السلام عليكم ورحمة الله وبركاته ..

الموضوع مثل ماكتبت عنوانه بالضبط اي نعم وللاسف زوجتي صارحتني بهالشي اللي هو وجود شخص اخر بحياتها ولكن السبب مني انا ،،

انا بسرد لكم حالتي وقصتي كامله وارجوا من الله ثم منكم ان كل شخص يدخل يفيدني برايه وان كان يعتقد ان رايه مابيفيدني فيه على الآقل يدعي لي بالتوفيق في حياتي واتخاذ القرار المناسب باذن الله تعالى ..

انا متزوج ولدي ولد 4 سنوات وبنت عمرها سنه ..

تزوجت 2009 يعني حاليا تقريبا 5 سنوات ..

زوجتي كانت من افضل النساء اللي حتى احلم ان احصل عليها ولكن للآسف كل شي تبعثر وقاعد يتحطم امامي الان والسبب دخول احد القريبات بحياتي وانا تماديت معاها الى ان وصلت مرحله خفت فيها من الوقوع بالحرام وعرضت عليها الزواج وانا صارحت زوجتي بهالشي ومن يومها حياتي كلها انقلبت ..

زعلت علي وبعدها قامت تراقبني وتفتش جوالي ولقت صوره لي انا معاها وظنت من الصوره اني اصلا متزوحها خلاص وانا قلت لها اي متزوج وكملت الفلم عليها وتضايقت وايد وزعلت وراحت بيت اهلها وطلبت الطلاق ..

صارت امور كثيره بهالفتره وهي بيت ابوها ،،

انا خليتها فتره طويله تقريبا شهرين احاول فيها لكن مافي فايده وبعد الشهرين صارت تلح اكثر على الطلاق وكلمت اخوها وابوها بالموضوع وقالت لهم كل شي مع اني انا تنازلت عن كل شي عشانها وعشان ما اخسر زوجتي ظنيت انها بترضى علي لكن قدر الله وعاندت اكثر وصارت تعطيني بلوك في الواتس اب والاتصال وكل منفذ اقدر اوصل لها فيه ،،

انا استخرت ربي ثم قلت ما اخليها وهذي ام عيالي وانا متاكد من حبي لها وانها الوحيده اللي بقلبي ..

وبعد محاولات كثيره بعد تقريبا 5 شهور وانا اترجاها ترجع قالت لي اني بقول لك شي ،،

قلت لها طيب قولي قالت انا غلطت وكلمت شخص عن طريق برنامج الكيك وهو استدرجني لين مع الآيام اخذ رقمي وصرنا نكلم بعض وهو من دوله مجاوره ،،

انا كنت بموت وماقدرت امسك نفسي لكن قلت اسكت واخليها ترجع مستحيل اصدق هالكلام ..

وقلت لها طيب انا مساامحج قالت بس تكفى لاتفتح الموضوع مره ثانيه ابدا وقلت لها ان شاء الله ..

رجعت والحمدلله كل شي تمام لكن ماقدرت وسالتها وحلفت لي ان الموضوع صحيح مب لعبه وانا دخلت حساباتها وتاكدت وطلع كل شي صحيح وللاسف وصلت لان ترسل له صورها وتكلمه عن طريق السكايب والواتس اب ..

تعبت كثير والله يشهد اني قريب الثلاث او اربع ايام مانمت غير دقاياق من الهم اللي كنت فيه لكن كنت عارف ان كما تدين تدان وانا غلطت وربي بلاني بنفس الشي والحمدلله اني ماتماديت والا صارت مصايب اكبر ..

سامحتها وقلت لها انا بنسى كل شي دام انتي قلتي لي هالشي من نفسج بدون ما انا اعرف بس بشرط تقطعين لك صله فيه وتغيرين رقم الجوال وافقت وقالت تم ..

وتميت في همي بدون ما ابين لها لكن قلبي يحترق من داخل وهمي محد يعلم فيه غير رب العالمين ..

وبعد فتره لقيت له رساله مرسلها عن التويتر لها وشفتها عن طريق الصدفه سبحان الله ..

وسكت سويت نفسي ماشفت شي قلت اكيد بتقول لي لكن اليوم الثاني للآسف ردت عليه وطلب منها ان يكلمها على السكايبي وكلمته ..

ووجهتها وهي تظن اني كنت اراقبها قالت هو قال ابيك ضروري ورديت مادري ليش ..

ماعرفت شسوي لكن مع الايام من الزعل مشيتها ووعدتني انها تقول لي كل شي بقلبها وقالت لي هو بقلبي ليلحين واحبه اكثر منك لكن مع الآيام صدقني بيزول من قلبي وبنساه لكن ابيك تساعدني قلت لها اوك تخيلوا حجم الصدمه والكلام الجارح اللي استحملته عشان انقذ اسرتي وانقذ زواجنا انا اعترف اني كنت مقصر في حقها كثير لكن هي مو عارفه اني الحين شخص ثاني مستعد يسوي المستحيل لرضاها ..

بعد فتره ماقدرت استحمل سالتها ليلحين هو في قلبج قالت مادري بس انا احبك انت وما ابي غيرك ..

قلت لها تكفين اي وقت حسيتي اني الوحيد بقلبج قولي لي لاتخليني انتظر قالت اوك ..
وبعد فتره مت من القهر لانها ماجات تقول لي وطولت اكثر من اسبوع ..

سالتها قالت اي انا احبك وهو خلاص ولا شي بالنسبه لي ..

ارتحت كثير واستانست ولميتها وقلت لها صج هذا الكلام حلفت بالله انه صدق ..

جبت لها القران وقلت لها احلفي ابت وقالت لا ما اقدر ..

قلت لها ليش تقول اخاف قلت يعني ليلحين في قلبج تقول يمكن قلت لها ليش تحلفين بالله قامت تبكي وتقول والله اني احبك ومابي غيرك ولا ابي اخسرك ..

لكن ماقدرت استحمل ،وطلقتها على طول ووديتها بيت ابوها لان ما استحمل احد يحلف بالله كذب

اتصلت لي وقالت لي تكفى رجعني انا ابيك وكلمتني بصوره ثانيه عكس قبل وانها مستعده تسوي المستحيل عشان ترضيني بس ارجعها ورجعتها على ذمتي مره ثانيه ..

ومرت الآيام وكل شي تمام ولا تدخل حسابه ولا تشوف اي شي عنه لكن ..

مع الايام اكتشف انها تدخل حساباته وتشوف صوره اللي يعرضها وكلمتها قالت خلاص مب داخله وان ماقدرت ودخلت بقول لك ..

ومشيتها لكن من داخلي شي ثاني احس قلبي صار يموت وعقلي مشوش وصرت بدون احساس ما اعرف شسوي وماعندي احد استشيره في امري كنت دوم اتوجه بالدعاد لله ان يصلح حالنا ويهدينا للخير ..

وامس للاسف سالتها من نفسي بدون سبب في شي صار بينكم قالت لا قلت لها اكيد ؟؟ قالت اي مافي شي ولاتفتح الموضوع مره ثانيه بليز خلاص صدقني كل شي انتهى ..

الحيت واستمريت اقول لها قولي الصدق لاني حسيت ان في شي مخشوش قالت اي كلمني على الواتس اب يبارك لي برمضان ورديت عليه وقال لي كيف حالج مع زوجج قلت له كل شي اوك وبس هذا كل شي قلناه ..

انا سكت وقلت لها خلاص طيب بس ابي منج وعد ان تقولين لي كل شي يصير مهما كان انتي حلفتي انج تقولين لي كل شي قالت اخاف اقول لك قلت لها يعني هو بقلبج ؟؟ ليلحين ؟؟ قالت اي ماعرف شسوي ما اقدر انساه هو عطاني حب اكثر منك وكان معاي في وقت انت بعيد مني بس انا ابيك واحبك قلت لها خلاص خير بس لين حسيتي هالشي تغير تعالي قولي لي وتميت عادي معاها ..

لكن انا من داخلي كنت كل مره انكسر وانطعن واموت باليوم الف مره عشانها لكن الحين ماعرف شسوي خلاص تعبت ما اقدر استحمل اكثر ابي اعرف رايكم وهل اطلقها مره ثانيه وخلاص اخليها وارتاح من الهم والا اعطيها فرصه ؟؟ انا عطيتها كل هالفرص لاني حاس ان كل شي صار مني بذنبي وانا استاهل كل شي يصير لي لكن الامر زاد عن حده وانا مب عارف افكر والله تعبت افكر كيف بيعيشون ولدي وبنتي وابوهم مفترق عن امهم افكر في هلي وكلام الناس انا راضي ان كل شي يكون ضدي وان تقول ان انا اللي غلطان مثل ما الناس تعرف ومستحيل في يوم اضرها او اتكلم لاحد عنها وان انا اللي طلقتها لاني ابي هالشي قلت بطلقها وبنتفق على ان هي اللي مو مرتاحه معاي لانها شافت صورة وحده عندي وان انا السبب وننهي كل شي ..

هذا اللي يدور براسي حاليا ابي الحل من الله ثم الشور منكم لاتبخلون علي بهالشي لاني بجد محتاج احد يرشدني ويقول لي شالحل وهل تقدر البنت تحب 2 في نفس الوقت وتقول بنساه وبحبك انت عقب هل هالشي يعقل محتار تكفون انتظر كل رد منكم ..

انت غلطان ليه ما تكلمو وتكتب له وتخبره انك انت زوجها

او افتح معه السكايب ويشوفك

والله ليحرم يرجع يكلمها


هذا افضل حل بنظري انا


التويتر والواتس اب والسكايب

ابدا معه من التويتر واستدرجه من ايميل زوجتك يحسبك هي ووقت يراك هنا الطامه الكبرى خليه ينجلط من الرعبه

ووقت يسمع صوتك تهدده

__________________
http://live.gph.gov.sa/
اللهم اني استودعك اولادي

يا اخى استهدى بالله


وانت تعلم ان هذا انتقام
الله منك وكما تَدين تٌدان



انسى الموضوع
انت اغرقها بالحب والاهتمام
وبإذن الله مع الوقت ستنسى
كل شىء ولن يبقى الا حبك


لا تنسى انت معاها ليل
نهار وبينكم افعال واقول


انما هو فليس له عندها الان
الا الذكريات فلا مواقف
ولا افعال وتضحيات
كله كلام فى كلام
واكيد هى عاقله ولا يمكن
تساوى من لم يبذل اى
شىء ليثبت لها حبه
بمن فعل كل شىء
من آجلها


يا اخى كل ما كان بينهم كلام
ولا يوجد اى شىء محسوس
يبنى عليه حب وسعاده


المهم انك تقرب منها ولا
تعطى لهذا الشخص فرصة
ان يدخل مرة آخرى الى
قلبها .. اغرقها حب وحنان
وعاطفة واهتمام وما
هى الا شهور بإذن الله
وستجدى انها تضحك وتقول
لك والله لا اعلم ماذا اقول
غير انى كنت مجنونة



ولا تنسى ان تدعوا الله
فى هذه الايام وكما ذكرت
اخت فاضلة ان الصحابة كانوا
يقولوا كنا ندعوا بكل ما نحب
فى رمضان فى السجود
وقبل الافطار وبعد الافطار
وفى اوقات اجابة الدعاء
وكان لا يآتى رمضان التالى
الا وقد حقق الله عز وجل
لنا كل ما كنا ندعوا به


فله الحمد والشكر سبحانه


استعذ بالله من الشيطان
وذكرها بالله دائما وقوى
بداخلها الوازع الدينى
ووفهمها ان هذا الشخص
مثل امثاله كل هدفهم
ان ينهش لحمها
واذا وصل الى مبتغاه
رمى بها ليبحث عن
فريسة جديدة


واجعلها ترى قصص لبنات
فقدوا كل شىء مع امثال
هؤلاء والعواذ بالله وبمجرد
ما نالوا غرضهم اختفى
ونسى الحب والكلام
والرومنسيات والاحلام


الحمد لله الذى عافانا
مما ابتلى به كثير
من الناس وصلى الله
وسلم على سيدنا
محمد وعلى آهله


نسأل الله ان يحفظ بنات
ونساء المسلمين اللهم آمين


وتذكر انها تريدك كما انك تريدها
فأصبر اصبر اصبر


اسأل الله ان يربط على
قلبك ويخرج هذا الشىء
من قلب زوجتك


اللهم آمين آمين آمين

__________________

ينقل الى القسم الانسب

قسم المتزوجين

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

__________________

اخي الكريم هناك سبب لم يتضح بعد هنا هو سبب عودتها
فهل كانت توبتك نصوح؟
بمعنى هل انت بقلب نقي وطاهر مما سبق؟
بالمناسبة
القلوب حرم الله ولايقرب حرم الله ماهو من رجس من الهوى
فالهوى من النفس الامارة بالسوء وهو وهم ولا شأن له بالقلب
فمسايستك للامر وصبرك وحلمك تخبرنا ايضا بمدى المعاناة التي تعانيها مع نفسك اتجاه احد قريباتك
املك الحل بإذن الله ولكن اجبني عن اسئلتي السابقة لو تكرمت

__________________
الحمد لله..اللهم صل على محمد و ال محمد

التفريغ المنهجي

اهلًا اخي ،،
مبارك عليك الشهر ،،وكل عام والجميع بصحة وسلامة

بالنسبة لموضوعك ،،ارى بالتأكيد. ان يكون الطلاق خارج حساباتك الا اذا قررت هي وطلبته ،،

انت من أخطئت وعادت هي بدافع الانتقام او الفراغ او اي سبب اخر واخطءت هي الاخرى ولا مبرر لها بذلك ولكن يهون من الامر الكثير ،
يكفي ان زوجتك اختارتك انت لتكمل حياتها معك وهي بذلك فعلا عازمة انها تنساه ،،لكن انت عليك تساعدها وتوجهها ،،

اطلب منها تحذف جميع حساباته وتعمل له حظر ولا تترك اي مجال له للاتصال بها وكن صارما في ذلك ولكن بحذر دون الوقوع بها في دوامة الشك والوهم التي فعلا ستقود بكما الى الطلاق ،،وان لزم الامر تفاهم مع الرجل الاخر بطرريقتك الخاصة وضع حدا لوقاحته ،،لا تكتفي بالتفرج من بعيد

حاول بكل ما تستطيع ان تحتويها جيدا لا تترك لها المجال ان تلتفت له ،،ولا باس ان كان بالإمكان ان تأخذها سفرة قريبة لأي مكان تختاره هي ومن هناك وبعييييدا عن جميع مايشوش تفكيركم ،،تعزمان سويا على فتح صفحة جديدة تعيدون فيها حساباتكم من جديد وتنسون الماضي

فترة وتعديد على خيييير ولكن بالحكمة

مووفق

سبحان الله انقلب السحر على الساحر
بدال ما تذوق هي الحره ذقتها انت

انت لازم تتقرب منها شبعها من الكلام الحلو سفرها او خذ فندق
ولا عاد تسال عن الرجال وراقبها من بعيد وزي ماقالو الاعضاء كلم رجال

الله يفرج همك ويصلح حالك

الله يعينكم على انفسكم انت وياها..هي غلطانه وانت غلطان الف مره..هي سوت حركتها بالبدايه انتقام منك بس مع الوقت حبته وتعلقت فيه..من رايي رجعها واحتويها وبين لها انها الوحيده بحياتك وخل الثقه ترجع بينكم..اذا تركتها بالتاكيد بترجع للي كلمته وبيفضى له الجو لذلك لاتسمح له يستحوذ على ام عيالك

انها اثر معصيتك
والشيطان يزين لها حبه