السلام عليكم ورحمة الله ..
هذه اول مشاركة لي في هذا المنتدى والله اعلم اني متفائله في نصحكم وارشادكم كثير ..
انا خطبني ابن خالتي يكبرني بعام واحد < انا بالسابق كنت رافضه فكرة زواج الاقارب وتقارب العمر .. ولكن استخرت ومن سؤالي عنه لقيت الثناء عليه فوافقت مبدئيا ولكن بيوم الشوفه الشرعية كان خجول جدا لدرجه مارفع راسه وشافني وماجلس الا ثواني وقام .. ولا اعطى رأيه بالموافقه او الرفض .. اليوم الثاني اتصلت امه وقالت انه موافق وقدم المهر .. انا خايفه انه مغصوب علي او مو انا في باله و قال موافق عشان علاقه امي بامه او من المجامله ، وقت الشوفه لم يراني ولم يتحدث الي لم يجلس حتى دقيقه واحده .. ماتفسيركم ؟
وشكرا 🌷

لو مو مقتنع فيك ماوافق والخجل امر طبيعي
انا يوم الشوفة الشرعية خجول نظرة لها النظرة الاولي على عجل وباقي الوقت اعد لمبات المجلس

__________________
سبحان الله وبحمده سبحان الله العظيم

وعليكم السلام ورحمة الله وبركاته
مثل ما قال لك الأخ شاطى الراحة .. والحياء في يوم الشوفة بيحصل من الطرفين (حسب تجربتي)
المهم أنكِ استشرت الناس واستخرت الله ..
أسأل الله أن ييسر لكم وأن يبارك لكم وفيكم وأن يتمم لكم الفرح على خير.

__________________

يمكن طبعه خجول
لكن مافيه اي دليل انه مغصوب عليك
الله يوفقكم

__________________
ي رب رضاك و الجنة

لاتوسوسي
عيال هالوقت معظمهم محد يغصبهم على شي
واكيد انه شافك

جزاكم الله عني خيرا .. طمنتم قلبي لأن حتى امي استغربت من سرعته وماشافني قال لا خلاص الله يستر عليها ويكفي امي اختارتها صراحة ماعجبني رده حطمني شوي

اذا متخوفة تقدرين تطلبين شوفة ثانية

واذا ماعجبك اللي قاعد يصير وما ارتحتي "بعد الاستخارة" عندك القدرة ترفضين عادي!

اهم شي مقتنعة ومرتاحة

__________________

اختلافي عنك لا يعني اختلافي معك

المشكله كنت مخطوبة قبل هالمرة وماارتحت وفسخت خطوبتي هالمرة ابوي رافض اني افسخ الخطوبة لاي سبب من الاسباب ع قولته مو كل واحد يجي يشوفك بعدين ترفضين وكمان مافي سبب قوي يخليني افسخ مجرد خوف

انت قلتي انه ابن خالتك
بالعادة الاقارب ما يطلبون شوفه وهي من حقهم
بس يتنازلون عنها لانك منهم و فيهم و خابرينك 😬
اختي تزوجها ولد عمي و لا فكر يشوفها
بعد الزواج قال لها انا اتذكرك زين من كنا صغار

انا زوجي مو من قرابتي بس يوم الشوفه ما تعدت 3 دقايق و لا شافني زين
و عادي الحياة حلوة
الوضع كله يكون فيه توتر و ارتباك من الطرفين
لذلك لا تشغلين بالك و استعدي للعرس يا قمر 😉

__________________
ي رب رضاك و الجنة

عزيزتي

لا تجاملين احد على حساب حياتك

مقتتعة كان بها.. مو مقتنعة تأني

ماعجبك الشغل السريع تقدرين تعترضين وتطلبين الموضوع يتم شوي شوي اذا يريحك

في بنات ينخطبون بالست والسبع مرات "خطبة مو ملكة" وشوفة وماتتم بقدر ربي

في حالة عدم الراحة وانشراح الصدر لاي سبب ففسخ خطوبة اهون بكثير من طلاق لاحق لسبب تافه كنتي تقدرين تتلافينه بوقت خطبتك

خلي الامور تتم بالشكل اللي يريحك

لان كل الردود مبنية على احتمالات

__________________

اختلافي عنك لا يعني اختلافي معك