صباح الخير

انا أرضع بنتي طبيعي بس من لما ولدتها يعني من سته ايام ما انام الا لما امي تصحى ..
ارضعها طبيعي ساعه او اكثر وأوقات نص ساعه وبرضوووو جيعانه واسوي لها رضعه تشربها وتنام ساعتين ..

لما تصحى ارضعها طبيعي الين اتعب وبعدها اسوي لها رضعه ..
وعلى هذي الحاله يعني تقريبا باليوم اربعه او خمسه رضعات بالرضاعة بالاضافة للطبيعي ..

سؤالي

هل هذي الطريقه صح ؟
يعني اخاف تترك الطبيعي بسبب الصناعي ؟
وهل طول الوقت بتكون الرضاعه الطبيعيه متعبه؟ ولا بس فترة الأربعين ؟

ممكن يعني اكتفي ارضعها طبيعي سته او سبعه شهور بس ..

كلموني من خبرتكم لاني والله ما انام منها وان نامت ابحث واقرأ عن عمرها وعن أشياء تخصها ...
الامومه مو سهله

__________________

الله يخليها لك يارب ..

شوفي يا قلبي ..
الرضاعة الطبيعية في بداية الأيام متعبة لك ومتعبة لها أيضا ..
لأن الحليب كميته قليلة وخروجه بالقطرة ويحتاج منها مجهود ..
أولا تاكدي إن طريقتك للرضاعة صحيحة ..
معليش باشرح أكثر بس لازم تتبعين الآلية الصحيحة عشان يسهل عليها وماتتعب ..
ضروري إلقامها الحلمة مع المنطقة الغامقة بالكامل ..
بأصبعينك اضغطي على هالمنطقة من فوق وتحت حتى تكون ضعيفة ودخليها كلها وإذا البنت أغلقت فمها بسرعة أعيدي المحاولة إلى أن يكون كامل بفمها .. انا شخصيا كنت أحط صبع واحد في فمها عشان يبقى مفتوح وبعد ما تدخل المنطقة بالكامل في فمها ابعد صبعي من فمها ..
هاذي الطريقة تسهل عليها المص بمجهود أقل .. والاستمرار على المص هو أهم سبب لادرار الحليب وزيادة كميته ..
بعد فترة الحليب بيطلع اسرع وبكميه أكثر وبتحتاج فترة أقل للرضاعة إن شاء الله ..
الحلبة يمدحونها كثير كمدر للحليب .. فيه منها بالسوبرماركت مع ارفف الشاي على شكل أكياس مثل الشاي ..
أيضا السمك والخضروات الورقية ..
حاولي ماتعطينها الصناعي إلا في أضيق الحدود عشان هي ماتتعود عليه وتعاف الطبيعي ..


برايي 6 أو 7 شهور لا بأس بها ..

الرضاعة الطبيعية دايما متعبة وماتقدرين عليها كل مرة..

في مكملات غذائية بالصناعي ماهي موجودة بالطبيعي

خليها تصير مرات طبيعي ومرات صناعي..

__________________

اختلافي عنك لا يعني اختلافي معك

الحمد لله علي سلامتك و مبروك ما جاك
المفروض ما اعطيتيها صناعي اصلا
هذا الحليب المؤلم في اول اسبوع احنا نسميه لبا لونه يميل للاصفر هو الي يصنع مناعة الطفل مدي الحياة
الالم يستمر خلال الاسبوع الاول فقط و يبدأ يختفي بالتدريج
اصبري علي الالم و خليها ترضع .كثرة الرضاعة تساعدك في التخلص من الالم كلما فرغ الثدي ينقص الالم
زيت الزيتون ايضا يخفف التورم
اغسلي صدرك بماء بارد و ادهنيه زيت و لفيه بقطعة قماش
الرضاعة الطبيعية مهمة لحماية الطفل من الالتهابات
اصبري في صالحك و صالح بنتك

__________________

انا ارضعها بنفس الطريقة اللي شرحتوها .. طبعا اول يومين ما عرفت الا بمساعدة بعدين تعلمت
وما أعاني من الم وقت انها ترضع لاني بهتم بهذا الموضوع
لكن المشكله اني اخاف دمجي بين الطبيعي والصناعي يخليها تترك الطبيعي بدري

انا شربتها اللبأ الين طلع الحليب الحمدلله وينزل لها حليب بس أرهقت ما انام الا لما يصحوا الناس
حتى نفسيتي تحت الصفر .

__________________

طول ما انت صاحية اعطيها طبيعي
خلي الصناعي بالنهار بس لما تكوني نائمة امك تعطيها منه عشان ما تصحيك و تاخدي كفايتك من النوم
طبيعي الرضيع اول شهر ما ينام باليل بعد الاربعين ينتظم نومها
المشقة ما منها فكة و الام تحتسب الاجر
اصبري و تصبري لما تبحأ تناغي و تبتسم لك راح تنسي كل التعب

__________________

طول ما انت صاحية اعطيها طبيعي
الصراحة ما اعطي الصناعي قبل الاربعين
خلي الصناعي بالنهار بس لما تكوني نائمة امك تعطيها منه عشان ما تصحيك و تاخدي كفايتك من النوم
طبيعي الرضيع اول شهر ما ينام باليل بعد الاربعين ينتظم نومها
المشقة ما منها فكة و الام تحتسب الاجر
اصبري و تصبري لما تبحأ تناغي و تبتسم لك راح تنسي كل التعب

__________________

طيب ليش ما تشبع من الطبيعي ؟

المفروض كم المدة اللي ترضع فيها من صدري ؟
والله توصل ساعه ونص وبعدها تبكي وصرت خلاص ارضعها الوقت اللي يناسبني اوقات نص ساعه كل صدر ربع ساعه
بعدين اسوي لها رضاعه

الله يكتب الأجر ... توقعت تعب بس مو بهذا الشكل الحمدلله

__________________

مبروك منفردة والحمدلله على سلامتك

تعطيها صناعي مره كثير المفروض اذا بتعطيها صناعي حدك رضعتين وحده بالليل قبل تنام علشان تشبع بس اربع يعتبر كثير وممكن تترك الطبيعي مع الوقت غير المشاكل الي تجي من وراه من مغص والالام وانتفاخات
اولادي ماعطيهم صناعي ابدا الا لما يبدا الحليب يخف ويكونو كبار بعد السبع شهور اما وهم صغار ابدا مامنهم غير المشاكل الحليب الصناعي

كل مارضعتي طبيعي كل مازاد حليبك اقطعي الصناعي وركزي ع الطبيعي بس مع الوقت بيزيد الحليب واذا حسيتيها ماشبعت اغلي لها رطب حبه ٥٠مل اعطيها لكل اولادي بس انتظري تخلص الشهر اول

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

الان اكثر يومي أرضع يعني لو ما اديها الصناعي بهذي الكميه بجلس طول اليوم حالتي حاله

الحمدلله بس

__________________