السلام عليكم ورحمة الله وبركاته:
ارجو الأجابه على سؤالي أو بالأصح مناصحتي في مشكلتي وبعد.
انا متزوج من سنتين ونصف ولدي ولد عمره سنه . المشكله (بإختصار) ان زوجتي حساسه جدا جدا وتزعل من اتفه الأمور وهذا الموضوع صبرت عليه كثير واصبح يضايقني واصبحت افكر جدياً بالطلاق لأنها دائما تحاول تستفزني وتقارن بيني وبين اخوانها وتقول اخويه يسمع كلام مرته وقبل شهر اشترى اخوها سياره وقالت زوجتي مرته طلبت يشتري سياره وهي اختارتها لأنه يسمع كلامها في كل شي وهو كان معاه قبل سياره قديمه وخربانه لمدة سبع سنوات. ودائما على هذا الحال مع اني ماارفض لها طلب وراتبي كله لها احياناً اعطيها الراتب كله وهي تصرف على البيت وعلى نفسها وانا من يوم تزوجت وانا فى سلف وديون وقروض ودائماً اقول لها اصبري ان شاء الله تنتهي الالتزامات ونعيش حياتنا ونشتري سياره جديده وانت اختاريها بعد ونسكن بيت اكبر تقول ايش يصبرني المده طويله 5 سنوات(هي مدة القرض) ودائماً تقول ياحظ الناس اللي عندهم فلوس مو مثلنا ولاتقدر مشاعري مع اني اشتري اي شي تبغاه حتى لو اتسلف واشتريه وراتبي 6000 ريال بعد خصم القروض. يعني المفروض توقف معي وتصبر مو توقف ضدي
هذا بعض المنغصات وغيرها كثير اذكرها عن طريق نقاط سريعه:
- لو ازور اهلي او اصدقائي تتضايق(تبغى اكون لها وبس) ولما ارجع من عندهم احصل سيل من الأسئلة ايش قلت وايش قالو.
- لو تكلمني في العمل واقولها مشغول ارجع البيت القاها زعلانه وتقول الزوج لو يكون مشغول جدا لازم يفضى لزوجته
- لو ارجع من العمل وانام تتضايق جدا لدرجة ان النوم يطير مني تقول انت من الصباح للعصر في الدوام ولما ترجع تنام (مع اني انام ساعه فقط حقت التعب) واصحى اصلي المغرب واجلس الى الساعة الواحده بعد منتصف الليل برا البيت
- كل يوم لازم نطلع ونحوم في الاسواق من بداية الزواج ماقضينا كامل وقتنا في البيت مع اني انسان احب جلسة البيت ولو اتكلم واقول ماني خارج اليوم تزعل جداً
ولو اشد عليها تبكي بحرقه وتقول انت ماتحبني وماتبغاني ومره قالت طلقني خلاص مافيه بيننا تفاهم وهديت الموضوع ومره راحت بيت اهلها ورفضت ترجع بسبب سوء تفاهم حصل ورجعتها مره ثانيه بعد الاعتذار الشديد والخضوع لطلباتها كلها
- لو تزور اهلها كل شويه تتصل فينك وايش تسوي ولو اقولها هذا الشي يضايقني تزعل زعل شديد وتقول زوجات اخواني زي كذا يسألو ازواجهم مافيها شي ليش انت تتضايق وماتبغى؟؟؟

بكل اختصار انا لولا ان الطلاق ابغض الحلال عند الله ثم ولدي الصغير والذكريات والحب الي بيننا كان سبتها وانا من البارح استخير في ثم استشرت من هم اكبر مني قالو اصبر والأن استشيركم..
فاشيروني جزاكم الله كل خير ...
لأني ماقدرت اعدل من تصرفاتها ابدااااا

وواضح زوجتك ماعندها شخصية تشوف فلانة و علانة والله يعينك اصبر على الطلاق بس اقترح أنة تناقشها بشكل جدي ياتتعدل يا مع السلامة بتخاف اتوقع ،،، بعد عندكم ولد مسكين يضيع بينكم هذي مشكلة اللي ما تاخذ مانع وتستعجل بالحمل واذا جلست تقارن قولها عاد هذا أنا مااجبرتك على الزواج مني أكيد أنا أعجبك ولا ما كان ارتبطتي فيني والله يعينك *

أخي برأيي الحياه التي تستمر بالألم لابد وياأتي يوم وأن ينتهي هذا الألم إما أن تكون نهايه سعيده أو حزينه...
وأنت بهذه الطريقه قد يتفاقم الموضوع أكثرولاقدر الله تكون النهايه حزينه..
أجلس معها وتكلم معها كرجل يريد حقوقه وماغايتك من الزواج وأقطع لها طريق المقارنه طبعا بالنقاش بأنك لاتحب أن تقارن وانك إذا قارنتها بغيرها ماذا سوف تكون رده فعلها ..وأوضح لها أن إذا لم ترد عليها هذا لايعني أنك لاتحبها وليس له علاقه بالمشاعر لعل بالحوار والتفاهم تحل هذه المشكله وكل فتره أوضح لها ماتريده منها بكل شيئ..
وأسأل الله أن يهدي بالك ويلهمك الحكمه في كل الأمور..

عندي فكره هذا بعد متجرب أسلوب الحوار معها وان هذا الشيء يضايقك ويهزك كرجل من سكات انت قارن بينها وبين اي وحده ولو زعلت قلها يعني دوبك حسيتي ولاتستمر فهذا الاسلوب لاكن عشان تبطل دام طلباتها تجيها تحمد الله والله راتب زوجي 3000 ولمن ينخصم مايبقى شي والله ماأجرحه بكلمه برغم اني مدللعه فبيت أهلي واي شيء يجيني ورغم هذا كله ماشاف لي شيء حتى اثاث زي الناس ماعندي وبيت اهلي فله وبيته غرفتين ورضينالاكن الهم مارضي فينا تقول الحمدلله وانت اصبر ومو على طول طلاق في طرق كثييير لاتستعجل الله يصلح حالك

زوجتك يبيلها شويه حزم
لاتكن لينا فتعصر ولاقاسيا فتكسر
اذاقالت طلاق قول لها الله معاك ماقدر اجبرك على عيشه ماتريحك
واذا قالت اخوي احسن منك قول لها فلانه وعلانه احسن منك وتصبر على زوجها
وماله داعي ديون وقروض عشان ترضاحضرتها عليك
اعجبها حالك اهلا وسهلاماعجبها الله يرزق كل واحد منكم اللي يريحه ويحبه

__________________

اليوم انت فوق الارض
وغدا تحت الارض فماذا اعددت ليوم العرض

::
زوجتك لاقيتك
تعرف معنى هالكلمة..؟!
يعني من أول ماتزوجتها جست نبضك وعرفت أنت من أي طينة
وطبعاً حضرتك مامسكت العصا من النص بل تهاونت جداً
وسلمتها الخيط والمخيط
*هذا راتبي كله بيدك تصرفي فيه
* أي شيء تبغيه حاضر وعلى أمرك حتى لو أتدين وأتسلف
* تعقد مقارنات بينك وبين غيرك وتقلل من قيمتك وأنت بكل بساطة تبرر لها
*تروح بيت أهلها لسبب تافه وتركض تراضيها وتحب رأسها وترجعها

كيف تبغاها تطيعك وإلا تسمع لك كلمة وأنت مع أحترامي لك
"ضعيف شخصية أمامها"

...................
لاتفتكرنا نحرضك تكون وحش أو تضربها وتهينها

لكن كن سيد في بيتك

*أشعر أن قصة أخينا "أحبها" سوف تتكرر

الامر بيدك تدرجا معها بالشدة ولاتجعل شخصيتها تغلب شخصيتك فانت سيد البيت وانت الاب
اجلس معها ووضح ان البيوت تختلف فلا تقارنك ببيوت اخواتها فلماذا لاتقارن نفسها مثلا اذكر مثاال لترى وجه الحق
اعانك الله واسعدك

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

أخي الكريم
أنت من يضع للأشياء قيمة سواءً عالية أو رخيصة
فإذا زعلت تبحث عن رضاها ولا تقيّم سبب زعلها فلو زعلت ثم ماذا؟ فستعود إليك.
وإذا ارسلت عليك سيل الأسئلخه تجاوب كن الرجل وأوقف كل شيء عند حده فأعطها ما لها وأفرض ما لك عليها
وأسرتك هي كنزك فلا تضيعه هي بحاجة لحزمك مثل حادجة ولدك لك
وما دمت بهذه الطريقة فلو تزوجت غيرها ستستمر حياتك هكذا فهذا أنت.
اسمع كلام من سبقني وخاصة الأخوات ففي كلامهم بركة .

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

حقيقه انت عصرت من قبلها , ولا يوجد " تقدير " !
انت من جعل الوضع يتفاقم , وماعليك فعله هو العكس , مبدأ نعم وحاضر دائماً قمه في الخطأ .. !
اضرب بزعلها عرض الحائط ان كنت غير مخطأ ومع الوقت ستتعود على ان زعلها بالصغيره والكبيره لايجدي نفعاً
ويبدو لي ان زوجتك تحبك , فدندن على هذا الوتر واستفيد من حبهاا لك ..
سؤال : الم تصارحها انك لم تعد تتحمل ؟.

اسمحلي اقولك انت الغلطان ...

دللتها لين تمردت عليك ..

ماعلمتها من البدايه مو كل يوم طالعين .. مو كل شئ يزعلك بروح اراضيك ..
جرب تكلمها بهداوه وتصارحها .. مانفع غير اسلوبك للشد والحزم والتطنيش ..


لازم تعرف منك هذا يروق لي وهذا مايروق لي ..

من أمن العقوبه اساء الادب ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]