السلام عليكم ورحمه الله وبركاته
اول مشاركه لي في هالصرح اللي افادني بعد الله بشكل كبير

مشكلتي زوجي .. انا متزوجه من سنه ونص من شخص طيب ومحترم ومحاسنه اكثر من مساؤه لكن عجزت احصل حل ل تطنيش زوجي مثلا هو مسافر له اسبوعين ل جده دوره عمل ولافكر لااتصال ولاسؤال ولاحتى رساله اشوفه متصل بالواتس واساله ومطنشش .. تعبت من هالوضع ارسلت له وانفجرت فيه ولارد علي ابد .. مر شهر ولابيننا كلام ولاشي لحد مارجعت واعتذرت له مابي تكبر الفجوه بيننا اكثر قلت انا اسفه رد ع طول قال انا اللي اسف .. ياناس هو عنده كبرياء وعزه نفس مستحيل يعتذر مهما حصل
انا بالجامعه ادرس اخر سنه ولازم اركز بالاختبارات بس هالشي منكد علي موترني ماقدر ادرس اتالم من طبعه الجاف احيان كثير واتصل عليه مايرد او يقول كنت مشغول .. يعني مشغول ومتصل ع الواتس مشغول ويشارك بتويتر وغيره بتقولون اثقلي ثقلت ومافاد معه بالعكس يعاند ويثقل ويبعد اكثررر قريت عن انماط الشخصيه طلع شمالي .. يقول اغليك بس كلام افعال مافيه .. وشش الحل نفسيتي مره متازمه يمكن لان ماعندنا اطفال فتعلقت فيه بشكل جنووني وهذا غلطي لان عارف مكانته بيقول لازعلت مصيرها ترضى لانها تحبني و.و......الخ

شاكره لكم جميع

الله يرزقك ياقلبي بالذريه الصالحه اللي تسعد قلبك ويهدي زوجك ويسخره لك يارب
اختي ترى اغلب الرجال كذا مايسالوا اذا سافروا انتي لاتزعلي بسرعه عشان مايمل منك ويقول هذي كل شوي تزعل ارسليله رساله في كلمات حلوه واسالي عن احواله واتركيه واكيد هوه حيرد حتى لوبعد فتره على رسالتك والحمدلله انتي اخرسنه بالجامعه وكلها كم اسبوع ان شاءالله وتتخرجي وتروحي مع زوجك كل دوراته فﻻ تازمي نفسيتك والله يوفقك يارب

__________________
اللهم فرج همي

لاطبعاً ليه يعرف مكانته عندك انتي تحبينه آيه لكن التطنيش والتهميش الي حاصل
هو مو عارف ايش تسبب في قلبك
تسبب شرخ كبير بينك وبينه وانتي خلاص معاد فيك مشاعر تجاه تعطينه اياه
لازم في الحياة الزوجيه يكون فيها تبادل بالمشاعر واذا مااعطاك مثل ماعطيتيه طبعاً انتي بتكرهين تعطينه
ومشاعرك الجميله تجاهه وفريها لعيالك

الله يكون بعونك

بس اتركيه واهتمي بدراستك حبيبتي وخليه ع راحته احيانا الزوج مايحب الزوجه اللحوحه اللي ترسل كل شوي وتعاتب طنشي عالاقل حتى تجتازي الاختبارات بسلام

والله يسخره لك ويفرح قلبك بالدريه الصالحه

الله يسخر لك زوجك ويرزقك من حيث لا تحتسبين
اختي عليكي استعمال المد والجزر والشد واللين حاولي بان تغوصي الى داخله لتعرفي ما سبب عدم اتصاله واستدراجه بالسؤال بطريقة غير مباشرة لتعرفي كيف يفكر عندما يسافر او يبتعد لان لكل رجل تفكير يختلف عن الاخر فتجدين من يكثر من الاتصالات ومن يفضل عدم الاتصال عندما يكون مشغول لكل له شخصية حاولي ان تفهمي شخصيته لتعرفي كيفية التعامل معه وما دام لا يتصل لا تتصلي وجربي ردة فعله
الله يرزقك راحة البال والسعادة ويزرع حبك في قلب زوجك
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

مرحبا ..
حبيت اشارك لانه ماينفع يدخل رجال الموضوع وماينقل صورته او اقلها وجهة نظره ..
وانا متبني مبدأ الصراحه في كل مشاركاتي الحمدلله .. وخااصه في المتزوجون ..
لان بجد نبغى نستفيد ونفهم الطرفين ( الرجل - المرأه ) اكثر ..

بالنسبه لموضوع الاعتذار .. نصيحتي لا تنتظري اعتذار شفوي ولا يكون عندك بهذي المكانه من الحرص ..
اذا جا الاعتذار الشفوي اهلا واذا ما جا اعتبريه تحصيل حاصل ..
الاهم <------
ان يعتذر الرجل بالفعل ..
وانا اكلمك هنا بكل صراحه من ناحية عدم الاعتذار يمكن يكون زوجك اهون مني في هذا الموضوع
انا بصراحه يشكل لي الاعتذار معضله لاني ما اتذكر اني اعتذرت بلساني ..
وكانه شيء صعب اتلفظ فيه .. ومايخرج مني ..

لكن اتأثر واراجع نفسي واغير تصرفي ويعلم الله احيانا اتندم ندم شديد ..
واتغير .. وكل هذا بيني وبين نفسي وبدون ان اعتذر باللفظ ..
واعتذاري دائما يكون بشكل افعال ..
والمسأله مو تكبر او شوفة نفس .. او شيء ..
لكن ما اعرف ايش اسميهآ ..

بالنسبه لتعلقك بزوجك ..
انا ما الوم الزوجات يعني من حبها وشدة عاطفة المرأه تكون متعلقه بالزوج
لكن المشكله هي انها تحرص على الزوج بزياده .. تسعى وراهـ .. تجي على نفسها بشكل كبير ..
تتجاوز عن كثير من اخطاء الزوج .. تكتم كل شيء في قلبها وماتجرب مجرد محاوله انها تصارحه ..
تخاف عليه الزوج يمثل لها كل شيء . مثل ما قالت الاخت الفاضله : المتفائله بالله 35 ..
ان بعض الزوجات تجعل الزوج هو اساس حياتها حتى اذا غاب غابت الفرحه ..
واذا حضر يحضر معاه كل شيء !!
والمشكله لو ان هذا الاسلوب مجدي ... لكانت الزوجه تمتلك الرجل امتلاك عجيب
وكان الرجل لا يستطيع او يفكر في الابتعاد لدقائق ..

لكن الامور وسطيه ...

او نجد .. امرأه .. زوجها محب لها وجيد ومحسن وكل شيء ..
لكن هذه المرأه بعيده او غير متفهمه ولا تستطيع اشباع عاطفته ..
وغير مدركه او واعيه لما يحب .. ومنشغله عنه حتى في بعض واجباته
ولا يوجد بينها وبين زوجها اي ارتباط عاطفي مع اهميته في الحياه الزوجيه
.. الخ

الافضل دائما الوسطيه ..

وجميله العباره في مشاركة ( mimomea )
المد والجزر وشيء من المد واللين ..

واذا تحبي تسألي او شيء حاضر

والله
اعتقد الرجل مايهمل زوجته اهمال شديد الا اذا كان في شيء كبيرررر شاغله
اما هموم عائليه او في العمل وهذه راح تعرفها الزوجه
اذا ماكانت موجوده ف اعتقد وجود امرأه اخرى

مدري انت معي اخي ( ابو عقيل الهاشمي ) او لا بهذا الكلام؟"؟
لانه لو ماعنده مرأه اخرى اكيد ماراح يهمل اهمال شديد
ممكن بس مايتصل كثير يعني يتصل مره باليوم يتطمن وبس مايعبر عن حبه الا نادرا
اما الاهمال بالايام هذا مشكوك في امره خصوصا اذا كان في سفر او ماكانت زوجته ساكنه معه

هلا بك خيتي قانعه . لا يعني صح المؤمن فطن لكن يبعد الشكوك حتى بالذكاء والفطنه يكتشف شيء يعتبر دليل .. اما الشكوك يدخل فيها ابليس ومع غيرة المرأه وخاصه ان الموضوع لا سمح الله قد يصل للتفريق وهذا احب عمل على قلب ابليس ..

والاسباب كثيره مو شرط وجود امرأه او خيانه ..
والله يعلم ايش هي الاسباب ..

بشكرك من كل قلبي

اخي ياريت دايما تتحفنا بمشاركتك .. دايما بستفيد من مداخلاتك .. لان المرأة بحاجة تفهم الرجل كيف بفكر

الله يجزيك الخير

العفو .. وان شاء الله استحق دا الكلام ..
وان شاء الله نستفيد ونفيدكم هنا ..