السلام عليكم ..

كيفكم ووش أخباركم ..

مدري من وين أبدأ بس مثل ماهو واضح بالعنوان ..
ابني عمره أربع سنوات وثمانية أشهر بالضبط ..

حقيقة إني تأخرت في تعليمه وتدريبه ع الحمام ..
بدأت معه بعد أن أكمل ثلاث سنوات تقريباً ..
وكان تعلمه بطيء واتعبني كثير ..

حالياً الحمد لله معتمد على نفسه كلياً وينظف نفسه وينظف الحمام بعد استخدامه وانتو بكرامة .. ولكن وقت النوووووووووم يصحى متبول في سريره .
تعبت من جد وجت فترة من كثر الاحباط كنت البسه بامبرز وقت النوم .

المهم من شهرين ابوه استنكر الموضوع وتكلم معه وهو ذكي ويستجيب لأبوه
ومتعلق بأبوه كثير .. قال له انت صرت رجال تروح معي البقاله وتروح معي المسجد وتسوق السيارة يعني خلاص صرت رجال وما تلبس حفاظه عيب .. وتفاعل الولد بشكل مو طبيعي وفعلاً مرت ليليتين ما تبول في السرير .. فرررحت كثير .
وحرصت انه ما يشرب قبل النوم اقل شي بساعتين .. ويعرض نفسه ع الحمام قبل يدخل ينام .
ومع ذلك انتكس .. وصار يتبول في الفراش احياناً مرتين

كل ليلة احفزه بشي واقوله اذا صحيت والفراش نظيف ورحت الحمام نروح الالعاب ..
اعطيك جوالي تحمل العاب وتلعب .. تروح مع بابا عند جده .. تطلع تلعب مع فلان .

مدري وش اسوي جد تعبت معه وهو بنفسه متضايق لأنه اساساً يتبول وهو نايم ما يدري.
اليوم كسر خاطري لاني البارح قلت له اذا صحيت وفراشك نظيف اعطيك جوالي تحمل العاب وتلعب قد ما تبي ..طبعاً الجوالات محظوره عليهم عندنا بس اعتبرته استثناء

صحى ولقى نفسه متبول وراح الحمام وغسل نفسه وبدل ملابسه وجا عندي قال ماما انتي زعلانه عشان ........ قلت لا حبيبي ماني زعلانه بس ما اعطيك الجوال لاننا اتفقنا صح ؟!
ما ناقشني ع طول راح وجلس لحاله وحزييييييين .


افيدوني بخبراتكم .. بتجاربكم مع عيالكم ..
ع فكرة .. الولد جداً مهتمين فيه وما نعامله بعنف ولا يتعرض لضرب ابداً
وابوه حنوووون ويدلعهم هو واخته كثير ... ممكن يخاصم احياناً بس ما يضرب .
انا بصراحة اضرب بس خفيف جددداً ما اعنف ونادر مررره اذا اخطا خطا كبير .

__________________
استغفر الله العظيم وأتوب إليه .. سبحان الله ..الحمد لله.. الله أكبر

عزيزتي انكسار ربي يحفظلك ولدك وتشوفيه باعلى المراتب
هوي اجمالا اي ساعة بنام
اذا عال8مثلا صحيه عالساعة 12قبل ما تنامي
ومن بعدها عال4الفجر
وجربي هالطريقة لفترة اذا مشي الحال بصير لوحده يصحى بهالفترة
وبالفعل شي بيحزن وبيكسر الخاطر وقت الطفل من دون وعي ويلاقي نفسه مبلل
وبالنسبة للبامبرز في منهن على شكل سروال داخلي ومقاسات لعمر 15بيلبسوا الولد لوحده بالليل وهيك لو عملها بالليل ما بيوسخ فراشه ولا ملابسه وبس بقوم بغسل نفسه نصف دوش اذا بده من ورا البول
واعرضيه على طبيب مختص بالمسالك البولية
وبسمع انو هالشي عادي وخاصة الذكور انهن يمروا بهيك حالات
الله يطمنلك بالك حبيبتي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ربي يسعد قلبك ميمووو..
تدرين مشكلتنا السهر لانهم يسهرون هو واخته وينامون تقريباً الساعه 3
انا الحمد لله تطمنت من الردود ان الحاله طبيعيه ان شااء الله
يارب تتسهل الامور .

بالنسبه للمكيفات عاد ماعندنا مكيفات خير شر
لان بيئتنا جبلية ومعظم شهور السنه جونا بارد .. حالياً الجو معتدل وتمام
عشان كذا ودي يتعلم يمسك نفسه وارتاح من ناحيته..لأني بديت أدرب بنتي
ع الحمام والإستجابه عندها صفر رغم ان عمرها ثلاث سنوات وذكيه بس عنيده .
الله يسهل الأمور .

الف شكر عزيزتي ميموو ..

__________________
استغفر الله العظيم وأتوب إليه .. سبحان الله ..الحمد لله.. الله أكبر

بالنسبة للتبول الا ارادي للاطفال تحت خمس سنوات nocturnal enuresis هي حالة لها علاج طرق لها.
اسألي طبيب اطفال .. او طبيب طب اسرة.. وفيها طرق كثييرة..
ومنها الانتظار وراح توقف الحالة يعني لما يكبر ويوصل 6 سنوات او 7..
وفيه بناطيل لها اجهزة انذر صغيرة جدا.. تصحي الولد لما تحس بالرطوبة فمنها راح يدرب نفسه ان يصحى من النوم لما تمتلىء مثانته.. ..
وشغلات ثانية كثيير..

انا اذكر وعمري 5 سنوات كنت اعاني من الشغلة هذي..ولا كانت امي تدري عني !! كنت اصحى واروح بنفسي اغير والبس. بعدين صرت ماشرب ماء باليل وادخل الحمام بنفسي قبل انام.. الى ان اختفت المشكلة بدون ما امي تحس فيني !!!!!!!

شكراً لك اخي الكريم
كنت راح ألجأ للطبيب بصراحة بس من الردود عرفت اني استعجلت ..
ممكن تفيدني وين القى البناطيل اللي أشرت لها مع خالص الشكر والتقدير .

__________________
استغفر الله العظيم وأتوب إليه .. سبحان الله ..الحمد لله.. الله أكبر

هه عادي فقط أصحييه من النوم الساعه 11 او 12 ليلا وقولي له اذهب الحمام
أذكر أني كنت أتبول في سريري حتى عمري صار 13 والحمد لله وقفت

الحمد لله على السلامه
ان شاء الله راح ابدا بتطبيق فكرة اني اصحيه بعد نومه ب 3 ساعات
شكراً جزيلاً لك ..

__________________
استغفر الله العظيم وأتوب إليه .. سبحان الله ..الحمد لله.. الله أكبر

اولا يروح الحمام قبل النوم
بعدين ارجعي بعد 4 او 5 ساعات صحيه و خليه يروح الحمام و يرجع ينام

اكيد ان شاء الله .
ربي يجزاك الف خير .

__________________
استغفر الله العظيم وأتوب إليه .. سبحان الله ..الحمد لله.. الله أكبر

ابني كان كذا بس كنت اصحيه كل 3 او 4 ساعات وبعدين صار يقوم لحاله جربي هالطريقة ان شاءالله تنفع

ربي يخلي لك اطفالك 🌹