30-09-2013, 09:22 AM
شَذَا الوَرْدَ لٍلٍي يٍعْرَفٌ الوَرَدْ بَرْقٌ وَرَعَدْ , , رَمْزٍيَاتْ , , ايا ورد لا مــوني وأنا أمجــدك يا ورد ومن لامنـي في الـورد والله ما ألومـه ! لو إنه يـشم الورد كان أستحق الـرد ولكن روحـه من شـذا الـورد محــرومه شذا الورد للي يعرف الورد برق ورعد ولا فـاتني عـن طــيب الورد معــلومــه تعلمت منـه إن الزمن فيه جـزر ومــد ومن لم يصانع ربما ضاعت عـلومـه تعلمت منـه إن الزمان الردي لـه حـد ولا شفت غصنٍ يطرح الورد مـن يومـه تعلمت منه أبعـد عن الهـزل يوم الجد ولا أشبع وغيري ينـدب الدهـر ويصومـه تعلمت كيف أصبر ليالي الشتاء ع البرد وأداري نـهار القـيض وأقاوم سمــومـه ولا أرقـى على عودٍ نخره الزمـن وأمتد ولا أطلب لـذيذ التمر مـن يابس الدومــه ولا أذكـر الغالـي بهـمه نهـار السعــد ! وإذا أمسى حـزينٍ شلت عـن قلبه همـومه تعلمت كيف أجعـل من الناس حـولي سد ولا أطيع نفـسي , وأجعل خطاي مـرسومه ولــو طــعت نفـسي , أبالومهـا فـي غـد ولا نــي بمعـصومٍ ولا هــي , بمعــصومــه تعلمـت كيف أسهـر وليه ومتى , وأعتد ولا أبــات أناجي الليــل وأعـــدد نـ جومـــه تعلمـت ما أسرد ع المسامع قصيدي سرد ولا أبعـد عن الفصحـى ولا أجر مضمــومه ولا حظـت كيف الورد وافـي يصون العـهد ولا يجرح إلا من بـه صفــات مــذمـومــه ولا حظت كيف الفرع يحمـل صفات الجـد وكيف الورود بمـصدر الشهـد مختــومـه وبعض الورود اللي بها شوك تشفي الكبد وبعض الورود اللي بلا شوك مســمومـه ولا كل ماياقف على الـورد يصنـع شـهد ولاكل من يرقى الجـبل يعـرف سنـــومه ولا كل من يبني ولـو تعب , يبني مــجد ولاتستـر اللي يهـدم الـشامخ , هــدومه ولاحظت كيف إن الطـري ليا صـبر يشتد وقـدر الفتـى يُبنى عـلى قــوة عــزومــه ولا حظـت كيف الـضـد يِِظهـر جمال الضد ! وللشــوك منظــومه , وللورد منظــومــه تعجـبت ! كيف الورد ينمو وتحتـه لــحد ! وكيف الورود تعــيش في السهل ورجـومـه تفهمت ليه الطفـل إذا شب , ينسى المهـد وإذا شاب , وحلم إنه فتـى , صدق حلومـه ! تفهـــمت ليه الصقـر , يقــدم ولا يــرتـد وعللت لـيه اللــيل يسـتر على البـومـــه ترى الديـرة اللي تـزرع الورد كـف وزند ترى الديــرة اللي تزرع الـورد مــرحومه بكاء الورد عطـر ,ومن هشيمه بخور وند وكـلٍ يصـف ورده علـى قـدر مفهـــومـه وأنا ما أغرس إلا طـيب الورد , قبل وبعد ولا أقـرب من الورد المزيف , ولا أسومه وأنا في حمى وردي الندي ماعرفت الوجد ومــن راح عنـي , ماتحـريت لقـــدومــه وأنا أسبـح المولـى وأثني بشكـر وحمـد جعـل عبـرتي فـي الورد وأرضى بمقسومه وبأمـوت وأحياء ما أزرع إلا غصون الورد ومـــن يــزرع الثـوم , الله يبارك بثومــه ! , |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري