السلام عليكم ورحمة الله وبركاته

كل عام وانتم بالف خير ... ورمضان يجمعنا عالخير والسعاده
ورمضان كريم...

انا اليوم جتني فكرة عمل برنامج لشهر رمضان ويشمل طبعا الاكلات الرئيسية .. والحلويات .. السلطات .. المقبلات .. العصائر
لمدة 30يوم يعني طول شهر رمضان

فوائد هذه الفكرة : انها تريح ست البيت وماتخليها تحتار شو بدها تصنع فطور

طبعا انا جهزته لهذا المخطط وجمعت كل كتب الطبخ والحلويات والمعجنات اللي عندي بالبيت واقتبست منهم كل انواع الاكلات اللي زوجي واولادي بيحبوها ..

وكل برنامج يختلف عن كل اسرة حسب ذوق افراد الاسرة وطبعا لابد من وجود اكلات محبوبة عن معظم الناس....
احب اسألكم اخواتي هل في حد اجته وطبقها في شهر رمضان ؟... كيف كانت ؟هل انتفعتي منها؟

وياريت اللي عندها اكلات حلوة وشعبيه تذكرها ... ممكن تنفع غيرها ومن ضمنكم انا
ايش رأيكم نتشارك ونساعد بعض بصنع هالبرنامج للي حابين يعملوه

استنى ردودكم...... اختكم :ساندريلا حبيب

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

تم نقل الموضوع الي هنا


مكانه الانسب

__________________

نعم يا أختي لقد اتفقت أنا مع زوجتي على أن نطبخ يوم بعد يوم على نكثر الطبحة حتى تكفي لمدة يومين حتى يتسنى لزوجتي ختم القرآن على الأقل ولو مرة ولقد اتفقنا أيضا أن لا يزيد الطعام عن صنف واحد بالإضافة إلى بعض المقبلات الخفيفة حتى نضل خفاف ونشيطين لأداء صلاة التراويج والقيام لصلاة الفجر بنشاط ..............

__________________
[rainbow]اللهم إني أسألك الجنة ونعيمها
وأعوذ بك من سخطك والنار[/rainbow]

كل رمضان اعمل ورقة وورد فيها اكتر من 30 نوع طبق رئيسي وسلطات وشوربات
بشكل عام انا في رمضان لا يوجد شيء زيادة عن الايام العادية

فقط احيانا اعمل سمبوسك يعني بس مش بتلك الكثرة كل مرة يكون عدد بسيط لاجل خاطر زوجي وبنفس الوقت يكون صحي

والمختلف انو كل يوم شوربة و عصير

فقط لا غير يعني مثال

اي يوم عادي

ممكن نتغدا

ملوخية ودجاج ورز وسلطة

في رمضان ممكن ازود الشوربة والعصير واحياانا السمبوسك فقط

والحلويات مش كل يوم ابدا

لاجل صحتنا طبعا و صحة زوجي لانو السكر وراثة في العائلة وزوجي عاشق سكريات

فبخفف من اول رمضان ماعودته كل يوم حلويات حتى ماياكل سكر كل يوم

مع انو احيانا يغدر فية ويطلع ياكل حلويات ويرجع لكن اكشفه سريعا

من رايي كل وحدة تكتب 30 طبخة رئيسية و شوربات وهيك

فقط لاختصار التفكير والوقت والحيرة واستغلال الوقت في امور اهم

__________________

رمضان هذا لم اكتب شيء

لاني شاهدت الكثير منا لوصفات الجميلة
وحفظتها في المفضلة

اضافة انو الطبخ كثير ومابحتار الواحد صحيح بالايام العادية بحتار جدا

لكن بكون ملانة من الطبخ

اما في رمضان بكون متشجعة عشان صيام وبدي ارضي زوجي مع انو مابهتم بالطبخ كتير لكن بقول خليه ينبسط


اكتب لكم عدد من الطبخات الاولية المعروفة للجميع



فتة
مقلوبة
مسخن
صينية بطاطا بالكفتة
صينية بطاطا بالدجاج
رز بالخلطة و بجانبه دجاج
ستيك دجاج مع بطاطا مثلا او رز او مكرونة
مكرونة بالباشامل
مكرونة عادية
معجنات
او بيتزا
يوم منوعات يعني كبة و سمبوسك وبطاطا و مقليات تنويع
يوم كبة بالصينية لانو عملت كبة وطلعت لزجة وصعبة التشكيل فقررت احالتها لان تصبح كبة بالصينية
بازيلا وكفة ورز
رز قدرة (اكلة فلسطينية زمان جدا لم اقم بطبخها)
ستيك لحم وتوابعه
ملوخية بالدجاج
شاورما
كفتة بالفرن و معها خضار
كبسة
رول الكفتة المحشي بالفطر و الجبنة الموزاريلا سهل وسريع ولذيذ
كشري
مندي
سمك فيليه او عادي
ورق عنب ومحشي كوسا او باذنجان او فلفل
مسقعة مع اني لااحبها كثير
فاصوليا
ششبرك
فلافل وفول وحمص لاتتعجبو عادي والله حلوين وتغيير مش لازم لحمة كل يوم




29 طبخة معروفة اغلبها ولاتحتاج تفكير كثير لتذكرها
ولو حتبحثي في الانترنت
ومواقع الطبخ ومنتدانا
لاكلات مبتكرة
اعتقد الخيارات هنا تصبح لانهاية لها


ريحتكم من المنيو

__________________

ما شاء الله عليكي يا ملك شادي
كل هالطبخات بتعرفي تطبيخها
لا تستغربي من كلامي لاني قرب زواجي
وانا ما بعرف اطبخ غير مكرونه يعني لو اجا رمضان علينا
ابصر شو بعمل في
نفسي والله اتعلم بس ما الي طول بال على المطبخ
بالك بكرا بعرف اطبخ
زيك
الله يسعدك ويهنيكي انت واختي سندريلا حبيب
على موضوعه الرائع بالشهر الفضيل

__________________

نور الاسلام عادي حبيبتي بتتعلمي
انا كيف بطبخ فكرك؟
عادي الواحد بكون عارف المقادير وبطبخ
واحيانا بكون ناسية بقرا المقادير من الدفتر
او وصفات من النت
يعني بسيطة بس اول مرة الطبخة ماتزبط تمام تاني مرة مفروض تزبط
وانا امي سافرت مرة شهرين وانا كنت الكبيرة وضليت اطبخ واتعلم
انت جمعي الوصفات في دفتر او اطبعيها
خاصة الطبخات الاولية المهمة زي الملوخية والبامية
وهيك
واعملي دفتر او كتاب خاص
وطبقي

ويعني شفتي هادول الطبخات عادية لو شفت اي طبخة عالنت بطبقها وتزبط
يعني القصد انو عالم الطبخ مفتوح والطبخات عددها لانهائي وبضلك تطبخي طول عمرك وتتعلمي

مبروك مقدما

__________________

ماشالله عليكي يا ملك شادي ما قصرتي ابدا وتقريبا في من الاطباق اللي ذكرتيها عندي
وبعدين لاتفكرو ا انه انا بفكر فقط بالاكل برمضان انا حابه فكرة الجدول حتى اقدر انظم يومي
يعني اقدر اقرا القران و اصلي وانجز اي عمل بالبيت وانا عارفه شو فطوري
وبصراحه مو كل يوم حلويات او مقبلات ولو كان بيكون 4-5حبات على قدي انا وزوجي وبنتي وابني الصغار
حتى كل يوم نوكل شيء طازة او بالاحرى والاصح ما نكب اكل

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

اهلا فيكي يا اختي نور الاسلام الف مبروك مقدما وبصراحه
قلبي عليكي بس ان شاء الله حتصيري اشطر مني بالطبخ انا كنت هيك لما تزوجت ما كنت اعرف اعمل شي الا اسلق بيض .. يعني انتي على زمني شاطرة لسه بتعرفي تعملي اشي اما انا كنت ولا اشي بس
لما صرت امشي عالطريقه بشكل صح لاي طبخه وتعلمت من اللي حوليه والله وصرت
والحمدلله اكلي محبوب ...
وبالنسبه للجدول اذا عندك افكار اخرى حلو انك تعطينا

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

فكرتك حلوة وبرضه احسن حتى يكون راحه لست البيت
شكرا لمشاركتك

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).