجع واقول انها عملية مشتركة لاسعاد كليهما.

بجاوب على السوال الثالث مع اني رجل:

المراة اللي يقول لها زوجها اللة يقلع هالوجة تبي تقضب الباب ماعندها سالفة هذي الحياة فيها مد وجزر محد يعرف وش الظرف اللي حاصلة خلاة في غير مودة زي ماينقال خارج نطاق التغطية نتيجة مشكلة ما اما في دوامة ولاتجارتة ولاحياتة العامة ونتج عنها كلام غير لائق يجب انها تقدر والحياة ياما فيها وفيها بس يبي لها صبر.

وسلامتك