السلام عليكم

انا محتاجه رايكم كثير في موضوعي

انا انخطبت وجات ام الولد وشافتني وقالت اني نفس مواصفات ولدها اللي يبيها

واتصلت بعدها بيوم على طول قالت لامي متى تبون الولد يشوفها وكذا المهم اتفقنا معهم على يوم يجي اول
ويجلس مع ابوي لما نسأل عنه وكذا

وطلع الرجال كويس والله وكلمه ابوي وجا فعلا الخميس اللي راح يعني من اقل من اسبوع وشافني وشفته وارتحت له قال له ابوي خلاص بسأل عنك بعد وارد لك وش بيصير قال اوكي ولي جيه مع الوالد لان هو كان بيجي مع ابوه بعدين قال ابوي انشغل ومايقدر يجي

المهم ابوي اتصل عليه يوم الاثنين وقال سألنا عليك والكل يمدح فيك وكذا وقال لأبوي خلاص انا مشغول هاليومين وان شاء الله اكلمك

ماادري هو غير رايه ولا كيف اليوم الاربعاء وهو مااتصل ولا قال بيجي مع ابوه في ناس قالوا لي يمكن يجهز نفسه والمهر وكذا ويجي

بس لسى بدري على المهر مفروض يجي بس مع ابوه ويخطبون رسمي

وش تتوقعون سبب التأخير اللي عنها خبره ياليت تقول لي والله تعبت من التفكير

اختي الكريمة

اسئل الله العلي العظيم انه يكتب لك الزوج الخيرالصالح
اذا كان كلامك صحيح 100% نفس الي انتي كاتباه فانا باقلك حاولي تنسي الرجال
هذا رجال غير رئيه لكن مستحي يقولها صريحة ما ابغى بنتكم وسوف تتئكدي من كلام
وتذكري في ان الخير فيما سوف يختاره الله

اذا ربي ماكتب خيره والحمد لله من اولها عادي

بس ليه يرد على المكالمه كان يطنش مو لما شافها رجع يتصل هو

بصراحه لو كان مغير رايه تصرف مو حلو منه

كان مارد او لما رجع يتصل قال والله مافي نصيب مافي شي بالغصب وماراح نغصبه !!

بصراحه امره غريب

اختي راامتان: انا اقولها لك وانا جربت نفس تجربتك الرجال لم يغير رأيه ابد وهو صادق عنده شغل والغايب عذره معه
والشخص اذا كان رافض وغير مرتاح راح يخبركم من اول يوم ليش يستحي ويماطل ويقول مثل هذا الكلام .
الله يوفقك ويساعدك

__________________

الله يهديك
لم تعطيه أي عذر
اللي يسمعك يقول عنده عام من يوم ما جاء
اصبري قليلا

__________________

	رأيي يحتمل الخطأ

لا تستعجلي هداكِ الله وأعطيه عذر.

يومين مب شي

__________________


اللهم طِيبَ الأثر .. وحُسْنَ الرحيل.

الصبر حلو اصبري و القادم جميل ان شاء الله

حبيبتي لو ماعجبتيه اعتقد بيرفضك ترى الرجال صريحين اكثر منا
يعني انا تقدم لي واحد قبل 3 اسابيع يمكن وشفنا بعض وبعد 3 ايام اتصلت اخته وخبرتنا انه رافض مع ان اهله اعجبوا فيني
يعني لاتخافين لازم تنتظرين واعتقد ان يمكن بيشوف ابوه ويتفق وياه على وقت لزيارتكم وبعدين ماصار له وقت كلها يومين
الصبر زين والله يكتب لك الي فيه الخير..

الله يكتب لك الخيرة والتوفيق
اصبري هالامور تحتاج صبر وتشاور في كل الامور وقد يكون عندهم امور اشغالتهم شوئ

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

لا تقلقي اختي العزيزة لانك متوترة تاتيك افكار سوداوية وتشعرين بان الوقت كبير ولكن كل هذه وساوس اشغلي تفكيرك في اشياء اخرى.وسوف تسمعين ما يفرحك ان شاء الله.

__________________

اللهم ارزقني الدرية الصالحةا لمعافاة حسنة الخلقة والخلق .سبحان الله والحمدلله ولا اله الا الله.