السلام عليكم

يا اخواني مقبل عالزواج بعد 10 شهور ان شاءالله

واحب الاطفال ولكن اتخوف من المسؤوليه واحس بهم من الحين
مو متخيل نفسي مع زوجتي وابنائي والخدامه وازعاجهم بالشقه او بالسياره
مهموم من من تربيتهم ورعايتهم وروحات الطبيب تالي الليل

كنت اتمنى اني ساكن مع ابي وامي علشان هم يربون الاولاد بس وظيفتي تبعد عن اهلي 8 ساعات يعني مضطر اسكن مستقل بشقه ايجار مع زوجتي وابنائي اللي ما جو بعد

اهلي ما قصروا معي ( الله يجزاهم خير ويرزقني برهم ) وهم شايلين عني كل شي فصرت متعود ما اعمل شي بنفسي

انا شخصيًا يعتمد علي بس بالاشياء الكبيره ووقت الحاجه اعجبكم

بس ان حسيت ان في احد ممكن يشيل عني ويمشي الامور سلمته القياده

يعني احتاج اتمرن عالمسؤوليه والروحات والمراجعات ولو ما احبها
استغفر الله افكر ما اجيب عيال لهالسبب واعيش مرتاح

طبعًا هذا كلام والواقع غير بعد الزواج ان شاءالله يجون العيال ونعقل

بس ابي نصايح من الحين ماني ناطر المشكله لين تصير ثم اقط الحمل كله عالمرا او نطفش اثنين

يعني انصحوني شسوي ؟
واحد فيكم واجه او حس بهذي المشكله ؟*

يا اخواني ابي نصايح
ما ابي احد يقول لي لا تتزوج لانك مو قد المسؤوليه ومن هالكلام اللي يغث

ابي نصايح عمليه انا بمشكله وما اجامل نفسي وابي حل مديت يدي لكم وابي مساعده والا بمشيها عالبركه

والتوفيق من الله*

اتعرف اخي الكريم
يجب اولا ان تعترف ان هذا العيب فيك عدم تحمل المسؤولية موجود
فقولك انا اتحمل المسؤليات الكبيرة لكن وقت احد يشيل القيادة اخليه
و في نفس الوقت مستصعب مسؤولية الاطفال الكبيرة
وفي نفس الوقت تقول هذا كلام و الواقع غير و لا تفهموني غلط
هنا اخي الكريم لم تعرف او تعترف بموطن الخلل حتى يكون بعدها
البحث عن حلول و افكار
عموما لا اعرف قصة الذهاب للمستشفى اخر الليل
لا يحدث ذلك بشكل دوري و مستمر كما تتخيل
و لو شعرت ان الطفل متعب و عليه عوارض الحاجة للطبيب يذهب به قبلا
الطفل الرضيع بداية ولادته يحتاج تطعيمات ثم متابعة كل شهر و تطعيمات مجدولة لوقايته متباعدة و بينها 3اشهر تقريبا
و حري بنا ان نهتم على تربيتهم على القيم و الاخلاق عوضا عن التفكر بالمشاوير و التكسل عن ذلك

__________________

بالعكس يعجبني اعترافك
شوف الموضوع بيكون بالتدريج
يعني اول شي عود نفسك بمسءوليه الزوجه ودها لمشاويرها تمشى معاها اشتر اغراض بيتك ودها جبها
عقب لما تحمل ودها لمراجعاتها والطبيب وغيره
ولما يجون الحلوين الا انت متعود وخالص
الله يوفقك

أنا أقترح عليك تروح لمعالج نفسي تشرح له وضعك

تدري وش مشكلتك


تسبق الاحدااااااااااااااااااااااااث

تتخيل مشكلة و تبرر لنفسك و تطلع نفسك منها و تحاول تحصر المشاكل فقط

جد ما استهبل يااخي ريح مخك

مخك ما يوقف من التفكير السلبي


تراني عادتك اخوي و أنصحك لوجه الله

__________________

‏
الوعي هو الملاذ ..

أستغفر الله العظيم ؛
( الفردوس غايتي )

وعليكم السلام ورحمة الله وبركاته ..
مرحباً بك أيها الأستاذ الفاضـل ..
تعلّم من الآن كيف تُدير شؤونك وحدك أنت ..عشر شهور كافية جداً بأن تجعلك انسان ترتقي للأفضـل ، فعندما تتعلم فن الإدارة ستكون هذه المخاوف كلها أوهام ..
وفقك الله لكل خير ..

هل تعتقد بأنك ستتحمل كامل المسؤليه ؟!

_ ليس وحدك من يتحمل مسؤليه ابنائه
انت وزوجتك تتشاركون بتربيه ابنائكم بأذن الله
_ ضع في ذهنك افكار ايجابيه انك قادر بأن تفتح بيت وتكون لك اسرة ( ام ، اب ، ابناء ) أليس ذلك جميلاً ؟!
وجود الابناء في حياتك سعادة وليس هم .

__________________

__________________
[img]http://im78.***********/FRd0Bi.jpeg[/img]

بدوي العيال مايجون مره وحده
السنه الاولى طفل خفيف لطيف
بعد كم سنه طفل ثاني وبعد كم سنه طفل
ثالث ... يعني بالتدريج المسؤوليه
مو زواج من هنا وسياره مليانه اطفال من هنا
ريح اعصابك وخليك ريلاكس
وبعدين ياخي تتكلم وكأنك بتغير وتلبس وتروش
وتمَرض وتسهر عليهم .... الله يخليلهم امهم
بس عارف مع كل الأفكار السلبية اللي في راسك
مستغربه انك بتتزوج
ترى الحياة حلوه بشقاوتها

مٍْْـٍْْ♡̷̴̬̩̃̊ـٍْْنٍْْ طلعنا على الدنيا
والرجل بالنسبه لنا مصدر امان ،، مٍْْـٍْْ♡̷̴̬̩̃̊ـٍْْنٍْْ خلال تحمله لمسؤولية بيته وعياله !
والرجل أإأذأإأ فقد هاذي الميزه ،،، راح يواجه مشااااكل كثيييره !!
خلي موضوع ود وجيب ومشاوير الطبيب تالي الليل!!
شلون راح تربي عيالك !!!
شلون بكره يواجهوون الحياه !! تبيهم يطلعون اتكالييين !! واحدهم مايقوم مٍْْـٍْْ♡̷̴̬̩̃̊ـٍْْنٍْْ مكانه!!
شلون بينفعونك أإأذأإأ بلغت مٍْْـٍْْ♡̷̴̬̩̃̊ـٍْْنٍْْ العمر عتيا !!!

<< أإأذأإأ شايف نفسك كلش كلش موقادر تتحمل مسؤوليه بيتك ومشاويره !! مٍْْـٍْْ♡̷̴̬̩̃̊ـٍْْنٍْْ الـפــيْنَّ قدم على سايق يقوم بهالمهمه وانت اشبع نوم !!!

ادري [*~*> ردي. قاسي ،، بس تاكد اخوي الزوج عديم المسؤوليه مشاكله كثيييره وماتنتهي !!!!

__________________
اللهم احفظ لي زوجي وسخره لي واحفظ لي اولادي