اليوم حصل نقاش جداً حاد بيني وبين زوجي بسبب إنه أرسل رساله لوحده قريبته
و الرساله كانت إنه يسألها عن رقم أبوها المريض لأنه أم زوجي كانت حابه تتصل فيه و تسلم عليه بحكم انهم قرايب و إنه ضاع منه رقمه

المهم إنه البنت متزويجه و عندها عيال و هي صديقتي و نحن دايماً متواصلين، و متأكده من أخلاقها و أخلاق زوجي و يعني مافي شي بينهم

إللي زعلني إنها اتصلت علي اليوم و تسألني: ليش أم زوجك تبغى رقم أبوي؟ أبوي مريض (هو في السعوديه من رمضان) و إذا أم زوجك محتاجه يجبيلها شي من هناك فهو ما يقدر بصراحه
أنا قلتلها اني ما أدري أي شي عن الموضوع لا أم زوجي ولا زوجي قالي شي،
و قلت إنه ما أعتقد انها تبغى شي من السعودية. هي بس أكيد حابه تسلم عليه لأنها أكيد سمعت إنه مريض

فسألت زوجي إنت ليش رسلتلها مسج من غير ما تقولي، و ليش ما طلبت مني أسألها و أجيب رقم أبوها. إنت حطيتني في موقف جداً محرج، و إنت عارف انها صديقتي و اننا دايماً على تواصل
قام زوجي زعل و قال إن البنت وقحه و قال إنه رسلها من إسبوع، ولا ردت عليه ولا على الأقل اتصلت على أمه، و يسألني ليش تجي تقلك إنتي؟؟ و إنتي أساساً ما لك دخل في الموضوع
فانا قمت عصبت أكثر،، يا سلام من إسبوع؟؟؟؟؟؟ و أنا آخر من يعلم؟ معاك في البيت طول اليوم و في نفس السرير و لا حتى خطر على بالك انك تقولي؟؟؟
قال ليش أقلك أساساً، إنت مالك شغل في الموضوع ولا يخصك،، أمي طلبت مني أجيب لها رقم أبوها الجديد في السعوديه،، و إنتي عارفه إنه عندي رقم البنت هذه بحكم انها قريبتي.

و بعدين إذا غيرانه قوليلي،، قلت من ايش أغار، هي متزوجه و أعرفها كويس، و المسأله مو مسألة غيره ولكن انك ما أحترمتني و حطيتني في موقف محرج
قلت تخيل كيف لو كنت أنا سويت كدا و ارسلت رساله لواحد صديقك بحكم إنه قريبي ولا قلتلك و بعد إسبوع يجي صديقك هذا و يسألك زوجتك ايش كانت تبغى لأنها رسلتلي رساله؟؟؟؟؟؟؟
قالي و هو معصب على الأخير والله ما أسمحلك و كنتي شفتي ايش سويت فيكي وقتها. بس المسأله تختلف لأني رجال و أعرف كيف اتصرف
قلت ما تفرق،، و نفس الشي إنت سويت الحين، و أنا مو غيرانه بس ما احترمت وجودي ولا على الأقل قلتلي بعد ما رسلتلها و حطيتني في صوره جداً سخيفه
قال أنا مو ملزوم أقولك عن كل صغيره و كبيره بس لأنك زوجتي،، و ازعلي لو تبغي تزعلي لأني ما سويت شي غلط و اسألي مين ما تبغي

الحين طبعاً كل واحد زعلان من الثاني ولا أحد يتكلم.. و أنا فعلاً مقهوره منه لأني متأكده إنه غلطان ميه بالميه
1- لأنه ما طلب مني إني أكلمها و أجيب له رقم أبوها و هو عارف اني تقريباً أكلمها يومياً
2- لأنه حتى ما قالي ( إسبوع كامل) إنه أرسلها مسج و سألها عن رقم أبوها لأنه أمه تبغاه
3- يقول عنها وقحه لأنها ما ردت عليه.، و يقول عني غيرانه و ملقوفه لازم أعرف كل شي
4- ماهو معترف بغلطته و يناقشني بكل حده و هو رافع صوته

بالله فهموني مين الغلطان؟؟

بصراحة بدون زعل كلكم غلطانين ... لكن بنسب متفاوتة ...
ومعليش ألحين قاعدة أصيح وإلا كان كتبت لك حكي مفصل ...
دعواتي لك بالسعادة ...

__________________
الدراسة مقبلة دعواتكم

إشرحيلي كيف؟؟

و اهدي حبيبتي

الموقف هذا المفروض ماينتهي الا باتفاق يرضي الطرفين
رايي ان تصارحينه انه اذا كان يشوف انه مو مفروض يقول لك
كل شي .. اجل من باب اولى لايزعل بعدين لاخبيتي عنه شي

اذا ما اعجبه الراي هذا قولي له اذا ماكن مايبغاك تخبين عنه شي
من باب اولى هو مايخبي عنك خصوصا انه ماراح يضره شي
لو قال لك ..

__________________



احيانا يجب ان نفقد ذواتنا كاملة لكي نستعيدها كاملة ...

يا الله ليه الجدل ليه

ما عمل شي مسج وارسله وطلب رقم تلفون لابوها

اهدي انتي وياه

عصب وطلع منو كلام وعلت الاصوات ودخل ابليس عليكم

انا اتصل باقاربي واتكلم معهم لاي سبب كان ولسست مضطره انو اعطي زوجي كشف حساب بكل تصرف

زوجك طلب رقم تلفون بناء على طلب من امه وليس لك دخل انتي في الموضوع

اقري آية الكرسي لك وله والمعوذات والصمد
ولا تحاسبيه على كلام قاله بلحظة عصبيه والشيطان بينكم

__________________
http://live.gph.gov.sa/
اللهم اني استودعك اولادي

أنت المخطئة
هو طلب منها رقم هاتف و اتصل بها على أساس أنها قريبته و هو يبحث عن رقم أبوها ، لكن كان الأحرى به أن يطلبه من زوجها
أنت مخطئة لأنك كبرت القضية و كسبت إغضاب زوجك و بالتالي زيادة غضبك ، وفوق هذا كله غضب الله عليك
ما قالك من أسبوع لأنها قضية لا تستحق أن يفتح عليها نقاش كبير حتى هو أهملها
معه حق إلى حد ما في وصفه لقريبته لأنها ماردت عليهم وزرعت بينكما الخلاف
نعم أنت تغارين على زوجك لأنك تحبينه و هذا من حقك ومن حقك أيضا أن تعرف كل شيء / لكن أعذريه لنسيانه

هو رافع صوته عليك لأن الشيطان يحرك فيه كما حركك أنت وذلك ابتغاء زرع الشقاق بينكما / لأجل شيء لا يستحق

عليك بامتصاص غضبه و الاعتذار منه كي تسبقيه إلى الأجر و الغفران

__________________

	رأيي يحتمل الخطأ

ما تفرق عنده قلتله ولا خبيت عنه شي،،
بس أكيد كان حس بموقفي لو كان سمع عن شي يخصني من برا و أنا جنبه كل يوم و ما قلتله شي

طيب يا غالية .. بالاسلوب الغير مباشر
تقدرين تخلينه يراجع نفسه والكلام الي قال لك

تعاملي معه بشي من الرسمية (كتعبير غير مباشر عن زعلك)
واذا فاتحك بالموضوع قولي كل الي طلبته انك تقول لي انك
ارسلت لها فقط .. مااتصور انه شي ثقيل ..

هالحكي بكل بساطة يحرجه .. واكدي له انك يهمك
هالموقف يمر بدون مايترك شي بنفسك او نفسه

__________________



احيانا يجب ان نفقد ذواتنا كاملة لكي نستعيدها كاملة ...

والله العظيم أنا ما عندي أي مانع إنه يكلمها أو يرسل إن شاء الله مية مسج
لأنه زوجي و أعرف أخلاقه و واثقه فيه

بس على الأقل كان يقولي إنه رسلها مسج لأنها صديقتي و نتواصل تقريباً يومياً
يعني لو كانت وحده ما لي أي علاقه فيها ما كنت زعلت بصراحه لأنه مالي شغل فيهم

حتى أنا اتصل بأقاربي ولا اقوله شي لأنه شي عائلي و لأنه كمان ما يهتم
بس لو واحد من أقاربي كان صديقه اللي يتواصل معاه يومياً كانت تفرق بصراحه

أعوذ بالله من الشيطان الرجيم
والله العظيم زعلانه و واصله حدي

عجيب وغريب امركما يالله مشكل ما يستاهل كل هذي التصعيد والحين كل واحد غاضب على الثاني وينتظر اعتذار وما تعرفوا ولا دريتوا ان الاول اللي يبدا بالسلام والكلام الحلو هو صاحب القلب الكبير والا كيف تتصرفوا مع المشاكل الكبيرة في المستقبل
خذيها نصيحة مني وتعوذي من ابليس اللعين وما تكبر الموضوع