بطرح موضوع للنقاش وأرجو منكم الأجابه بدون مثاليه كالعادة😂


هل تؤيد سفر الزوج لوحده للسياحه وترك الزوجه والأطفال بدون شخص مسؤول
وتحميل الزوجه مسؤولية البيت في غيابه للترويح عن النفس???

وهل يحق للزوج السفر في فترة النفاس بحجة انه جالس لوحده؟


أجابتكم ياحلوين 😁

هلا مرام

مو صحيح ان كل شخص يخالف اراءنا نعتبرها مثالية
في ناس حقيقة تؤمن بالتنازل عن حق النفس وتقديم الاخرين على النفس وغيرها من الامور


بالنسبة لي
لا اوافق على سفر الزوج مع الاصحاب
ليس لاجل المسؤولية فقط
ولكن خوفا عليه من تسويل الشيطان

حده اذا بيسافر ممكن العمرة
وموافقة على مضض

الزوجة حصانة للزوج
وجودها فقط رادع للزوج ومذكر له
فضلا عن العاطفة التي يتبادلانها وتوابعها

- ﻻ مايحق له
وش دخل النفاس بالوحدة
النفاس انقطاع جزئي للعلاقة الجنسية وليس كلي
اما التواصل العاطفي فموجود
وممكن كل يوم يشوفها

واللي بيت اهلها بعيديروح يجلس بيت اهله هو بعد

يارب لا يحطني بهالموقف

تحياتي

__________________
الحمدلله الذي بنعمته تتم الصالحات

يسعد صباحك فاكهة الشتاء

ومشكوره حبيبتي على الرد

وفعلا معاكي حق الزوجه حصانه للزوج

والله إذا كان الزوج مكمل الزوجة وعازها ومأمن حياتها فترة غيابه ومو مخليها محتاجة شي

مافيها شي لو سافر ترويحا عن النفس مع أصحابه،

الزوج يحب تكون له مساحة من الحرية في صداقاته وخروجه وسفرياته فلا تنكد عليه أفضل

خاصة إذا كانت عند أهلها في فترة نفاس،،بدل مايجلس لوحده يروح يتمشى،،

ومهم طبعا لما يرجع يعوضها بعد النفاس.

وي منكم ياهالحريم خليه يسافر وجنه العيد وش حقه أعور قلبي هههههههه امزح وياج
ياختي الريال لاحط السفر فى باله مستحيل تشيلينه من باله لو شنو يصير
فأحسن شي تسوينه انج راضيه عشان يروح وانتي راضيه عنه لانه رايح رايح
واذ ا رجع من السفر اتغلى عليه

__________________

اذا عزم الزوج على السفر. فلن. تمنعه زوجته لو اتت بمكائد نساء الارض جميعهن
ولو اراد الخيانه سيخون. ويجلب العشيقه على فراش الزوجه نفسها ويلبسها من ملابس زوجته وهي نفاس واعرف اناس هكذا



فوضي امرك لله وخذي بالاسباب التي تجعل زوجك. ينأى بنفسه عن هذه الامور !
ورفقاء السوء في كل مكان. فمن باب اولى ان يكون اصدقاءه. كرام وشرفاء بدلا من البحث عن طريقة منعه من السفر وهي الغير
مجديه. مع الرجل فهو بملك جوازه وحريته. وانت لاتملكينها


فالافضل ان كان الزوج محط ثقه. والبلاد المسافر إليها. كذلك. والرفاق ايضا ان تسمحي له بالسفر لانه سيسافر برضاك او رغما عنك
فبرضاك انت الرابحه

__________________
..

اهلين اختي مكلومة الا صدق وش معنى أسمك؟؟

فترة النفاس لو احتاجت شي يكون موجود قريب منها وغير كذا لو عندها اكثر من طفل
يأخذ الاطفال يمشيهم للمنتزهات يريحها شوي ويريح أهلها مو صح
ومواعيد الطفل للمستشفى هو مسؤول عنها مو أهلها مو طفله ولا شلون؟؟

هلابش ام بدر نفس اسم صديقتي فديتها ولدها البكر بدر

صعب انك تحكمين ان الرجال كلها نفس الشخصيه
فيه رجال تتنازل اذا شاف دموع زوجته وفيه يتنازل اذا زوجته فيها جبروت
وفيه رجال ماهمه شي يقولها انا بس جاي اخبرك اني بسافر ويضف شنطته ويمشي

ومافهمت شلون اذا رجع من السفر تتغلى عليه؟؟؟

اهلين حبيبتي رذاذ

وجهة نظرك اعجبتني من ناحيه انك تنظرين للصحبه في السفر
وهو فعلا الصاحب ساحب

طيب بيني وبينك انتي اذا سافر زوجك تودعينه مبتسمه وعلى فكره مو سفر للعمل هذا وضع ثاني
مسافر مع اصحابه شرق اسيا ؟؟؟

يوووه عاد
شرق اسيا
اصلا لو اثق فيه من يقول شرق اسيا بشك

مو صحيح لو يحط السفر براسه بيسويه
الا حاولن لاخر رمق

ولو راح لا تحسسينه انك راضية
الا غير راضية الف مرة وغير مقتنعة
خليه كل ما ينبسط شوي يتذكر انه ابكاني وازعلني
وتلوح له صورتي مكشرة وحزينة هههههاي

الا عاد لو الزوج من النوع اللي من يعرف وش يضايقك سواه لعانة

__________________
الحمدلله الذي بنعمته تتم الصالحات