السلام عليكم ورحمة الله وبركاته
أسعد الله مساؤكم / صباحكم
معاناتي طويلة جدا منذ قرابة سنتين وانا أتحمل مالا يتحمله غيري طبعا كلانا في بداية الثلاثينات ولدي طفل فقط الحالة المادية كانت قبل ثلاث سنوات سيئة الآن بفضل الله من أروع مايكون
لا أعرف من أين أبدأ لكن سوف ابدا من حيث توقفت معها وذهبت بها بيت أهلها وسفرها لعدة أيام مع اهلها زيارة لاقاربهم
كنت اعيش ع كلمة غسل وهذا وسخ وهذا لاتلمسه والدولاب مو نظيف وكنت لآ اسمع لها نهائي سواء دولاب وسخ أو غيره اقول متى ماصار وسخ نظفيه أو انظفه انا بس لاتعكري مزاجي بافكارك طبعا
وتعدا الأمر إلى ابني أراه ببكي من الغسيل وكذلك وجودها بالدورة المياه قرابة 3 ساعات وإحيان ساعة
والمنظفات والمطهر التي تخنق زاد الهواش ورفع صوتي عليها لاني كنت أحاول أحاول أحاول تذهب لعيادة الوسواس القهري لحل المشكلة إلا أنها ترفض وكذلك زيارتها الكثيره لبيت أهلها ب الأسابيع تجلس واتصالي دائما لأاخذها وترفض أحيان ..بدون سبب .
بعد مكالمتي لأمها واختها دون فائدة
ذهبت لاخوها يقنعها تروح ( إلا أنه راح وقال ترا زوجك يشتكي منك وانا كنت أبيه يقول روحي عيادة وبس )
المرة هذي تغير الحال من تاريخ 14 / 8 ببيت أهلها وحتى الآن طبعا طلبتها ترجع تقول مايحتاج انت تهاوش قبت اهاوش من اللي اشوفه منك اتعب منك وانتي ماتبي له حل ورحت اعطيتها مبلغ قلت روحي أكبر عيادة يومين كلمت ماترد اتصلت ع أمها مسافره قلت كيف زوجتي لوحدها قالت معها خواتها قلت زين رجعت أكلم زوجتي حكيت أن لها 8 أيام عن بيتها تعالي بيتك انا لوحدي وأمك وابوك مسافرين تعالي معاي واوديك العيادة رفضت وقبت ماراح ادخل معاك العيادة رفضت .. تقول بجلس انا هنا قفلت ماصرت اشوف جلست اقول انتي ماتبغي تعيش معاي اتا تعبت منك ومن تصرفاتك ايش قصرت فيه معاك بدون سبب لا وبس تبين أطلق بطلق بس لاتحسب علي كلمة متزوج وانا أساسا مو متزوج جالس ببيتي . قفلت إلا أمها تتصل
هد أشوي انت تبيها تتحسن تعاملها كذا قلت طلبتها تجي معاي ترفض ليه ترفض بدون سبب
وتاريخ 10 / 9 رحت بقابلها احكي معاها طلع ولدي وابوها بس قال زوجتك تبي تقابل أبوك !! ابتسمت قلت خير وبركة ماعندي مشكلة
تقريبا 17 / 9 رحت معاه حكيت
طبعا اللي يبي الوالد مين ؟؟ أبوها ماهو هي
قلت ايش المشكلة اللي صآيره قال انت تهدد بطلاق وتكلم فيه مايصير كذا رديت عليه لو زوجتك أم أولادك تغيب عنك أسبوع أو أسبوعين ولا حتى تتصل بترضى ؟؟؟
خلنا واقعيين انا ابحث عن استقرار لنفسي ولبيتي مو استقرار ببيت أهلها وانا رايح جاي ؟ معاد رد
قال انت تضربها؟ انصدمت يوم قال تضرب !!
قلت لا مااضرب ولا إرضا ع اهلي وأختي تضرب كيف انا
قالت يمسكني بقوه قلت ايه من الغسيل اسحبها أو اضغط عليها .. طبعا حكيت لو انتوا في بالكم أن هذا ضرب انا اعتذر منكم ومنها . انا ادخل احصل البيت اختنق بكل شي آموت منه إلى متى انا تعبت تعبت حيل وكلمتكم مافي فايدة قال رحت تشتكي لاخوها قلت ماشتكيت لأهلي اشتكيت لأهلها يساعدوني فيها ..

وقال مصروف ولدك ولبسه ليه مآ تشتري له البنطلون ب 700 أو 600 ؟؟ ليه ترفض قلت انا اسدد وأقارب بكره يكبر يحصل أبوه موفر له كل حاجه بيت سياره كل شي يبيه له
مو أمور تافهة انا قبل 3 سنوات راتبي 2000 محد ساعدني إلا ابوي . قال مقدر اقول حاجه إلا حنا نشتري له قلت لا تشترون له شي انا اشتري له ولبسه مو أقل من غيره .

انتهى الموضوع ..

طلبتها ترجع قالت لا !!
ثم بدأت تقول ودي ارجع نسافر قلت ارجعي سكتت

انا منتهي امري حاجز تذاكر وكل حاجة لكن شفتها مارجعت معاي رحت كنسلت كل شي مدري وضعي صح ؟







تم تغيير العنوان ليتناسب مع المضمون

ليه تكنسل
بلغها بنيتك بالسفر
واجلس معها وصف اموركم

هي مريضة وسواس وصراحة مدة سنتين طويلة اعرف ناس جاتهم عالحالة بس انتهت بعد فترة
لازم تراجع دكتور كذا مرة ماينفع وضعها تتعب نفسها واللي حواليها

معليش اخوي زوجتك مريضة بالوسواس القهري
لا تلومها يابعد راسي انت ..انت ماقصرت وبيض الله
وجهك وفيت وكفيت الي عليك الان انك تهدي شوي
لان منقشك لها يزيدها سو في والله الامر مو بيدها
البنت مريضة ..الي عليك الان انك تتركة لمدة شهر وقبل لاتتركة
عطها مصروف لها وللولدة واقطع اتصالك عنها خلها ترتاح
وتشتاق اذا دقت عليك رد عليها بمعسول الكلام ولا تجيب طاري
الرجعة واذا رجعت ان شاء الله لا تحاسبها علي اخطائها
وحتضنها وحتويها وخلها تشعر بقربك
وترى نص العلاج البيت واذا حسيت انها ارتاحت
خذها لطبيب نفسي وتابع علاجها بدون عصبية
والله يوفقكم يارب

هذا وسواس قهري

ربي يشفيها ويعافيها

عندنا مريضة بالوسواس القهري ونفس الوضع اللي تتكلم عنه بحذافيره..
أخوي أنت مأجور من الله خير على صبرك عليها... ترى اللي فيها مو بإيدرها،،وزعلك منها يزيدها،،ولا يعالج شي أبدا وهي بهذا الحال..

أهلها موقفهم سلبي جدا جدا جدا في حل الموضوع،،أعتقد ﻷنهم عارفين مشكلة بنتهم ووضعها صعب وحله مو سهل ،،لذا حسيت إنهم تفرعوا لمواضيع أخرى ،،غرضهم يشتتونك ويضيعون مشكلة بنتهم اﻷساسية....
برأيي أمامك ثلاث خيارات
ﻷن مشكلة الوسواس مو سهلة أبدا إما إنك تصبر وتؤجر،،وهذا الحل صعب مو سهل...لكنه يسهل إذا ابتغيت اﻷجر من الله وحده..
أو
تتزوج ثانية،،،،مع عدم تطليق زوجتك،،،ثم تعيدها لك بعد شفائها...مع اﻹعتبار أن زواجك سيؤثر عليها والغالب سيكون سببا في تأخر في شفائها (لا أعلم الغيب)وكل شي بيد الله..
أو
تطلقها.... وتشوف حياتك،،،وهذا حقك...ﻷن الحياة مع مريض بالوسواس القهري تمرض اﻹنسان السليم..

أبيها ترجع عشاني مو عشان سفر

هي الآن تراجع جلسات
والله يعين

كأني مايل جنب رأيك
لكن السفر متردد فيه

لا أن شاءالله أنا زوجه وحده وزين تزوجت أن شاءالله الثانيه من الحور ..
والطلاق مو سهل باللي يفكر بطفله ومستقبله مهما كان .