..
ويرد علي شخص.. شكيت اللي أعرفه إن الموظفة حرمة ,, قلت لو سمحت أخوي هذا قسم الولادة للنساء ..؟!قام قالي : ليييييه في قسم للرجال .. وما قدرت أتمالك نفسي ضحكت وبقوة واقفل السماعة وأقول والله من جد فيه قسم للرجال >>> حسيتني غبية ..! ووناستي راحت و ضحكتي خفت والسبب هو ,, الله يأخذ مستشفى الولادة وقسم النساء اللي ورطني ....!!وش رايكم ؟؟!! |
.. مـــــــــــزحة دمرتني وخلتني أعيش بجحييييم ...
أحس إني أحط نفسي بمواقف أنا بغنى عنها , مدري السبب مني أو من الناس ونيتهم الخبيثة , تعقدت خلاص لو اكبر بروفسور نفسي بريطاني أتحداه يعالجني <<<<<<<< صيغة مبالغة بإختصار أنا إنسانة الله خلقني بشخصية (مدري إش أسميها ) بس عاجبتني ومرتاااحة وماعندي مشكلة .. أكره التعقيد والتحليل اللي ماله داعي , أحب الأمور تسير بسااااااااطة وعفوية ... يعني مايهمني مارواء الكواليس ... أتكلم مع كل الناس ومن مختلف الجنسيات أمشي على مبدأ رابطة العالم الإسلامي <<< أبويا الله يسلمه يدخلني مرسة أجانب طول المراحل التعليمية وأساله ليش يابويا ماتدخلني مدرسة مواطنين ليش دائم أنا عند الجاليات ,,,, يرد علي بحنان يقول يابنتي عشان مدرسة الأجانب قريبة من البيت وفيها باص وعشان تتعرفين على عادات الشعوب وتكتسبين مهارات ولغات متعددة وتكونين صداقات مختلفة ياله من أب حكيم له نظرة بعيدة المدى وكنت أنا الضحية ............ نرجــــــــــع لموضوعنا : زي ماقلت ماعندي قيود معينة واهم مايميزني إن ضحكتي قررريبة <<< وهنا مربط الفرس أي شيء أضحك عليه لو كان سخيف وإن ماضحكت إبتسمت وهذا أضعف الإيمان عندي ...... وفي ييوم ...... .... كنت كالعادة أروح البقالة قريبة من البيت للتمشية وأخذلي كم من شيء منها مرة أختي ترافقني ومرة لحالي ,,, كل مرة أروح لازم أخذ مارس وجنب البقالة كان بيت عمي ولد عمي بعد ماتخرج صار مايجلس إلا عند الباب , ويراقب كل مارحت البقالة لدرجة عرف كل الأشياء اللي أشتريها كل مرة ... وفي يوم رحت وأخذت كل شيء ونسيييت المارس , وأنا أحاسب نادى بصوت عااااالي يقول تراك نسيتي المارس ... طبعاً ضحكت ورجعت للمارس ... بعدها صار يدق علي ويكلمني وكنت أكلمه من باب التسليه , وجات فترة إنشغلت بالجامعة وخلال هالفترة ماكلمني وبيوم دقت علي أختي الكبيرة من أبوي وتصير بنت خالة ولد عمي هذا , وأنا أمي من خارج العائلة ... قالت لي ياشهزدا باركيلي إنخطبت قلت مبروووك مين قالت .. عبدالرحمن ولد خالتي ... وأنا يالحقييييييييييير مالفيت تخون إلا مع أختي ,, سكرت على الموضوع ولا من شاف ولا من دري ... لاكلمته ولا كلمني من بعدها تزوجت أختي وكانت تقولي إش يقولها وهي ماتدري إن كان بيننا علاقة .. عمري ماشفت اكذب من هالشخص ........ آآآه لو كانت ماهي أختي كان قلت لها .. ( ..... مررررررررررررت الأيام بس للأســـــــف ما تبت ...... ) وعادت حليمة إلى عادتها القديمة ... بتقولون كيف ..؟ أنا أقولكم ..: كنت جالسة في البيت وبيدي الريموت أقلب في القنوات وجاء أخوي يقول ياشهزدا دقي على مستشفى الولادة يبغاني اسال عن زوجته ولدت ولا لا >>>> بتقولون إش معنى أنتي ؟؟ لأن الإتصالات بأنواعها شغلتي ولأني أقرب وحده للتلقون وقتها ... وأنا أتناول الهاتف بأدب جم وأدق رقم المستشفى ,, ولا حد رد علي ..!! قلت مافيه مشكلة شوي وأدق مرة ثانية .. وإنشغلت بفلم بالتلفزيون ونسيت أدق ,, جاء اخوي قال إش قالوا لك , قلت نسييت الحين ادق ..!! ولذكائي الخارق مادقيت الرقم من جديد لأني داقة الرقم قبل شوي , ضغت بس على زر إعادة الإتصال ... ويرد علي شخص.. شكيت اللي أعرفه إن الموظفة حرمة ,, قلت لو سمحت أخوي هذا قسم الولادة للنساء ..؟!قام قالي : ليييييه في قسم للرجال ..:d وما قدرت أتمالك نفسي ضحكت وبقوة واقفل السماعة وأقول والله من جد فيه قسم للرجال >>> حسيتني غبية ..! قال أخوي وش فيك وأنا أقوله السالفة ويعصب ويقول أنتي داقة غلط , و أطالع في الرقم والله من جد مو رقم المستشفى طلع رقم صديقة اختي وهذا أخوها .... المهم زارتنا صديقة أختي وقالت إن أخوها يسأل عن اللي دقت عليه وتقول قلت له هذى أكيييد شهزدا مافيه غيرها .. وبعد أيام جاء وخطبني وتملكنا ,, وكل ماجت سيرة مستشفى الولادة ضحكنا وصارت نكتة ... شخصيته كانت حلوة بس غيوور بزيادة , يكلمني بالساعات ويسألني وين رايحة ومنوين جاية ومين صديقاتي ؟؟! يززززعل لو إنشغلت عنه , لدرجة صرت ما اقوله وين اروح لأني ألقاه قدامي ويحرجني مع أهلي وصحباتي أحياناً يبغاني طول الوقت أقوله أحبك أحبك أحبك مليييييييييت بس قالوا لي أخواتي بكرة لتزوجتوا يخف كل هالشيء أصبري عليه ..!! قلت أوكيه نشوف .. تزوجنـــــــــــــــــــــــا <<<<< وليتنا ماتزوجنا ... حالته زاااادت وغيييرته صارت أكبر لدرجة يغار من أخواني وأبوي لما نروح زيارة لهم يتنكد ويسألني ليش سلمتي على أخوك بهذى الطريقة ؟؟ ليش اخوك يحضنك وليش باسك ؟؟ ليش تمزحون مع بعض بطريقة ماسخة ؟؟ ليش تجلسين بحضن أبوك ؟ ليش ضحكتي وليش قلتي وليش وليش ؟؟؟؟ اقوله أنت صاحي هذولا أخواني وأبوي وأنا أختهم الصغيرة هم مربيني بعد أمي الله يرحمها ... وبعد فترة صار شكاااك خاصة بضحكتي أحسه يذكر أول مرة دقت عليه فيها بالغلط وضحكت ,, إلى الآن باله ... وخاصة لما صار يجلس مع زوج أختي ولد عمي سالف الذكر اللي قلت عنه في البداية , الظاهر إنه يقوله شيء بتقولون كيف عرفت ؟؟ لأن أختي تغيرت علي وتقول إن زوجها يقارن بيني وبينها ويقول لها ليش ماكملتي تعليمك زي أختك ومن هالكلام ؟ ومسكييييين زوجي والله أحزن عليه نفسيته صارت سيئة وكله معصب ومتنرفز ... أحسه مو واثق فيني , يشوف جوالي على باله بيلقى شيء >> يعنى لو كنت بسوي شيء بالله بخليه بالجوال حقي ليه غبيه أنا ...!!! مدري كيف يفكر ؟ ناقشتة وكلمته بس مافيه فائدة .. .. صرت أهتم فيه زيادة , لم يجيء احضنه مع بوسه خفيفة أحسه ينبسط بس يرجع يقول أنتي أصلاً إسلوبك دلع مع كل الناس مافيه جديد ... بالله إش اقوله هذا ؟؟؟ رحنا السوق مرة قال بسرعة أنا ما أحب الزحمة قلت له خلاص أنا أروح لحالي أنجن وثار وقال هذا اللي تبغين .. عشان تتضحكين مع العالم وتتغنجين ..!! هنا عصبت وقلت رجعني البيت ,, قال لاخلاص أنا اروح معك قلت لا رجعني , رجعنا دخلت الغرفة وقفلت الباب وأنا ضايقة فيني صحت صييياح هستيري , حسيت إني ندمت إني إتزوجته وصبرت عليه ... وهو يدق الباب يعتذر ويقول ماصار إلا الخير خلاص إفتحي وكأني انا الغلطانة ..؟!!!! طلعت من الغرفة ورحت لغرفة النوم وجلست أجمع أغراضي وهو متمدد على السرير ويطالعني وساكت .. قلت له بروح بيت أهلي قال خليها الصبح أوديك قلت لا ذحين قال الصبح رجعت الغرفة أكمل بكي .... جاء جلس جنبي يقولي والله أحبك لو ما أحبك ما أغار عليك أنا غصباً عني أنرفز يالله أوديك أهلك ترتاحين يومين .. وأنا أبغى أسافر رحت لأهلي حسيت إني إرتحت من يوم مادخلت حوش بيتنا حسيت بآمان وفيني صيحة ومافيه شيء يسوا راحة البال هنا أتكلم بعفوية بدون رقيب وضحك وسوالف وطلعات وإنشغلت عن زوجي وتعقيده وأهلي مادروا إن بيننا مشكله قلت لهم سافر ... وجلس أربع أيام ماكلمني ولا كلمته وفي اليوم الخامس أرسل رسالة يقول : " طبعاً نسيتيني أبوك يحضنك وأخوك يبوسك وش تبغين فيني " رديت عليه قلت له " الدنيا كلها ما تنسيني حبيبي " رغم إن رسالته قهرررتني مرة .... الساعة 9 بالليل دق علي قال أنا تحت يالله بنروح البيت .. نزلت له قلت له حبيبي ليش ماقلت لي إنك رجعت ؟؟ قال أصلاً ما سافرت , قلت ليش ؟؟ قال مو شغلك .. تمــــــــــــــالكت أعصابي للمرة المليووون .. وسكت .. طالع فيني قال معليش أنا تعبان شوي ... !! قال تعشيتي قلت لا .. قال أنا عازمك على العشاء رحنا المطعم طبعاً ما أكلنا النفسيات زفت ,, قالي إسمعي ياشهزدا .. الوضع هذا أنا ما أتحمله قلت ولا أنا أتحمله .. قال أنا أحبك وأموت فيك لدرجة تعبني ,, وأنتي ماتحترمين غيرتي ولأنتي حاسة إنك إتزوجتي عايشة على نفس وضعك اللي قبل .. قلت له إش تبغى مني طيب , وإش اللي مزعلك بالضبط .. قال إسلوبك وتغنجك وضحكك ..!! قلت له مع مين ؟؟ سكت شوي وقال مع كل أحد ,, قلت حدد مين كل أحد ؟؟؟؟ سكت وقال إخوانك وأبوك وزميلاتك .. قلت يعني مو أحد غريب ؟؟ وغيرة مو بمحلها .. وهذا طبعي وانت تعرف .. قال أنتي تقولين لأخوك ياقلبو وحبيبي ولي تقولين حبيبي شهزدا أحسك مو صادقة ..؟ قلت له حبيبي كل كلمة تفرق أنت حبيبي وأخوي حبيبي بس المعني غييييييييير والله غييييييييير هذا أخوي وأنت زوجي سكت مدري إقتنع ولا لا ...!! رحنا البيت ,, وجلسنا ساكتين طالع في وقال شهزدا لو إنفصلنا تتزوجين بعدي ؟؟ حسيييت إني حزززززنت عليه ,, قمت له وحظنته قلت : الله لا يفرقنا حبيبي , ويخلينا طول العمر حق بعض .. إنبسط وإستأنس ... وصار لي الحين إسبوع ما رحت لأهلي عشان بس يهدأ وتهدأ غيرته شوي,, بس عارفة إن هذا ماهو الحل .. ؟؟؟ وصراحة كل مرة أفكر ارجع لأهلي قبل لأيجينا أطفال واتورط فيهم ,, لأن الحياة معه جحييييييم ..صار لنا سنة واربع أشهر متزوجين عمره 28 وعمري24 ... تعبت وأنا أداريه كأنه صغيير ... ووناستي راحت و ضحكتي خفت والسبب هو ,, الله يأخذ مستشفى الولادة وقسم النساء اللي ورطني ....!!وش رايكم ؟؟!! |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|