حبيت اطرح مشكلتي بينكم و أتمنى ألاقي الحل عندكم
بإذن الله إنها تكون مشكله مو كبيره بس بالنسبه لي تهنمي مرررررررررره

انا بنت متزوجه من شهرين تقريبا زوجي ولله الحمد إنسان طيب و يحبني .. مشكلته متقلب جدا !! مره

يكون مشتاق لي و يكون جدا لطيف معايا و أغلب الأوقات ما يبين لي اهتمامه فيا كأنه مطنشني أحيانا

احسه مشغول عني يعني نكون جالسين سوا ما يلتفت لي اذا اتكلمت يرد عليه و اذا ما اتكلمت يجلس

ساكت يا يتفرج ع قنوات الكوره يا يتابع فلم و انا ولا كأني جنبه كويس منه إذا اتكرم و حط يده ع كتفي

مهما سويت ما يعلق أببببببببببببدا في بداية زواجي كل ما اسوي حاجه ينبهر فيها و ينبسط لما يشوف

نظافتي و اهتمامي بكل شي و أول حاجه اهتمامي نفسي((مع إني ما احط في بالي إني أكون كذا

عشانه وبس لأ عشان نفسي كمان و أصلا أنا متعوده ع كذا)) مع الايام مدري ليه اتغير ما سار يلفت انتباه

ولا شي .......... جربت مره و عاملته بنفس اسلوبه طنشته سار يهتم و يدور رضايا وللأسف بعد فتره رجع

يطنش حاولت أطنشه مره ثانيه قلت يمكن يرجع زي اول بس ما في فايده ...........

إيش اسوي ؟؟؟؟؟؟؟؟؟؟

يمكن عنده مشاكل بالعمل او غيره وانت ماتدرين...

__________________

اغلب الرجال بها الطريقه راح تعووويدين

بس لاتسوين مثله وتطنشيه كوني افضل منه راح يرجع ويحاسب نفسه ويشوف الفرق

ربي يسعدك

__________________

بكل بساطة الرجال الريآكشن حقهم مو قوي
يعني حطيتي يدك على كتفه ..لا تتخيلي ردة فعله مثلنا نحن النساء
بنقول ياعمري انت احلى شي في الوجود اتصدق ,,,الخ الخ لق لق
هو بكل بساطة مشغول بالبرنامج اللي يتابعه
هذا لا يعني انه لا يحبك
بالعكس بما انه يعبر عن ذلك بعض الأحيان و التي يكون فيها رايق يعني انه يحبك دوما و ليس لحظتها
اسعدي باللحظات التي يعبر لك فيها عن حبه و اعذريه وقت ما يكون لاهي عنك فالدنيا مشاغل و هكذا
أختي لساتك عروسة جديدة و الآن انتم بمرحلة اكتشاف بعضكما
نصيحتي احكمي على زوجك (الرجل عموما) من افعاله ..يعني كرمه معك طيبته ,,معاملته الجيدة و الخوف عليك
هذا أكبر تعبير عن الحب..

__________________

والله كأنك تتكلمين عن حالتي تماما ... وأتمنى نستفيد أكثر من الأعضاء والعضوات الموجودين


الي لهم خبره في الحياة أنا معاك بنوته ..مشكلتي نفس مشكلتك وأذكر بعض من الأمثلة الي


تحصل معي أنا أيضا أحيانا أكون جالسه معاه وماكأني موجوده ولما أعلق مايركز معاي كثير ولو


كانوا أهله موجودين تعالوا شوفوا الجو التفاعلي والحماسي بصراحه أنقهر بنفسي


ومثال ثاني : مره طنشت زوجي وجلست ساكته يوم كامل قالي وش فيك ماتتكلمين ... قلت ماعندي


شيء أقوله والله صدقني ومشت عليه وأنقهرت أيضا بنفسي


ومثال ثالث : لما أكون معاه في حديقة ماأحس أني خرجت .. نجلس ساكتين ومايفك معي أي سالفه


ومايتحمس على الخرجة معاي وأحيانا نرجع


مثال رابع : مايعبر لي عن مايحدث له وان سألته أخبارك مع العمل وهكذا ؟ يكتفي فقط بالحمد لله وبس



وأقول في نفسي معقول مايعبر لحبيته الي تحبه وتخاف عليه وأشوف الرجال ولا هامه أصلا



لاتقولون انت ماتسأليه وماأدري والله ساعات أقول ماأدري لهالدرجة مالي أي أهميه عنده ماكأني


زوجة تشاركه الهموم والأفراح .... مايهمه رأي وكلامي وأقفل مره من نفسي وأزعل وهو مايدري


يعتقد إني أسعد إنسانه .




فأختي بنوته أنا أضم صوتي إلى صوتك ونشوف الأعضاء والعضوات الي هون يمكن نجد حل ؟


أو أنا وخيتي بنوته مبالغين شوي وهذي هي شخصية الرجل الي بعد مافهمناها ونتمنى نفهمها



أرجوا كل من يدخل الموضوع يرد علينا ولو بكلمتين ....




أعذوروني على الأخطاء والأسلوب الركيك ... كنت مستعجلة في الكتابة.







أختكم : مرور

ياقلبي كذا الرجال كلهم تجيهم حالات يتقلبون خخخ

لاتحطي ببالك اشغلي نفسك مارسي هواياتك عشان ماتفكرين بهالشي

والرجال مو مثلنا مهما بلغت رومانسيتهم

الله يسعدك