بسم الله الرحمن الرحيم
اشيروا علي انا طفشت من الحاله الي انا عايشتها.........طبعا تعرفون مشكلتي لاني عرضتها قبل لكن الحين ان الشقاق زاد وكبر زوجي جرحني بكلمه قالها لي .....قال انه عمره ماحبني حب الحبيب لحبيبته لانه لو كان كيذى كان حتى اخوه راح يغار علي منه.وهو مو كيذى للاسف....لكن انا احس انه يحبني بس مايقول او يبين لي اي شي ...لدرجة اني صرت ادوره حتى في العلاقه الخاصه هو يحب هذا الشي لكن انا طفشت هو مايبين اي رغبه بوجودي اوحبي...انا الي دايما امطره بالكلام كل الكلام الي ممكن ينقال لحبيب قلته له........انا تعبت احس اني يوم قلتله عن ضيقتي من تصرف اخته اخذ مني هذا الموقف...تخيلو زوجي مستأجر شقه كبيره عشاع اهله لوجو يصيفون عندنا اغلب الصيف طبعا ك
ومع هذا انا مرحبه بكل الي من طرفه مو عشانه وبس لانهم يستاهلون بعد......في مره من المرات جت اخته الكبيره مع زوجها وكانو اهله عندي بعد ويوم جا وقت النوم كنت انا واخواتها جالسين جت قالت يله يله شيلو فرشكم عشان رجلي بيجي ينام هينا طبعا احنا قاعدين في غرفة الحريم ...يعني داخل لالبيت يعني المقلط والمجلس ما كفوها لا وكل هذا وانا جالسه مثل الطرشا مالي كلمه انا انقهرت من تصرفها وضقت ويوم دخلت تنام قلت لاخواتها اني ضقت وقامت وحده منهم وقالت والله بيت اخوها تسوي فيه الي تبي علا كيفها اذا ماتبين قومي اطرديها انا انصدمت منها ليه لاني عمري ماكلمت ولا وحده فيهم بهذا الاسلوب انا دايما محسستهم ان البيت بيتهم يقومون وينامون ويطبخون ويحوسون والى الان ماكلمتها ولا هي تكلمت معي المهم زوجي يوم قلتله قال انتي غلطانه هذي ضيفه وتسوي الي تبي وانا انقهرت بالله عليكم قولو مين الصح وانا معكم انا ولا تصرف اخته......ردو علي بسرعه

لا تموتين اختي ولا شي

اللي يعيش ياما يشوف

اول نصيحة مني ... لا تقولين حق زوجك عن هالنوع من المناوشات


لان اغلب الرجال ما يرضى اي كلمة عن اهله ..حتى لو كان يعرف ان اهله هم الغلطانين

اختي ...لا تكون لين فتعصر ..ولا يابس فتكسر

خلي عندك شخصية ...اذا وحده من خوات زوجك قالت لك كلمة ما حبيتيها

بكل هدوء تكلمي معاها ... ووضحي لها سبب ضيقك من تصرفها

وانهي الموضوع بسرعة ..عشان ما احد يشيل في قلبة على الثاني

وعشان يعرفون انك مو ضعيفة ويحسبون لك حساب

وربي يوفقك

كبرى دماغك
وللعلم ما فى رجل يغلط اهله حتى لو هو معترف بذلك لن يقول هذا لزوجته وصالحيه وسايسى امورك ودائما فكرى
ليه انكد على نفسى بسبب شخص هو مبسوط دلوقت لا انا لن اسمح لشخص ايا كان يكون سبب نكد بينى وبين زوجى
وفقك الله لما يحبه ويرضاااه

__________________
سبحان الله وبحمده سبحان الله العظيم

اللهم بارك فاطمه واحفظها من كل سوء

والله هى بنوته واحده ولكن بسبعه ما شاء الله
= = = = = = =

استهدي بالله يابنت الحلال

وتحمليهم لانهم بالنهاية ضيوفك كلها فتره ويروحون

وغير كذا اخت زوجك ماسوت كذا الا لانك طيبة بزيادة معهم ومعطيتهم الميانه مرررره

عشان كذا تجرات عليك وماهمها عارفه انك ماراح تردينها

__________________
حكمه غاليه أهديها لك: من وجد الله فماذا فقد ؟؟ ومن فقد الله فماذا وجد؟؟؟

CCCCCC

بصراحه انتو صادقين......والله الدنيا ماتسوى اضيق صدر رجلي عشان مناوشات مامنها فايده.....ولكن عيبي اني اذا ضقت يبين علي ويسألني زوجي واقوله بكل صراحه وانا من النوع الي مااعرف ارد اذا انصدمت.... واشيل واصيح وتصير حالتي حاله.....لكن انا الحين ماكلمتها.....وأستناها تكلم....عشان احط النقط علا الحروف.......صح انا حليوه ....وهم عشان كيذى يشوفني خبلا علانياتي زي مايقولون ........آخر الكلام جزاكم الله الف خير علا المشوره.......وتبريد الكبد

تعوذي من الشيطان اختي
وفي الحياة اشياء لازم الواحد يعديها عشان يستمر والله لو حطيتي في بالك بتعكري حياتك على الفاضي اعتبري نفسك انتي الغلطانة وحطي الرأس الى زوجك ومهما صار يظل هو زوجك وحبيبك
والله يوفقك

استعيذي من الشيطان ....

__________________

اتعوذي من الشيطان ولا اتخلين كلام تافه يخرب علاقتك بزوجك

__________________
ليس كل ما يلمع ذهبا

يا هلا ..

انا مع الاخت فافي في كل ما قالته ..

عندي ملاحظه ثانيه .. لا تقطّين الميانه كثير مع اهل زوجك خلي بينكم حدود عشان ما احد يغلط على الثاني .. حتى بين الزوج و زوجته حدود يجب ان لا يتعداها الطرفان .. فما بالك مع اهله ..
لازم يصير نوع من الرسميات الخفيفه .. حتى تظلون حبايب ..

وربي يسعدك ..

أميرات ..