مش من حقها تتدخل فيكي أصلا
الموضوع هذا بينك وبين زوجك
وزوجك وأمه المفروض يراعوا الله في الأولاد
لأنه راح يكون ترفيه لهم
وزي ماتفضلوا بعض الأعضاء صلة الرحم
عن جد قهرتني حماتك
شو يلي دخلها تأخذي أولادك ولا لا
ياستي مالك إلا إنك تطلبي الله
وإن شاء الله راح تكوني مبسوطه
الله يكون في عونك ويخفف عنك إنتي ويلي واقع في نفس المشكله
لأن في كتير من أمهات الأزواج يعتقدوا إنه دام إنها طيبه مع زوجة إبنها
إنها تقدر تتدخل في ما لا يعنيها
وعن جد هذا مش من إختصاصها
وإستغربت من كلامك إنه زوجك ماعمل شي
يعني كون إنها أمه يرضى إنها تتدخل في حياته حتى بعد ماإتزوج
أنا في نظري إنه أمه من حقها تشوف الأولاد
بس مو من حقها إنها تمنعهم من شوفة أهلك
( كلكم راعي وكلكم مسؤول عن رعيته ) الجمله هاي لزوجك
الله يهديه
والله أتمنالك من كل قلبي سواء إنتي أو غيرك من رجل أو إمرأه
السعاده وكله بيد الله
آسف للإطاله
إحترامي للجميع
أنا ترى عن جد لسه مقهور لأنه في مواضيع
بيتدخلوا فيها ناس مايكون من إختصاصهم

مشكورة اختي على ردك لكن بصراحة حماتي ما هي محتاجة حدا يذكرها بصلة الرحم او عذاب القبر لانها مؤمنة وحجة وعمرت كذا مرة يعني بتعرف بالدين منيح بس هيك عند ومني عارفة مين تعاند لان انا وهي الحمد لله علاقتنا كتير منيحة والله ما عارفة شو اعمل

انا معك ان ما لازم اعمل مشكلة لكن اذا انا سافرت على الاقل بدي شهر اشوف فيه اهلي ترى بلدي كتير بعيد اربعة وعشرين ساعة بالطيارة ومين بيقدر يترك ولادو شهر والله ما اقدر اسويها

مشكورة اختي والله كتير فرحت بمشاركتك ولا تنسينا من دعواتك

والله الحمد لله على كل شي والله اللي يشوفني كيف بعامل حماتي ما بصدق اني كنتها وهذا منو كلامي بشهادة الناس واهلها طيب ليش انا مجبورة كون منيحة واعمل لها الي تبيه وهي بدها تحكم فيني وما تعملي كرامة بصراحة لسا شوي بتجي تمسك المصروف وهي تصرف عبيتي وكل هيدا وانا ساكتة كرمال زوجي بس مش لهالدرجة والله حرام

شكرا لك على نقل الموضوع الله يعطيكي العافية ولا يحرمنا منكم

مشكورة على الرد يعني بصراحة لانها مقهورة من امي بدها تعمل المستحيل حتى ما اقدر اخذهم يا اختي بصراحة زوجي ما بيقدر يقول لا لامو عودتو هيك هي عندها شخصية قوية وكلمتها اللي بتمشي والله يهديها لا تخلوني من دعواتكم

كل سفرة والله ما رح تصدقو والله خمس سنين ورح يصيرو ستة ما سافرت لاهلي والله اني تعبانة والغربة منا هينة وخاصة اذا ما لك حدا يواسيكي والله تقتل وعلى فكرة حماتي تقريبا كل سنة تروح نفس البلد تزور اهلها اذا اخوها مرض تركض تسافرلو واذا اختها تعبت كمان واكتر الاوقات زوجي هو اللي يدفع لها التكاليف والله ان كل اللي بقولو صحيح طيب ليش هي اخواتها محلل تسافرلهم وانا امي حرام ازورها بالله ما شي يقهر والله نفسيتي تعبت وكل ما اشوف حدا مسافر اتعب بزيادة والله اوقات اكره الساعة اللي عزمت اهلي عندي طيب هي زعلت منهم وانا كمان بس يضلو اهلي وسامحتهم يعني الله هو المسامح وهي ما تسامح

اشكرك على الرد والحمد لله اختي انا ما اعرف ازعل وهيدي شغلة حلوة يعني انقهر واطق وبعد شوي كان ما صار شي المشكلة ان انا اقدر اترك لها اولادي لكن اخاف عليهم لان ابني مريض عندو asthma اخاف اتركو لوحدو ويجيه المريض والله اموت اذا سافرت ولا سمح الله مرض وانا مني معو الله ما اسامح نفسي

والله شرفتيني بمشاركتك بس بتعرفي انا ليش رح طق واموت هلا لا حماتي ما لها زمان راجعة من السفر ومرة كانت تلعب مع بنتي بتعرفي شو قالتلي اذا مرة تانية سافرت بدي اخذ بنتك معي وهون انا كنت رح موت عملت حالي ما سمعتها بس كنت رح جن مانعتيني اني اخذها معي كيف انت تسمي لنفسك تاخديها لو حتى بالكلام منا حقيقة قوليلي لو مكاني ما بتنقهري