السلام عليكم ورحمة الله وبركاته....
اخواني انا عضوه جديده ..لقد اطلعت على هذا المنتدى واعجبني كثيرا واحببت ان اعرض مشكلتي عليكم لعلي اجد الحل او المواساة على الاقل ..لااطيل عليكم سأبدأ بقصتي
اكملت الان سنه وشهر من زواجي ولم احس بطعم للسعاده مع هذا الزوج اتعبني كثيرا ساذكر لكم مايتعبني فيه على شكل نقاط حتى يسهل علي الطرح:
_ اول شي تاعبني فيه انه انسان كتوم مره لدرجة اني مااعرف شي عن شغله عن اصدقاءه لما اسئله عن اي شي يقول مو شغلك ولا يتكلم معي ابدا في البيت الا نادرا مع اني والله كلامي حلو وممتع وافتح مواصيع كثيره احاول نتسلى مع بعص لكن يقفل اي موضوع واحيانا مايرد علي اساله اتكلم وهو ساكت يناضر للتلفزيون اوياكل وجيت معاه باكثر من اسلوب لكن مانفع داخل بدائرة صمت رهيبه ومو بس يوم لكن من تزوجته وهو كذا لدرجة اول ماتزوجنا كنت اظن انه مغصوب علي.. وانا مايقهرني الا مو شغلك كل شي مو شغلك وعلى فكره مع الناس غير يعني يسولف ويضحك ومايسكت ابد ودايما اقوله ياحظ الناس فيك تعطيهم اكثر مني ..واذا كلمه احد من اصدقائه يقوله كل اخباره وش سوى ولما يسكر اقوله الحمدلله عرفت اخبارك ومايرد علي..
_ثاني حاجه مايعترف باي شي بالمشاعر هو طبعه مو رومنسي مع اني رومنسيه مرره وتحملت طبعه بس انه جااف بمعنى الكلمه ماقد سمعت منه كلمه حلوه ابدا ابدا مع اني والله دايما اسمعه احلى كلام ولا ازودها يعني بالمعقول ولما اطلب منه يقول وش هالخرابيط ومااعرف
_ودايما يسب الحريم بشك عام ويقول الحريم مشكله مع انه بدايت زواجنا كان مبسوط ويضحك على اصحابه اللي ماتزوجوا وكل مااقول شي يقول الرجال مايسوي كذا اقوله تحبني يقول الرجال عيب يحب اقوله وش سويت اخبارك اساله عن اي شي يخصه يقول الرجال مايسولف للحريم كل شي قلت الرجال مايحط قوانين للرجوله ..عنده عقده بالنقص لانه شخصيته قدام الرجال مهزوزه مايعرف يتكلم مع الرجال بسبب مشاكل بطفولته لان ابوه كان قاسي معاه ولا يتركه يختلط مع الناس وانا مقدره هالشي ودايما اعزز ثقته بنفسه وارفع من هيبته واحترمه كثير عشان يحس انه رجال لاكن هو بيثبت رجولته باشياء ثانيه غلط
_دايما يسبني على سبيل المزح يعني عمري ماسمعت كلمه حلوه منه ..مع اني والله اتمتع بجسم حلو بشهادة الجميع لكن دايما يقول يالله انا عمري ماشفت اسمن منك مع اني والله مو سمينه بس دايما يحاول يهينني كنت ازعل وازعل لين طالت السالفه وجربت كل اسلوب معاه لكن مافيه فايده احس انه يحاول يكسرني لاني جميله مايبيني اغتر مع اني واالله دايما اقول ترى انا عمري مااغتر عليك لان الكلام الحلو يخلي الوحده تحس انها عايشه وانا وحيده معا
هذا مختصر مشكلتي زوجي راح يجي هالحين