السلام عليكم ورحمة الله وبركاته....
اخواني انا عضوه جديده ..لقد اطلعت على هذا المنتدى واعجبني كثيرا واحببت ان اعرض مشكلتي عليكم لعلي اجد الحل او المواساة على الاقل ..لااطيل عليكم سأبدأ بقصتي

اكملت الان سنه وشهر من زواجي ولم احس بطعم للسعاده مع هذا الزوج اتعبني كثيرا ساذكر لكم مايتعبني فيه على شكل نقاط حتى يسهل علي الطرح:
_ اول شي تاعبني فيه انه انسان كتوم مره لدرجة اني مااعرف شي عن شغله عن اصدقاءه لما اسئله عن اي شي يقول مو شغلك ولا يتكلم معي ابدا في البيت الا نادرا مع اني والله كلامي حلو وممتع وافتح مواصيع كثيره احاول نتسلى مع بعص لكن يقفل اي موضوع واحيانا مايرد علي اساله اتكلم وهو ساكت يناضر للتلفزيون اوياكل وجيت معاه باكثر من اسلوب لكن مانفع داخل بدائرة صمت رهيبه ومو بس يوم لكن من تزوجته وهو كذا لدرجة اول ماتزوجنا كنت اظن انه مغصوب علي.. وانا مايقهرني الا مو شغلك كل شي مو شغلك وعلى فكره مع الناس غير يعني يسولف ويضحك ومايسكت ابد ودايما اقوله ياحظ الناس فيك تعطيهم اكثر مني ..واذا كلمه احد من اصدقائه يقوله كل اخباره وش سوى ولما يسكر اقوله الحمدلله عرفت اخبارك ومايرد علي..
_ثاني حاجه مايعترف باي شي بالمشاعر هو طبعه مو رومنسي مع اني رومنسيه مرره وتحملت طبعه بس انه جااف بمعنى الكلمه ماقد سمعت منه كلمه حلوه ابدا ابدا مع اني والله دايما اسمعه احلى كلام ولا ازودها يعني بالمعقول ولما اطلب منه يقول وش هالخرابيط ومااعرف
_ودايما يسب الحريم بشك عام ويقول الحريم مشكله مع انه بدايت زواجنا كان مبسوط ويضحك على اصحابه اللي ماتزوجوا وكل مااقول شي يقول الرجال مايسوي كذا اقوله تحبني يقول الرجال عيب يحب اقوله وش سويت اخبارك اساله عن اي شي يخصه يقول الرجال مايسولف للحريم كل شي قلت الرجال مايحط قوانين للرجوله ..عنده عقده بالنقص لانه شخصيته قدام الرجال مهزوزه مايعرف يتكلم مع الرجال بسبب مشاكل بطفولته لان ابوه كان قاسي معاه ولا يتركه يختلط مع الناس وانا مقدره هالشي ودايما اعزز ثقته بنفسه وارفع من هيبته واحترمه كثير عشان يحس انه رجال لاكن هو بيثبت رجولته باشياء ثانيه غلط
_دايما يسبني على سبيل المزح يعني عمري ماسمعت كلمه حلوه منه ..مع اني والله اتمتع بجسم حلو بشهادة الجميع لكن دايما يقول يالله انا عمري ماشفت اسمن منك مع اني والله مو سمينه بس دايما يحاول يهينني كنت ازعل وازعل لين طالت السالفه وجربت كل اسلوب معاه لكن مافيه فايده احس انه يحاول يكسرني لاني جميله مايبيني اغتر مع اني واالله دايما اقول ترى انا عمري مااغتر عليك لان الكلام الحلو يخلي الوحده تحس انها عايشه وانا وحيده معا

هذا مختصر مشكلتي زوجي راح يجي هالحين

ينقل مع التحية لعالم المتزوجين
ليلاقى التفاعل المأمول

خالص احترامي

__________________

ختي الكريمة الحل صدقيني معك وهو.
1-سنة وستة شهور مدة قصيرة با لنسبة لبعض الازوج حتى يكون صريح مع زوجتة انتي لازم تكونين صبورة تحوالين بدل المرة الف وكوني قريبة منة بحيث اساليةعن اخبارة ولما يقول الرجال مايسولف على الحريم حوالي تناقشة بهدو من غير اي عصبية وقولي له<رسول اللّه صلى اللّه علية وسلم نبي الامة كان يتكلم ويدعب ويمزح ويضحك ويشكي همة على زوجتة خديجة ثم عائشة رضي اللّه عنهم > اذكري لة احاديث عن علاقة الزوج بزوجتة
حوالي مرة ومرتين ـــــــــــــــالى الف مرة
احمدي اللّه ان هذي بس المشكلة لانة سهلة ومع الصبر بتنحل ان شاء اللّه
فية نساء صبرو على ازوجهم وهم يخنونهم مع نساء غيرهم وحفاظو على بيتهم وصبرو عليهم حتى اللّه هداهم واصبحوا من اسعد الناس .
على فكرة تذكري دائما ان مافية انسان كامل وان زوجك احسن من غيرة.
ولكي جزيل الشكر.

__________________

سبحان الله

__________________

السلام عليكم

ربنا يصبرك اختي العزيزة بس ان شاء الله كل شي وفيها حل ابدا لا تياسي ولا تقلقي بل حاولي دائما معاه
انتي اقرب انسانة اله وبمعاملتك الطيبة معه راح يتغير
يمكن هو اتخزن في فكره فكرة عامة مش كويسة عن المراة ولكن انتي اثبتيله العكس .. حاولي انك تغيري من نفسك دائما وكلامك يكون بحنان وطيبة معاه ولما تناقشيه او تساليه عن اخباره وعن شغله كلميه باسلوب انك عايزة تطمني عليه وانه يهمك واكتر شخص بيهمك في الدنيا وبدك يشاركك همومه ويحكيلك عشان يفضفض معاكي .. يعني بقصد انك لا تحسسيه انك بدك تعرفي كل شي عنه يعني خليه يحس انك خايفة عليه فقط لا اكثر

دايما اهتمي بطلباته وحسسيه بحنانك وطيبتك ومعامتك والكلمات الحلوة .. كما قلتي انه مش رومانسي ولكن انتي تقدري ان تكسبيه لطبعه صفات مثلا لو انتي عوديه كل يوم لما ياتي من الشغل يلاقي انك محظرة اله مفاجاة ولما تستمرين كدة كل يوم يتشوق يرجع يشوف شو محظرة اله يعني حتى ل اشياء بسيطة بس يحس انك تعملي اى شي عشان تسعديه وهذا الشي مو قليل ند الرجل بمجرد انه يحس بحنان زوجته وطيبتها واهتممها بيه راح يتغير اوتوماتيكيا .. لان بداخل كل رجل طفل يحتاج الى الحنان والاهتمام وخاصة انك قلتي ان زوجك من صغره مر بظروف وابوه كان قاسي معاه .. عشان كدة ده اتثر على شخصيته

لكن اكيد لما تحاولي انتي من غير ياس وتفضلي معاه راح يرجع لطبيعته الاصلية ويتغير اكيد

اعملي اى شي عشان تسعديع وربنا يوفقك وطمنينا عليكي دايما

نور حياتي

__________________

ام فنار memoota نور حياتي

اشكركم جدا على هذه الردود التي اثلجت صدري وحسيت انه فيه احد معي لاني مااشكي لاحد ابدا وكاتمه في صدري
وترى يااخواني الاعزاء انا مااسكت دايما اتناقش معاه في هدوء وعقلانيه في هذي الامور ولاكن مااطلع بفايده ابدا الا الاستهزاء بمشاعري ...وانا والله هو الشاهد علي انه مافيه اطيب مني بمعاملته وتدليله واسوي دايما مفاجئات له بس مااشوف شي منه الا الجفاء والله مايمر يوم الا ودمعتي تنزل من كلمه قاله او حركه سواها مليت منه لدرجت اني احس اني كرهته مااطيقه حتى لوكان رايق اذا التفت عني اكشر بوجهه ودايما ادلعه وانا من داخل مو طايقته واسب فيه
بحاول اصبر شوي واجرب اللي تقولونه لي وان شالله ربي يوفقني او يبعدني عنه قبل لاينكسر كل شي فيني
لاتتركوني وحيده لان زياده على همي انا بغربه لاجل دراسة زوجي

__________________

صدقيني سيتغير ..
لاتبخلي بعطائك ..استمري على ماأنت عليه ..أغرقيه بحيك ومشاعرك ..وعززي ثقته بنفسه ..وشجعيه على كل مايقوم به تجاهك ولو كان بسيطا ..

تخيليه طفلا حائرا ، يفتقد الثقة والأمان..
ويحتاجك أنت بالذات كي تعيدين له الثقة والأمان..

صدقيني التربية في الصغر تؤثر على الزوج في حياته الزوجية ، ولعلك أنت بعطائك وحبك تستطيعين تغييره بإذن الله ..!

كفي عن معاتبته ، واتركي التصريح قدر إمكانك ، واستخدمي الأساليب الغير مباشرة ,,
لاتيأسي فكثرة الطرق تؤثر ..!

وفقك الله وجعل من زوجك قرة عين لك..

__________________
أحب جبالك يالجنوب وأحبك لأنك أنتي الجنوب

اختي الفاضله
اقتبس من رد الأخت زرقة البحر ......مع الشكر

"صدقيني التربية في الصغر تؤثر على الزوج في حياته الزوجية ، ولعلك أنت بعطائك وحبك تستطيعين تغييره بإذن الله ..!"

نعم التربيه والجو المحيط به اكيد جاف صحراوي قاسي مغبر ما فيه شي حلو الا انت فجأه...........!! صبر عليه مصدوم


قربيه من الحضاره شوي شوي مره واحده ينصدم ............!

أختاروا الأصدقاء ذوي التعليم الجيد والمتفهمين للمرأه لعله يتغير على الأقل يبدا ينظر حوله


الأخوات في النتدى لن يتركنكي لوحدك تابعي أرائهن

اخوك

السلام عليكم..
كنت بالامس اشتكي زوجا قاسيا لعلكم قرئتم مشاركتي السابقه ولكن ياليت شكوى كانت هكذا وبس تخيلو اخواني ماذا اكتشفت اليوم لا استطيع حتى الكتابه من هول الصدمه لقد عرفت ماذا اصاب زوجي عرفت سبب هذي المعامله القاسيه بالرغم انه لم يكن كذالك في بداية زواجنا تخيلو يااخواني كنت اريد ان احمل بطفل يملء علي حياتي الفارغه لكنه يرفض بشده متعللا باسباب واهيه وكنت لااعرف سبب هدا الرفض الغير مبرر وكنت صابره لكن اليوم عرفت السبب
لقد اكتشفت يااخواني شيا عظيما لاتحتمله المرأه ومتى اكتشفته باليوم الذي عرفت انني حامل بالخطاء طبعا لانه رافض هذا الشئ لكن ارادة اللله عز وجل فوق كل شئ بالرغم انه الحمل الاول لنا الا انه زعل ولم يكلمني وتضايق وماكلمني من يومين وانا صابره لكن اتعرفون ماالسبب لقد كشفه الله لي لقد وقعت بالصدفه على ايميله وكان حريصا ان لا اراه فكنت مندهشه ولكن ارادة الله تركه مفتوح وخرج ناسيا تخيلو ماذا وجدت وجدت رسائل غرام من صعلوكه كافره لاننا كما تعلمون نحن في الخارج والادهى انها كانت جميعها ردا على رسائله فاقراء رسالته لها وردها عليه وطبعا هي اجنبيه وبلغتهم وانا اعرفها لاتتخيلو مدى الصدمه اللتي اصابتني فكلماته فيها غزل شديد وحب قوي وهو الذي يقول لي لااعرف كلمات الحب لاتتخيلون ماذا قرأت اهذه رساله من زوجي لااصدق ولكن اتعرفون ماهو الامر من ذالك انه يقول لها اني احضر محاضرات عن النصرانيه وعندي كلام لك كثير اقوله لك لما اعجبه هدا الدين والعياذ بالله انا خائفه جداجدا عليه ماذا افعل وهو الرجل الملتزم بدينه امامي والذي يسب الكفار امامي ولكن هو مصاحب لهذه الكافره وعرفت انه يخرج معها اتصدقون مدى الامي وحزني خاصة وانا في الشهر الاول من الحمل
لقد انهرت تماما وانا صامته لم اخبره باي شئ مما عرفت انتظر ان يلهمني الله الحل والصبر لقد فكرت في حل ولكن خائفه من عواقبه لااعرف هل هو جيد ام لا وهو اني اعرف صديقه اجنبيه هنا وفكرت ان تذهب لها وتقول انه متزوج لاني فهمت من الرسائل انها لاتعرف انه متزوج والذي يؤكدلي ذالك انه لايخرج بي للسوق ابدا اوي اي مكان عام واذا خرجت يجلس في السياره ينتظرني وانا كنت مندهشه للذلك لكن اليوم عرفت انه خائف ان تراني معه
ماذا افعل ارشدوني اخاف ان نفذت فكرتي ستقول له وتعاند اكثر وتتمسك به وهو كذالك لااعرف ماالحل ارشدوني جزاكم الله خيرا وادعوا لي بالصبر والثبات
اختكم الوحيده