السلام عليكم


بدخل بالموضوع على طول

انا تعببببببببببببببت والله تعبت نفسيتي وكل شي

امي الله يهديها تدًخل بتربيتي لطفلي بطريقه غللللط

ليتها تدًخل بشي يفيده

بالعكس تخربه علي

تدلعه الدلع اللي يقويه علي ويخليه طويل لسان وقليل ادب

جالسه احاول قد مااقدر اربيه بالطريقه الصح

عشان ينفعه لنفسه ويطلع شي صح بالمستقبل

بس مافي فايده

اخر موقف قبل شوي

حطينا الغدا وجا بياكل من الصحن

يده وسخه وياكل من نفس الصحن يعني ماغرف بصحنه

قلت لا ياحبيبي اول غسل يدك
وبعدين انتظر الحين بتجي السفره وبحط لك بصحنك

قلته والا ماقلته
قام يسب ويرمي الملاعق
قلت له يا فلان ترا اللي جالس تسويه غلط

غسل يدك وتعال أكل

قام راح وفجأه مادريت الا جايب سكينه من المطبخ

انا هنا انفجعت صراحه
ثاني مرا يسويها
لأن اول مرا سواها وعلمته وفهمته انه غلط وتأسف

والحين رجع سواها
قلت له بهدوء حط اللي معك ع الطاوله بسرعه
وحطها
وقمت وضربته الضرب العادي طبعا
وقلت والله لو اشوفك تمسك سكين مرا ثانيه
لأحرق يدك
وقام يصيح صياح كأنه منهار
لان مو متعود ع الضرب

وقامت امي تصارخ وتتحسب ليش اضربه
ويسمعها ويزيد صياح وترجيم
يفصل التلفزيون يرمي الصحن ع الارض

شي مو طبيعي اللي صار

وانا اقولها يمه لو سمحتي اسفهيه
عشان يفهم انه اللي يسويه غلط
ولا يمشي الغلط على مزاجه

وتقوم وتناديه تعال ياحبيبي

يعني ماادري وش اسوي صراحه

قمت لبست عشان عندي اختبار مسجله دوره انقليزي

وهو يصيح وهي تهدي فيه
وخليتهم صراحه ماعد عرفت وش اسوي
يعني مهما كان هي بتبقى امي مااقدر حتى اقولها شي
وهو اذا شافها تمادى بشكل مو طبيعي
ويسبني ويدعي علي بس انا سافهته

المهم جيت ابلحق على اختباري
قلت يلا يمه ساعه بالكثير وانا عندك بأذن الله

سكتت وهو عندها يوم شافني
قال الا بروح معك قلت انت اجلس الحين فكر بالغلط اللي سويته
وانا بروح لمكان حق كبار مايدخلون صغار
شوي وبجي
قام قال لا غصبا عليك ابروح ماعلي ويبكي ويصارخ

والمشكله في البيت موجوده امي واختي يعني مو لحاله

قلت للشغاله امسكيه لين اطلع بس

الا وانا طالعه

اسمع امي تسب ---فيني!!!

قمت رجعت وانا ساكته
واخذته معي وطبعا سافهته بالسياره
بس غصبا علي اخذته لان محد ماسكه
وفوت اختباري لان ممنوع دخول الاطفال
ومستحيل اني بخليه مع السواق لحاله

هذي وحده من السوالف اللي تصير شبه يوميا

انا ماأدري وش اسوي

صح اني متعلقه فيه ومااقدر ابعد عنه

بس ماعد اقدر اتحمله هو وامي في مكان واحد
تعبت والله تعبت

لاني ابي اربي ولدي صح
وبنفس الوقت ابي اكسب رضا امي

احيانا اقول ورا مااكلم ابوه ياخذه

بس الابو نفس الشي يبي من يعينه على نفسه
نسأل الله العافيه وان يعافيه ويرفع عنه مما ابتلاه به

والولد توه صغير ولا ألومه على اللي يسويه لان لاقي اللي يشجعه

والمشكله احيانا على تصرفاته الغلط
تقوله الله ---تربيتك

طيب الله يهديك ويخليك انتي اللي وصلتيه لهالمرحله من قلة الادب

ماعد اعرف وش اسوي والله

جد تعبت


‎‏ تم تعديل العنوان ليتناسب مع المضمون

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

‎‏ مكانه الانسب

كم عمر طفلك !
لانك تراددينه و كانه كبير وهذا مو اسلوب تربيه
تدرين سمعت من مستشار ان ثلاثة ارباع التربية في التغافل .. عن التصرفات السيئة لان الطفل عنادي بطبيعته
وامك محتاجة هدوء وراحة بال مو نكد و مرادد ماتنلام يوم انفعلت
وانتي ليه تاخذين ولدك و تفوتين اختبارك دام امك مدلعته ! ماحسنتي التصرف باخذك له
خفي حساسية و انفعال الولد يستمد من عصبيتك
ماكان الرفق في شيء الا زانه ومانزع من شيء الا شانه
ريلاكس و لا تكبير اخطاء الولد
كان بامكانك تسكتين و تاخذينه بهدوء تغسلين يده
مو نكد على الاكل
اتمنى اني افدتك ان شاء الله
وبرك لامك بتلقينه بولدك فتغافلي عن تصرفاته ووجهيه بطريقة لطيفة ماتسوي توتر في البيت وامك خليها تدلعه 🙂

عمره 6سنوات الله يحفظه ويخليه
واشكرك على ردك
ولكن هذا سنوات العمر اللي تتكون فيه شخصية الطفل
وانا الحمدلله من فضل ربي
وماشاءالله تبارك الله مدلعته ومو مقصره عليه بشيء
بس مااتحمل اشوف لسانه وسخ ويسبني واسفهه وانا امه
اذا وهو صغير يحاكيني بهالطريقه اجل وش خلى للكبر؟!!

وامي الله يخليها ويحفظها
ربتنا احسن تربيه بين الدلع والحرمان والضرب
وعمرنا مانتجرأ نرفع عيونا فيها

بس الله يهديها من كثر ماتحبه جالسه تخربه من غير ماتحس
والمشكله هي بنفسها احيانا تلعن تربيته
لان من زود الدلع حتى هي يرمي عليها اشياء اذا ماسوت له اللي هو يبيه

ولكن انا نزلت هالموضوع من باب الفضفضه

ومن باب لو احد نفس وضعي
ووممكن انه يفيدني
بكيف اوفق بين تربية طفلي
وبين اني ماازعل امي

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

التناقض بتربية واضح لامن ناحيتك كا أم
ولا من ناحية جدتة
بنسبة لك انتي التشجيع وترغيب احد اساليب
التربية بطفل بعمرة والعقاب يكون بالحرمان من اشياء
يحبها وليس بتهديد بالحرق وغيرة
بنسبة لوالدتك اذا نام الطفل اجلسي مع امك جلسة
مصارحة وكلميها في مو ضوعة

__________________
سبحان الله وبحمده سبحان الله العظيم

يجب أن يكون في تنسيق واتفاق بينكم في تربية الطفل

هكذا طفلك لن يعرف أين الصح من الخطأ

يعني تتفقوا على طريقة للتربية اجلسي مع أمك جلسة حبية وامدحيها واثني على تربيتها لك وأساليها كيف تريد منك ان تربي ابنك و تعاوني معها وفقك الله

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

جزاكم الله خير على ردودكم

وراح اعمل بنصايحكم

وفعلا انا اعترف انه خطأ اهدده بالحرق

مع اني اول مرا استخدم معه هالأسلوب
بس بصراحه بعد ماشفت السكينه بيده خفت مرا

واسأل الله له الهدايه وان يسخره لي يارب

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

الله يوفقك
لم انتبه لمشاركت اخي شاطئ الراحة فكلامه كان يغني عن مشاركتي جزاه الله خير

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

برأيك امك تتصرف على نياتها او انها تعاندك،

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

لا متأكده انها على نياتها
وتحبه حب بزياده جعل ربي يخليها لنا

بس المشكله هالحب والدلع وصل لمرحلة انه يضره مو ينفعه

تدلعه لدرجة صار الولد متمادي ويقل ادبه

ولكن انا ماألومه لأنه طفل
ولا ألومها لانها حرمه كبيره وتحبه

بس اسأل الله ان يعيني على تربيته
ويعيني على كسب رضاها

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي