خطبتني. أمّــه وتماديت معاه والآن ندماااااانه
السلام عليكم ورحمة الله
انا جديده في المنتدى وان شاءالله يكون هذا المكان المناسب لطرح مشكلتي
والله يجازيكم كل خييير
يقولون ماينفع الندم ،ويقلون اذا فات الفوت ماينفع الصوت
في قلبي نار ارجوكم لاتلوموني كفايه تأنيب الضمير والندم اللي عايشه فيه، ندمانه اني سلمت نفسي له بسهوله قالك الحب
والله مافيه ولا حب ولا غيره مافيه الا ذئاب بشريه ، يمكن قصتي تكون عبره واتمنى ذلك انتبهو يابنات والله مافيه ولا حب ولا بطيخ
احنا بزمن المصالح وبس كلن يفكر بنفسه مافيه لا حب ولا إخلاص ولا وفاء مافيه الا غدر وخيانه وكذب ..
وربي تعلمت درس ماراح انساه طول عمري كرهت فئة الرجال كلهم وقررت اني ماعاد اتزوج نهائياً اصلاً ماعاد لي وجه اتزوج بعد اللي سويته غرقت في الذنوب والاخطاء لين قلت بس ،
كارهه نفسي بجد ودي اعتزل العالم كله ولو مو حرام ودي اقتل نفسي وارتاح ماراح اعيش حياتي بعد كذا مرتاحه وهذا الذنب يلاحقني غلطت غلطه كبيره اني انجرفت ورى مشاعري وصدقت انسان كذاب مراوغ على أساس بيتزوجني ، شعوري ناحيته الآن النفور والكره ومن الزواج كله ماعاد ابشوف رجال في حياتي
عشان كذا انا لجأت لكم بعد الله ابي احد ياخذ بيدي ابي انتقم من هالانسان بس الله يغفرلي ،،،،
قصتي بإختصار تقدم لي واحد من الجيران البعيدين مااعرفه وقتها جات أمه بس وكان مجرد معرفه قبل الخطبه هالموضوع قبل سنه، بعدها بفتره الرجال جاب رقمي وجلس يرسلي ان أمه تمدح فيني وهو مرتاح لي وحبني وألّف لي قصه عن حياته وانا غبيه صدقت واتعاطفت معاه (هالكلام كله بالواتس كان تواصلنا) بعد فتره
اعترف لي انه متزوج وعنده طفل ، طبعاً انصدمت وعلى طول قطعت التواصل ، ورجع حاول يوضح لي انه بيتزوج لأنه مو مرتاح معها ولافيه توافق كان صغير يوم اخذها وهي كبيره مرره عليه وعندها عيال كبار ارمله اخذها يبغى الأجر من الله،والحين مايقدر يعيش معها وهو اصلا عايش عند اهله وهي مع عيالها، تعاطفت معه، وتطور الوضع معنا من واتس لمكالمات ومن مكالمات لمقابلات حتى صوري ارسلتها له <<خطوات الشيطان>> مقهوره الحين مدري وين كان عقلي ليه أرخصت نفسي له كان يتحكم فيني وانا هبلا ندمانه ندمانه قد شعر راسي يارب اغفرلي وتوب علي وأكفيني شره خايفه يرجع يهددني ماعاد انام من الخوف ودي اوصل لحل معاه ودي انهيه من حياتي بس كل مره اتخاصم معاه عشان ننهي العلاقه يجلس يهاوشني ويعصب ، يقول انا سويت كل شي عشانك وحطيتك من أولوياتي وعطيتك اهتمامي ووقتي كله وانا قاعد ارتب وضعي واسوي المستحيل عشان اتزوجك
وفي الاخير تقولي مابي يجلس يقول انا مو لعبه عندك مره ايه ومره لا ((بس انا والله ابي اتركه لاني اخاف من الله ومن عقابه))
ويقول مصيرك تعرفي اش سويت عشانك وتندمي ، مدري اش سوى انا احسه يستغلني ، ولما اقوله كذا يهزءني لين ماصار فيني خوف منه،
،آخره مره من اسبوعين جلس يلح علي اقابله وانا ارفض وربي عصب وهزءني ومن خوفي طلعت له بس قبلها قلت له لو لمستني ولا حاولت تسوي فيني شي وربي لأكرهك وازعل منك ووعدني مايسوي شي <يقول بس بشوفك مشتاق لك> المهم طلعت وما وفا بوعده حاول فيني ولمسني ولما قضى شهوته<كله كان سطحي> استغفرالله قالي خلاص روحي
بعدها اتصل مارديت عليه قررت اطنشه ، وفي نفس اليوم
اتصلت أمه علي تقول بجيكم بلغي الوالده <انا انفجعت احسب بتجي تعلم علي ودارت الدنيا فيني> وتخاصمت معها وبغيت اعلمها عن ولدها هو السبب قالت بجي عشان نكمل موضوع الخطبه، ماقدرت اصرفها،،
مقهوره من نفسي بعد كل اللي صار احس اني الحين ماابيه قرفانه منه ،
المصيبه كل مره كان يطلب مني صور او مقابله ارفض واذكره بالله
يقول ياغبيه انا بتزوجك لو نيتي سيئه خافي ويمشي كلامه غصب عني، لدرجة انه مره هددني يسحرني اذا ماسمعت كلامه
<على فكره هو ماخذ قطعه من ملابسي على اساس ذكرى معه يشمها ويذكرني ،، من قو الحب قلك مغرم>
ندمانه اعطيته كل شي يخصني صرت له كتاب مفتوح،
اخاف منه الحين اخاف يهددني او يسحرني من جد،،
هو شخصيته عصبي ومتهور وربي احياناً كان يهددني انه بيجي عند باب بيتنا اذا ماكلمته او سمعت كلامه،
ودي انتقم منه انصحوني اش اسوي
ودي انتقم عشان كل لحظه ضيعتها بسببه وكل ثانيه عصيت فيها الله بسببه
المصيبه ماني صغيره مدري كيف غلطت هالغلطه معاه،
ارجوكم لاتسمعوني كلام جارح ولاتلوموني تعبت من البكي وشعور الندم كنت مخدره وتوي اصحى لنفسي.
صدقت كلامه عن الحب والعشق طلع خرطي لو يحبني ماطلب مني هالطلبات واستغلني، الحين انا منقطعه عن التواصل معه هو قطع بعد آخر مره مدري ليه؟
والفتره اللي راحت كان بيننا مشاكل كثيره واختلافات وينقطع ولما ارسله انساني عشان انهي العلاقه على طول يتصل ويراضيني بأي طريقه (وانا غبيه ارجع)
ضايـعــه محتااااره أحتاج احد يوجهني ورأي سديد يرشدني
واطلع من الدوامه اللي انا فيها ،
خايفه هالإنسان يدمرني ماعاد ابغى من هالدنيا إلا السـتـر
من جد والله الشرف غالي ماابي اجيب الفضيحه لأهلي
02-08-2015, 08:04 PM
ضوابط المشاركة
العرض العادي
